Guinuwa 15:20 - Loina Tabu Auwauna NT

²⁰ ta esi 'idi leta tada 'etoladi be 'etoboda ata dimo tasa'udi nate, masula nina mali 'ebe bwagobwago 'ediya si'ebwa'ebwaya be, loelata be, yobai didimagadi esiyodi be, lala be.

Guinuwa 15:20 Σταυροειδείς Αναφορές

Guinuwa 15:29

'Etoboda nidi nate, to'ase tomota sitalitaliyae mali 'ebe bwagobwagoyao 'ediya, geya'abo wae'ani, wate yobai malaladi ta yobai didimagadi esiyodi geya'abo wae'enidi, ta wate geya'abo waloeloelata. 'Eguma 'etoboda getedi 'ediyega wa'ita'i'isimi, 'imi miya bobo'ana. Kaiyoni.”

Guinuwa 21:25

“Ta Yesu 'ana toemisao, taudi nigeya me Yudia, ni'atu 'idi leta 'aetunena, be 'aene to'ase nadigega tomota sitalitaliyaedi mali 'ebe emisao 'ediya geya'abo sie'ani, ta wate yobai malaladi be yobai didimagadi geya'abo sie'ani, ta wate geya'abo siloeloelata.”

1 Kolinita 5:11

Ta esi 'igu loina 'emiya gete tuga be 'abo yaita 'iekalesiya ta 'iloyawe, nai 'ilomatagwegwe, nai 'ilonabwasuwa, nai 'i'enapa'ala, nai bwasi waiwai 'inumanuma, nai 'i'ipwala, geya'abo waegosigosiyane nai ma'emi wa'e'ai.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

1 Kolinita 6:18

'Enega 'ilobwenemi be loelata waguitoyase, manuna loelata nigeya nadigega mali bubuna to'umalidi. Ona'ai'aila, mali bubuna to'umalidi nigeya ooda sida gieto'umaliyedi, ta loelata esi ooda 'igiegie to'umaliyedi.

1 Kolinita 6:9

'Enega 'imi bubuna nadigega manuna geya'abo Yaubada 'ina 'ebeloina 'ena walugulugu, manuna toto'umalidi maibo'adi Yaubada 'i'etobodedi, nadigega tolonabwasuwao be toloyaweyao be loelata nina waine dimo ma'ediyao siguiguinuwe be tai dimo ma'ediyao siguiguinuwe,

1 Kolinita 7:2

Ta esi nigeya sawesawemiya be maibo'ami nadigega waguiguinuwa'esa, manuna yau wawasae taudi weweloedi siguiguinuwa besobeso. 'Enega nai 'ilobwenemi wa'eloai be 'enega 'ebweuna 'ebweuna mamwanena, be geya'abo guinuwa besobeso 'isinasinabwa 'emiya.

1 Kolinita 8:1

'Ebweu wate enaida 'igu leta 'enaya ni'atu wasimanenaya, nate masula nidi tomota si'ebwa'ebwaya 'idi 'ebe bwagobwago gulewa nai kaiwe 'ediya. Yage nidi 'idi kabo wamwalamwalatoni, ta sa'i geya'abo wanuwanuwatu'e 'imi sinasinapu nina manuna, ta 'ilobwenemi be gosedao maibo'adi 'atemiyega wada obobomedi, manuna oboboma yage sinabwana, ta mwalatoi esi nigeya yage sinabwana.

2 Kolinita 12:21

'Igu 'atesa'ala nina 'aene 'abo yawai limana 'emiya be 'ebe omayamaya Yaubada 'i'ebwa'egu matamiya, be taudi lowa siloegesi, ta 'idi bubuna baibailidi be loelata be sogala 'ediyega nigeya sinuwanuwa 'ebuni, taudi sida gienuwa mwaugu be manudi yada dedoi.

Galetia 5:19

Ooda 'ina guinuwao tamwalamwalatonidi, nate loelata, loyawe, gagasa,

Epeso 5:3

'Omi Yaubada 'ana toemisao, 'enega 'ilobwenena be loelata be sogala be gwegwe 'ana yala wapilisinedi, ta geya'abo manudi to'ase 'ebweu waonaonae.

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

1 Tesalonaika 4:3

Yaubada nuwanuwana 'imi miya 'esasena, ta geya'abo waloeloelata,

Ibeliu 12:16

Geya'abo waloeloelata, ta wate geya'abo Yaubada 'ina oboboma waguiguitoyase, nadigega Iso lowa Yaubada 'ina onaupaupa tauna manuna ta 'ipelena tasina 'enaya, 'ana maisa 'e'ai 'ebweuna namo.

Ibeliu 13:4

Maibo'ami ai 'ana loina wada 'amayabe be geya'abo waloeloelata, manuna toloelatao be toloyaweyao 'etamo Yaubada 'iliunedi.

1 Pita 4:3

Lowa 'imi bubuna to'umalina, nadigega taudi guguyoi 'ana tomiyanao, be bubuna nidi getedi wada guitoyasedi, nadigega sogala be yalakwaiya be bwasi waiwaidi 'adi numa kabaleya, be egosigosiyana guinuwa to'umalidi manudi, be wate emisa kabokabo mali yageyao 'ediya.

E'ita'ita 10:2

Anilose nina nimanaya pwepwai nadigega gimibuki, ta gidalina, 'igiyaina ta neyaneyasina, 'enega 'iebusima ga 'ae 'ataina olaya 'iasaena, ta 'ae gegeumina bale'uya.

E'ita'ita 10:8

Ta 'enana nina galewega yagimi nononaya wate 'eguya 'ionaona, 'igwae, “'Utauya be pwepwai nina neyaneyasina anilose nina 'itootoolo olaya be bale'uya nimanega 'u'ewa.”

E'ita'ita 2:14

“Ta esi 'imi bubuna 'aina manudi nigeya yagwaugwausowala, manuna 'aimi Balami 'ina e'itao wamulimuliyedi, ta 'ina e'itao nidi lowa Balaki 'imuliyedi ga me Isileli bubuna to'umalina 'ie'itedi, nate tokwalui siemisena ga 'ana masula si'ebwa'ena, ta to'ebwaya nidi masula nina sie'ani, be wate siloelata.

E'ita'ita 2:20

“Ta esi gete 'ena 'ebweu yage manuna nigeya yagwaugwausowala, manuna Yesibeli 'ena watagwala, tauna waine nina 'ieesena 'aene 'ebweu Yaubada 'ana tosimana, ta nigeya. Manuna waine nina esi 'igu toguinuwao loyaweyega ta wate tokwalui 'ediyega 'ilisidi, manuna tokwalui siemisena, ga 'ana masula si'ebwa'ena, ga to'ebwaya nidi sie'enina.

E'ita'ita 9:20

Ta tomota nidi maibo'adi, taudi nigeya siesiesilae yage nidi to'umalidi 'ediyega, nigeya sinuwanuwa'ebuni be 'aene 'idi 'ebe emisa kabokaboyao sida guitoyasedi, ta esi sigiyai pa'alidi ga sibwagobwago 'ediya. Yage nidi nadigega Taumudumudulele be welabanao, be wate yage nidi taudimo nimadiyega siguinuwedi, nadigega tokwaluiyao nate goula be siliba be kopa be gulewa be kaiwe be. 'Ebe emisa nidi getedi nigeya sawesawediya be sidudune nai sienono nai silopili dadana.