Guinuwa 13:36 - Loina Tabu Auwauna NT

³⁶ “Ona getedi nigeya Debida tauna manuna. Debida nina 'ina tutaya Yaubada 'ina nuwanuwa 'iguinuwedi, ga 'ikwaiya, ga sisa'u 'ali'aliyena, ga tubunao ma'ediya simwaumwaulu,

Guinuwa 13:36 Σταυροειδείς Αναφορές

Madiu 25:16

“'Enega tai nina tauna ma ina paibi analedi kina 'ina 'inapwana 'ina mani nina 'i'ewedi ga 'ediyega 'iepaisewaedi ga 'adi loeposeyana paibi analedi wate 'ilobedi.

Yoni 11:39

'Enega Yesu boda 'ediya 'igwae, “Gulewa nina gote wa'ewa yaule.” Ta Malida, tauna tokwaiya nuuna, Yesu 'ieonena, 'igwae, “'Inapwana, ni'atu 'imwaulu, manuna 'asiyata ata ni'atu sigumwala 'ena sisa'una.”

Guinuwa 13:22

Muliyega Yaubada Saulo 'ie'idi'idiyena ga 'idi kini auwauna Debida 'isa'una. Tauna Debida manuna Yaubada 'igwae, ‘Desi natuna Debida yalobena, ta yayalena, manuna 'igu nuwanuwao 'ida guinuwedi.’

Guinuwa 2:29

Ta Pita wate 'igwae, “Tasigwao, ona gete nigeya tubuda Debida manuna, manuna Debida nina tamwalatonina 'aene lowaenei 'imwawasa ga sisa'u 'ali'aliyena, ta gete tuga 'ana 'ali'ali nina bada 'imiyami.

Guinuwa 7:60

Ga 'i'aetulasa, ta 'ibwau, 'igwae, “'Inapwana, 'idi bubuna to'umalina gete geya'abo 'ue'ie'isa 'ediya.” Ga 'ina ona gete mulinaya yawasina 'igumwala.

Guinuwa 8:1

Ta Saulo boda nidi 'i'awa bobo'anedi, Sitibeni 'ana loemwawasa manuna. 'Asiyata gote 'ena toekalesiyao sena Yelusalema 'ena 'adi talauwalao sie'ale be silosaiyedi, 'enega si'elelewana Yudia be Samelia senanao 'ediya, ta Yesu 'ana tosimanao site tuwelo dimo Yelusalema 'ena simiyami.

1 Kolinita 15:18

Ta nai wate 'ana mwalatoi 'aene gosedao nidi taudi lowa Keliso siemisena ga ni'atu simwawasa, gete tuga taudi mwa'o nai simiyami?

1 Kolinita 15:6

'Ebweu tuta 'enaya gosedao wate site paibi analedi si'itena. Boda nidi 'ediyega yaudi gete tuga simiyami, ta 'aidi sikwaiya.

1 Tesalonaika 4:13

Gosemao geya'abo waemwagemwage tokwaiyao manudi, be 'enega 'abo yaita tasidai 'ikwakwaiya, geya'abo wanuwanuwa mwau, 'atuwa taudi nigeya 'idi emisamo toololimana manuna.