Guinuwa 15:22 - Loina Tabu Auwauna NT

²² 'Enega Yesu 'ana tosimanao site tuwelo be toanuganao be toekalesiyao maibo'adi sinuwanuwa leleleya ga 'aidi 'ediyega siesinuwedi be sietunedi be 'aene Paulo be Banaba ma'ediyao sitatauya Anitioki. Ta 'eluwa toekalesiyao 'adi toanuganao 'ediyega siesinuwedi, natedi Yudasa, tauna sieesena Basaba, be wate Sailasa,

Guinuwa 15:22 Σταυροειδείς Αναφορές

Guinuwa 1:23

'Enega tai 'eluwa 'adi esanao sigilagasidi, 'ebweu Yosepa, tauna sieesena Basaba, tauna wate sieesena Yusito, ta 'eluwena tai 'ana esana Mataya.

Guinuwa 11:19

Lowa toekalesiyao 'adi talauwalao Sitibeni siloemwawasina, ta wate sitoo be toekalesiyao maibo'adi sida mutudi, 'enega toekalesiyao nidi sidena mali 'asa be mali 'asa 'ediya, ga 'aidi siapwesa Pinisia be Saipilosi be Anitioki 'ediya, ga tetela bobo'ana sisimanena me Yudia dimo 'ediya, ta nigeya 'asa nidi 'adi tomiyanao maibo'adi 'ediya.

Guinuwa 11:20

Ta muliyega 'aidi toekalesiyao, taudi me Saipilosi be me Sailini, siapwesa Anitioki 'enaya, ga 'Inapwana Yesu tetelina siguguyaena me Yudia, be taudi nigeya me Yudia wate, 'ediya,

Guinuwa 11:22

Taudi nigeya me Yudia, ta ni'atu siemisa 'Inapwana 'enaya, 'enega tetelidi 'i'elelewana ga toekalesiyao Yelusalema 'ena sinonona, 'enega Banaba sietunena be 'iayausidi.

Guinuwa 11:27

Tuta gote 'enaya 'aina palopitao Yelusalemega simwa'uta Anitioki 'enaya,

Guinuwa 15:23

ga toemisao nidi taudi nigeya me Yudia 'idi leta si'ewena, ta 'ana 'etoladi 'igwae, “Kagutoki tasimao 'omi toekalesiyao sena apwesaya Anitioki be Silia be Silisia 'ediya wamiyami. 'Abo'ama Yesu 'ana tosimanao be toanuganao 'imi leta 'a'etoladinawa.

Guinuwa 15:25

'Enega 'abo'ama ni'atu gete 'adeli egogonama, ga 'ima nuwanuwa 'ebweuna 'enega 'aina 'ima tomotaiyao 'aesinuwedi, be gosedao Banaba be Paulo ma'ediyao 'aetunediwa 'emiya.

Guinuwa 15:27

Ta 'ima tomotai nidi ni'atu 'aesinuwedi, 'adi esanao Yudasa be Sailasa, be 'ami loina sida 'ebwa'emi 'imi leta 'enega, be wate taudi 'idi ona 'enega.

Guinuwa 15:3

'Enega toekalesiyao silokaiyoniyedi ga sena Pinisia ta Samelia siataonedi, ga 'idi sakowasi nina 'ena 'asa apwesa tomoteninao 'idi sanaila Yaubada 'ena sisimanena, ta Yesu 'ana toemisao 'asa 'ebweuna 'ebweuna 'ediya, simana gete sinonona, ga 'enega sigwausowala sinabwana.

Guinuwa 15:30

'Enega site ata nidi sitoolo, ga simwa'uta Anitioki, ta toekalesiyao nada sibwau egogonedima, ga 'idi leta nina si'ebwa'edi.

Guinuwa 15:32

Ta Yudasa be Sailasa taudi sana wate palopitao, ga 'idi loguguya yauna 'ediyega toekalesiyao sigiewaiwaiyedi.

Guinuwa 15:40

Ta Paulo Sailasa 'iesinuwena be 'ida 'oayabuna 'ina sakowasi nina 'ena. 'Enega toekalesiyao Yaubada 'ena sisidasida be 'ina obobomega siteluwa nidi 'ida giewaiwaiyedi; ta sitauya,

Guinuwa 16:19

Ta gomagweine 'ina 'inapwanao sigamwasowalema, manuna 'idi mani sinabwana 'ana 'ebe loba tauna gomagweine nina, ta ni'atu Paulo 'igiebobo'anena. 'Enega Paulo be Sailasa sigiyaidi ga silisi dadanedi, ga sitauyedi 'ebe egimwane 'ena, ta si'au'ewedi toloinao 'ediya sabi etalaedi,

Guinuwa 16:25

Ta niuniuwanaya Paulo be Sailasa sisidasida ta siwaliwali Yaubada 'ena, ta 'enega tolugu deliyao maibo'adi sienoenonoedi,

Guinuwa 16:29

'Enega to'ita'i'ita nina 'ina toguinuwao 'ediya 'ibwau be mayale sime'e, ga mayale 'i'ewena, ta 'ipili ga 'ilugu ma ina dedela, manuna 'imatauta, ta 'ibe'usana mwa'uta Paulo be Sailasa matadiya.

Guinuwa 17:10

Ta boiboiya toekalesiyao Paulo ta Sailasa sietunedi be sitatauya Belia, 'enega sitauya, ga tuta nina siapwesa Belia, silugu me Yudia 'idi anuwa tapwalolo 'ena, ga Yesu tetelina sie'ie'ita.

Guinuwa 17:14

'Enega toekalesiyao siloina manini, ga Paulo sietunena be 'imwa'uta 'asa le'awaya 'ena, ta Sailasa be Timoti bada ma'ediyao simiyami.

Guinuwa 17:4

'Enega 'aidi si'awa 'ai'ailena ga Paulo be Sailasa 'idi boda 'ena silugu, ta Yaubada 'ana to'amayabao taudi nigeya me Yudia 'ediyega, be iine 'adi esanao sinabwadi 'ediyega, yaudi wate siemisa.

Guinuwa 18:5

'Enega tuta nina Sailasa be Timoti Masidoniyega siapwesama, Paulo ma'etamo 'iloguloguguya, ta me Yudia 'ediya 'isimasimana 'aene To'etoseyana nina tauna Yesu.

Guinuwa 8:14

'Enega Yesu 'ana tosimanao taudi Yelusalema 'ena simiyami, ale sinonona 'aene me Samelia ni'atu sitagwala Yaubada 'ina ona 'enaya, 'enega Pita be Yoni sietunedima,

2 Kolinita 1:19

Nadigega Yaubada Natuna Yesu Keliso, tauna manuna Silibenosi ta Timoti ma'egwao 'aloguguya 'emiya, Yesu nina nigeya 'ida tagwala kabokabo, ta esi tuta maibo'ana 'itagwala 'ai'ailena.

1 Tesalonaika 1:1

'Abo'agu ta Sailasa be Timoti ma'egwao gete 'imi leta 'a'eto'etoladinawa 'omi toekalesiyao Tesalonaika 'enaya, manuna 'omi Tamada Yaubada be 'Inapwana Yesu Keliso 'adi toemisao. Taudi 'idi obobomega wada miya gwausowala.

2 Tesalonaika 1:1

'Abo'ama Sailasa be Timoti ma'egwao 'imi leta 'a'eto'etoladinawa 'omi toekalesiyao Tesalonaika 'enaya, manuna 'omi Tamada Yaubada be 'Inapwana Yesu Keliso 'adi toemisao.

1 Pita 5:12

'Imi leta gidalina gete Sailasa 'ilemegu ga ya'etoladina manumi. Tauna Sailasa nina taeesena 'aene 'ebweu tasidai ma ina emisa. 'Enega 'imi leta gete 'ena nuwanuwagu be Yaubada 'ina oboboma 'ai'aila yada simane 'emiya, be 'enaya wada toolopa'ala.