Guinuwa 13:50 - Loina Tabu Auwauna NT

⁵⁰ Ta sa'i me Yudia Paulo be Banaba sietalauwaledi, ga silomugiyedi iine 'alawatao taudi totapwalolo 'ediya, be wate 'asa 'ana 'inapwanao 'ediya, 'enega taudi wate sietalauwala Paulo be Banaba 'ediya, ga sipa'idi, ta sena nina sipilisinena.

Guinuwa 13:50 Σταυροειδείς Αναφορές

Madiu 10:23

“Ta 'eguma 'ebweu sena 'ena siunuunumi wadedena mali 'asa 'enaya. Ona'ai'aila, ma'etamo geya'abo 'asa maibo'ana Isileli solanaya waguiguinuwa egumwali ta 'abo'agu Tomota Natuna yailama.

Maki 15:43

'Enega goma Alimatia 'ana esana Yosepa 'imai, tauna 'ebweu me Yudia 'idi toanugana ma 'ana emisa, ta 'iyamwayamwa be to tuta Yaubada bale'uya 'ida etoloina. Tauna Yosepa nina 'imai ga ma ina 'atepatu 'ilugu Pailato matanaya ga Yesu kokowana 'isidena be 'aene 'ida sa'u'ali'aliye.

Maki 5:17

Ta toni'asa nidi silolagata ga Yesu sie'idi'idiyena 'aene 'idi sena 'ida pilisine.

Guinuwa 13:43

Ga boda anuwa tapwaloloega sideli apwesa, ta 'aidi me Yudia, be 'aidi Yaubada 'ana toemisao mali sena be mali sena 'ediyega, Paulo be Banaba simuliyedi, 'enega Paulo be Banaba 'ediya siloguguya be 'aene Yaubada 'ina oboboma sida giyai'i'isi.

Guinuwa 13:45

Ta sa'i me Yudia, boda sinabwana si'itena, 'enega sie'ipi'ipi, ga Paulo 'ina loguguya 'ena sionaila, ta si'awa to'umaliyena.

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Guinuwa 14:2

Ta sa'i 'aidi me Yudia e'ita nina nigeya siemisena, ta sisinalina ga si'awa to'umaliyena, ga sitauya taudi nigeya me Yudia 'ediya ga silomugi Paulo be Banaba manudi, 'enega taudi wate Paulo be Banaba sietalauwaledi.

Guinuwa 14:4

Ta sa'i me Ikoniami nidi siweyala, ga 'aidi me Yudia si'awa 'ai'ailedi, ta 'aidi Yesu 'ana tosimanao si'awa 'ai'ailedi.

Guinuwa 14:5

'Enega taudi nigeya me Yudia, be me Yudia wate, be 'idi 'inapwanao ma'ediyao siloina leleleya be Paulo ta Banaba sida gie'elouyaedi, nai gulewega sida loemwawasidi.

Guinuwa 16:14

Ta 'ebweu waine 'ediyega 'ana esana Lidia, 'asa Tayataila wainena, ta Yaubada 'ana toemisa, ta 'ina paisewa nate 'ebweu 'oama esaesa 'ana toegimwane. Ta 'etamo iine nidi 'ima ona sinononoi, ga Yaubada emisa Lidia 'atenaya 'ienuwa sa'uyena, ga Paulo 'ina loguguya 'iemisena,

Guinuwa 17:12

'Enega me Yudia yaudi siemisena, ta wate taudi nigeya me Yudia, iine taudi 'adi esana sinabwadi, be wate 'aina 'oloto, tupwana yaudi siemisa.

Guinuwa 17:13

Ta sa'i me Yudia Tesalonaika 'ana tomiyanao nidi sinonona 'aene Paulo Yaubada tetelina ni'atu 'iloguloguguya 'asa Belia 'ena, ga silomaninima ga pwaluyao sienuwa sa'uyedi be 'aene Paulo be Banaba sida losaiyadi.

Guinuwa 17:17

'Enega ma'ediya siegewagewana, nuwanuwa gete manuna, me Yudia ta 'aidi Yaubada 'ana toemisao wate ma'ediya sionaona, me Yudia 'idi anuwa tapwalolo 'ena, ta wate toni'asa, 'eguma 'ialobadi 'ebe gimwane 'ena, ma'ediya sionaona 'asiyata 'ebweuna 'ebweuna 'ediya.

Guinuwa 17:4

'Enega 'aidi si'awa 'ai'ailena ga Paulo be Sailasa 'idi boda 'ena silugu, ta Yaubada 'ana to'amayabao taudi nigeya me Yudia 'ediyega, be iine 'adi esanao sinabwadi 'ediyega, yaudi wate siemisa.

Guinuwa 18:7

'Enega 'idi anuwa tapwalolo 'enega 'iapwesa, ga 'ilugu Taito Yusito 'ina anuwaya, tauna Yaubada 'ana to'amayaba 'ebweu, ta 'ina anuwa me Yudia 'idi anuwa tapwalolo selabenaya.

Guinuwa 2:5

Tuta gote 'enaya totapwalolo me Yudia mali esenega be mali esenega ni'atu simai, ga Yelusalema 'ena simiyami,

Guinuwa 21:27

Ta 'idi 'asiyatao esebeni 'iabe sigugumwala, 'enega me Yudia, taudi lowa sena Esia 'enega simai, Paulo si'itena Anuwa Tabu solanaya, ga bodao sienuwa sa'uyedi, ga Paulo sigamwasowalena, ga sigiyaina,

Guinuwa 28:17

Ta 'asiyata 'etoi sigumwala, ga Paulo me Yudia 'idi toanuganao 'ibwau egogonedima, ga 'ieonedi, “Tasigwao, 'abo'agu nigeya 'ebweu to'ase to'umalina 'ida bodao 'ediya yaguiguinuwe, nai 'ida bubuna tubudao 'ediyega yale'oale'oai, ta wada 'ita, Yelusalema 'ena si'ebwayaegu me Loma 'ediya ga deliya sisa'ugu.

Guinuwa 6:12

Ta wate tomota sienuwa sa'uyedi ga Sitibeni nina sietalauwalena, 'enega boda yaudi be 'inapwanao be wate loina 'ana toe'itao simai ga sigiyaina, ga si'au'ewena toloinao 'idi deliegogona 'enaya,

Guinuwa 8:1

Ta Saulo boda nidi 'i'awa bobo'anedi, Sitibeni 'ana loemwawasa manuna. 'Asiyata gote 'ena toekalesiyao sena Yelusalema 'ena 'adi talauwalao sie'ale be silosaiyedi, 'enega si'elelewana Yudia be Samelia senanao 'ediya, ta Yesu 'ana tosimanao site tuwelo dimo Yelusalema 'ena simiyami.

Loma 10:2

Yamwalatonidi 'aene Yaubada manuna sietapewa sinabwana, ta esi nigeya 'ana 'eda 'ai'aila 'enega sitautauya.

2 Kolinita 11:26

Ta wate 'igu 'adau 'ediyega 'ebe esilae yalobedi bwasi sinabwadi 'ediyega, be to'ipwalao 'ediyega, be 'igu bodao taudi me Yudia 'ediyega be taudi nigeya me Yudia 'ediyega ta 'asa sinabwadi 'ediya, be mitawa 'ediya ta wate bwagabwagaya, be wate tasidao kabokabodi 'ediyega,

1 Tesalonaika 2:14

Ta wate miyamwau walobena, nadigega taudi Yesu Keliso 'ana toemisao sena Yudia 'enaya, manuna toekalesiyao nidi 'idi miyamwau silobena taudi 'idi tomotaiyao 'ediyega, nadigega 'omi 'imi miyamwau walobena taumi 'imi tomotaiyao 'ediyega.

2 Timoti 3:11

ta sena nidi Anitioki be Ikoniami be Lisitila 'ediya 'igu miyamwau be 'igu 'elouya tomota 'ediyega yalobediya wate 'umwalamwalatoni. Sena nidi 'ediya yamiyamwau 'ai'aila, ta mwau nidi maibo'adi 'ediyega 'ida 'Inapwana 'i'etoseyegu.