Guinuwa 15:40 - Loina Tabu Auwauna NT

⁴⁰ Ta Paulo Sailasa 'iesinuwena be 'ida 'oayabuna 'ina sakowasi nina 'ena. 'Enega toekalesiyao Yaubada 'ena sisidasida be 'ina obobomega siteluwa nidi 'ida giewaiwaiyedi; ta sitauya,

Guinuwa 15:40 Σταυροειδείς Αναφορές

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

Guinuwa 13:3

'Enega Yaubada 'ena sisidasida limana mabotanidi, ga sigidebedi, ga Banaba be Saulo sietunedi 'idi guinuwa nina manuna.

Guinuwa 14:26

ga wagega sigelu, ga siila Anitioki, sena nina lowa 'enega 'idi guinuwa nina sie'alena, ta 'ena wate lowa Yaubada 'ina oboboma silobena, paisewa nina ni'atu silosalonina manuna.

Guinuwa 15:22

'Enega Yesu 'ana tosimanao site tuwelo be toanuganao be toekalesiyao maibo'adi sinuwanuwa leleleya ga 'aidi 'ediyega siesinuwedi be sietunedi be 'aene Paulo be Banaba ma'ediyao sitatauya Anitioki. Ta 'eluwa toekalesiyao 'adi toanuganao 'ediyega siesinuwedi, natedi Yudasa, tauna sieesena Basaba, be wate Sailasa,

Guinuwa 15:32

Ta Yudasa be Sailasa taudi sana wate palopitao, ga 'idi loguguya yauna 'ediyega toekalesiyao sigiewaiwaiyedi.

Guinuwa 16:19

Ta gomagweine 'ina 'inapwanao sigamwasowalema, manuna 'idi mani sinabwana 'ana 'ebe loba tauna gomagweine nina, ta ni'atu Paulo 'igiebobo'anena. 'Enega Paulo be Sailasa sigiyaidi ga silisi dadanedi, ga sitauyedi 'ebe egimwane 'ena, ta si'au'ewedi toloinao 'ediya sabi etalaedi,

Guinuwa 17:4

'Enega 'aidi si'awa 'ai'ailena ga Paulo be Sailasa 'idi boda 'ena silugu, ta Yaubada 'ana to'amayabao taudi nigeya me Yudia 'ediyega, be iine 'adi esanao sinabwadi 'ediyega, yaudi wate siemisa.

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

2 Kolinita 13:14

'Inapwana Yesu Keliso maibo'ami 'ida 'atenuwa 'ole'oleyemi, ta Yaubada 'ida obobomemi, be Yaluyaluwa Tabuna wate ma'emiya wada egosigosiyana 'ai'aila. 'Abo'agu Paulo.

2 Timoti 4:22

'Inapwana ma'iyayo be yaluyaluwayo 'igiewaiwaiye, ta 'oyo be 'imu bodao 'ida lememi. 'Abo'agu Paulo.

Taito 3:15

Bada ma 'agu bodao 'ima oboboma 'emuya, ta gosedao, 'Inapwana 'ana tomuliyao ma'emwao wamiyami, taudi wate 'ima oboboma 'ediya. Yaubada 'ina oboboma maibo'ami 'emiya. 'Abo'agu Paulo.