Guinuwa 15:23 - Loina Tabu Auwauna NT

²³ ga toemisao nidi taudi nigeya me Yudia 'idi leta si'ewena, ta 'ana 'etoladi 'igwae, “Kagutoki tasimao 'omi toekalesiyao sena apwesaya Anitioki be Silia be Silisia 'ediya wamiyami. 'Abo'ama Yesu 'ana tosimanao be toanuganao 'imi leta 'a'etoladinawa.

Guinuwa 15:23 Σταυροειδείς Αναφορές

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 11:20

Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya,

Guinuwa 14:27

'Enega tuta nina Anitioki 'ena siluguya, toekalesiyao sibwau egogonedima, ga yage yauyauna Yaubada 'iguinuwenaya manudi, 'idi sakowasi nina solanaya siemwasalidi, nate emisa 'ana 'awa 'igigegena taudi nigeya me Yudia manudi, be taudi wate sida lugu.

Guinuwa 15:1

'Enega 'aidi tomota Yudia 'enega siebusima, ga sie'ie'ita toekalesiyao me Anitioki 'ediya, sigwaegwae, “Mosese lowaenei 'iloinema bwalama 'ana daba manuna. 'Enega 'eguma 'omi daba nina nigeya wa'ewa'ewa, geya'abo 'etoseyana walobaloba.”

Guinuwa 15:2

Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

Guinuwa 15:22

'Enega Yesu 'ana tosimanao site tuwelo be toanuganao be toekalesiyao maibo'adi sinuwanuwa leleleya ga 'aidi 'ediyega siesinuwedi be sietunedi be 'aene Paulo be Banaba ma'ediyao sitatauya Anitioki. Ta 'eluwa toekalesiyao 'adi toanuganao 'ediyega siesinuwedi, natedi Yudasa, tauna sieesena Basaba, be wate Sailasa,

Guinuwa 15:4

'Enega siapwesa Yelusalema, ga toekalesiyao be Yesu 'ana tosimanao be toanuganao si'au'ewedi 'idi anuwaya, ga Paulo be Banaba siemwasala 'ediya to'ase be to'ase 'idi paisewa Yaubada 'ina waiwaiyega siguinuwedi.

Guinuwa 15:41

ga sisakowasi Silia be Silisia 'asanao 'ediya, ga Paulo toekalesiyao 'ilemedi, ta 'igiewaiwaiyedi.

Guinuwa 18:18

Losaiya gete mulinaya Paulo nada 'imiyami 'aina 'asiyata 'ediya, 'enega muliyega toekalesiyao nidi 'ilokaiyoniyedi ga wagega 'igelu sabi 'adau Silia manuna. Ta Akuila mamwanena Pilisila wate ma'enao sigelu. Ta 'ebweu yage, nate ma'etamo be sigegelu Kenikilia 'ena, Paulo 'ina onaupaupa 'iguinuwena Yaubada matanaya, ta onaupaupa nina 'ana we'iwe'iyaya Paulo 'uya'uyana sikolina.

Guinuwa 21:25

“Ta Yesu 'ana toemisao, taudi nigeya me Yudia, ni'atu 'idi leta 'aetunena, be 'aene to'ase nadigega tomota sitalitaliyaedi mali 'ebe emisao 'ediya geya'abo sie'ani, ta wate yobai malaladi be yobai didimagadi geya'abo sie'ani, ta wate geya'abo siloeloelata.”

Guinuwa 21:3

Ta ni'atu Saipilosi 'aapwesa, ta 'enega gegeumimega 'apilisi ataya, ta Silia manuna 'apilipili, ga Taiya 'ena 'alugu be 'aene waga 'ana eusana 'aina sida talasiwadi.

Guinuwa 23:26

“Kagutoki 'oyo gabana toloetana sayo Pilikesa 'emuya, 'abo'agu Kalodiu Lisiasi 'eguyega.

Guinuwa 6:9

Ta 'aina tomota simai ga Sitibeni ma'ediya siegewagewana, taudi 'aina me Yudia 'idi tapwalolo sieesena “Li'ali'amina,” ta 'aidi Sailini 'enega, ta 'aidi Alekisanidela 'enega, ta 'aidi Silisia be Esia 'ediyega,

Galetia 1:21

'Enega Yelusalema yapilisinena ga yatauya Silia be Silisia 'idi senao 'ediya.

Yemesa 1:1

Kagutoki 'omi Yaubada 'ina tomotaiyao susu tuwelo 'ediyega waesugalagalaya sena yauyaudi 'ediya. Gete 'imi leta ya'etoladinawa, Yaubada be 'Inapwana Yesu Keliso 'idi toguinuwa 'abo'agu.

2 Yoni 1:10

'Enega 'eguma yaita 'emiya 'iwawai ta 'ina e'ita dumadumana, geya'abo wabwaubwauye 'imi anuwaya nai walokagutokiye,

2 Yoni 1:13

Tasiyo tauna wate esiesinuwana Yaubada 'enega, natunao 'idi oboboma 'emuya.

2 Yoni 1:3

'Enega Tamada Yaubada be Natunana Yesu Keliso 'idi oboboma be 'idi 'atenuwa'ole'ole 'ediyega tada miya siwalowa, ma ida ona 'ai'aila, be wate ma ida eobooboboma.

3 Yoni 1:14

ta tuwa, manuna yanuwayaina 'aene ma'etamo yawawai be 'oyo ma'iyagu tada 'awagwae.