Guinuwa 14:3 - Loina Tabu Auwauna NT

³ Ta tuwa tuga, tuta dudulana Paulo be Banaba simiyana sena nina 'ena, ta ma idi 'atepatu siloguloguguya 'Inapwana manuna. Ga 'Inapwana nina 'ina waiwaiyega guinuwa 'ebe nuwaowana be edeedede siguinuwedi, ga 'ediyega 'Inapwana nina 'ina oboboma tetelina 'ana 'ai'aila tauna 'ie'itaena tomota 'ediya.

Guinuwa 14:3 Σταυροειδείς Αναφορές

Maki 16:20

Ta 'enega sitauya sena yauyaudi 'ediya ga Yesu tetelina siloguguyaena, ta sa'i 'Inapwana ma'edi siguiguinuwa ga 'ina waiwaiyega guinuwa 'ebe nuwaowanao siguinuwedi, ga 'enega tomota tetela nina siemisena.

Yoni 4:48

Ga Yesu tai nina 'ieonena, 'igwae, “Nigeya 'ebweu 'omi 'emiyega 'ida emisegu, nate namo 'eguma 'igu paisewa waiwaina 'ana we'iwe'iyaya wa'ita, be 'enega wada emisegu.”

Guinuwa 13:46

'Enega Paulo be Banaba ma idi 'atepatu siona apwesa me Yudia nidi 'ediya, sigwae, “'Ilobwenena be Yaubada 'ina ona 'agimisimana 'emiya, ta gete tuga waguitoyasena, nai 'omi taumi waloinemi 'aene nigeya sawesawemiya be yawasimi ataya wada loba, 'enega 'aguitoyasemi, be mali bodao 'ediya 'ada loguguya, taudi nigeya me Yudia 'ediya.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Guinuwa 20:24

“Ta nigeya sa'i yawasigu manuna yada nuwanuwa be yaegagalena. Nate namo 'igu 'eda, nai 'igu paisewa nina, 'Inapwana Yesu 'i'ebwa'eguya manuna yanuwanuwa be 'aene yada losaloni, nate 'ada oboboma Yaubada 'enega 'ana simana.

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

Guinuwa 5:32

'Enega 'abo'ama yage getedi manudi 'asimasimana, ta Yaluyaluwa Tabuna tosimana wate, tauna Yaubada 'i'ebwaya 'ina ona 'ana toematamatanao 'ediya.”

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

1 Tesalonaika 2:2

Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

Ibeliu 2:4

Ta Yaubada wate 'ie'ita 'aene ona nina ona 'ai'aila, nate we'iwe'iyaya be edeedede be guinuwa waiwaidi 'ediyega, ta wate Yaluyaluwa Tabuna 'ina eguyai 'edaya 'enega. Ta 'ina 'ebwaya nidi Yaubada 'ina nuwanuwa nadigega, ga Yaluyaluwa Tabuna yage nidi 'edaya 'ieguyaiyedi.