Guinuwa 15:2 - Loina Tabu Auwauna NT

² Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

Guinuwa 15:2 Σταυροειδείς Αναφορές

Guinuwa 10:23

'Enega Pita tai nidi 'ibwauyedi, ga anuwa nina 'ena sie'owaga. 'Enega tomwa 'iulisina ga sitoolo ga Pita ma'ediya sitauya, ta 'aidi gosediyao Yopa 'enega ma'ediyao wate sitauya.

Guinuwa 11:12

“'Enega Yaluyaluwa Tabuna 'ieonegu, 'igwae, ‘'Utoolo be geya'abo 'uenuwanaluwa ta tuwa tuga taudi ma'emwao watatauya.’ Ta gosedao site sikisi gete si'oayabugu, ga 'atauya Konilio 'ina anuwaya, ga 'alugu.

Guinuwa 11:30

'enega sigimi 'ebwayadaita ga mani silobena, ga tuta nina botana 'iapwesa, 'enega si'ebwa'edi Banaba ta Saulo, ga taudi sitauyena sena Yudia 'enaya.

Guinuwa 15:25

'Enega 'abo'ama ni'atu gete 'adeli egogonama, ga 'ima nuwanuwa 'ebweuna 'enega 'aina 'ima tomotaiyao 'aesinuwedi, be gosedao Banaba be Paulo ma'ediyao 'aetunediwa 'emiya.

Guinuwa 15:27

Ta 'ima tomotai nidi ni'atu 'aesinuwedi, 'adi esanao Yudasa be Sailasa, be 'ami loina sida 'ebwa'emi 'imi leta 'enega, be wate taudi 'idi ona 'enega.

Guinuwa 15:4

'Enega siapwesa Yelusalema, ga toekalesiyao be Yesu 'ana tosimanao be toanuganao si'au'ewedi 'idi anuwaya, ga Paulo be Banaba siemwasala 'ediya to'ase be to'ase 'idi paisewa Yaubada 'ina waiwaiyega siguinuwedi.

Guinuwa 16:4

'Enega sisakosakowasi 'asa 'ebweuna 'ebweuna 'ediya, ga loina nina Yesu 'ana tosimanao be toanuganao to'ase Yelusalema 'ena siloinenaya sisimanena 'asa maibo'adi 'ediya, be 'aene loina nina sida mulimuliye.

Guinuwa 21:18

Ta tomwa 'iulisina ga Paulo ma'emai 'atauya Yemesa 'ina anuwaya, ga nada toekelesiyao 'idi toanuganao 'alobedi.

1 Kolinita 1:1

'Abo'agu Yaubada 'iesinuwegu be 'aene Yesu Keliso tetelina 'ana tosimana, 'omi me Kolinita toekalesiyao 'imi leta gete tasidai Sositeni 'ilemegu ga ya'etoladinawa, manuna 'omi ni'atu Yesu Keliso 'igie'esasemi ga 'ina boda esiesinuwadi 'ediya waluguma ga wamiyami, taudi wate Yesu Keliso 'ana esanega ma'emiyao wa'awa'awanoi, taudi sena maibo'ana 'ediyega ma'edao 'ida 'Inapwana 'ebweuna tuga, tauna Keliso.

2 Kolinita 11:5

'Imi tologuguyao auwaudi 'omi wanuwena 'aene siloetana sinegu, ta esi nigeya sawesawediya.

Galetia 2:5

'Enega 'idi loina maibo'ana 'aguitoyasena, ta nigeya 'ebweu to'ase 'ena 'atagwatagwala. Geya'abo 'ida tetela 'ai'aila manumi sisa'usa'u gelasa.

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.