Guinuwa 13:27 - Loina Tabu Auwauna NT

²⁷ Ta Yelusalema 'ana tomiyanao, be 'idi 'inapwanao, To'etoseyana nina nigeya sida mwalatonina, ta wate palopitao 'idi simanao Sabate 'ebweuna 'ebweuna sisawasawa totapwalolo 'ediya, ta esiya nigeya simwalamwalatonidi, ga 'enega To'etoseyana nina sisipupuyena, 'enega palopitao 'idi gimisimanao lowaenei 'adi 'ai'aila gete tuga sigieapwesena.

Guinuwa 13:27 Σταυροειδείς Αναφορές

Madiu 22:29

Ta Yesu enaida gete 'ie'isena, 'igwae, “Gete 'imi loegesi, manuna Buki Tabu nigeya wamwalamwalatoni, ta wate Yaubada 'ina waiwai nigeya wamwalamwalatoni.

Luke 22:34

Ta Yesu 'ieonena, “Pita, yaona 'ai'aila 'emuya, batuwa muliyega be kakaleko 'igwagwane, ta 'oyo 'uda gimi eyaseyaseyegu matoi.”

Luke 23:13

'Enega Pailato totaliya sinabwadi be 'inapwanao be 'aina me Yudia nidi 'ibwau egogonedima,

Luke 24:20

Ta 'ima totaliya sinabwadi be 'ima toanuganao tai nina sietalaena 'ina mwawasa manuna ga muliyega tolosaiyao situtu epa'iyena kelose 'enaya,

Yoni 15:21

Ta yage nidi to'umalidi gete sida guinuwedi 'emiya manuna 'omi 'igu bodao, ta wate manuna 'agu toetune nina nigeya simwalamwalatoni.

Yoni 16:3

'Idi guinuwa getedi to'umalidi 'emiya sida guinuwedi manuna nigeya Tamagu be 'abo'agu simwalamwalatonima.

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Yoni 8:28

'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

Guinuwa 15:21

Manuna lowaenei ga batuwa Mosese 'ina loina 'ana tologuguya 'asa 'ebweuna 'ebweuna 'ediya simiyami, ta wate me Yudia 'idi anuwa tapwalolo 'ediya 'etoboda getedi sisawasawadi ta tomota sinonodi Sabate 'ebweuna 'ebweuna 'ediya.”

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Guinuwa 3:17

“Tasigwao, yamwalatonimi 'aene 'imi emwagemwageyega Yesu nina waloemwawasina, nadigega 'imi 'inapwanao.

Loma 11:25

Gosegwao, nuwanuwagu be 'ebweu yage kwaikwaiyina me Isileli manudi yada simana apwese 'emiya be 'aene geya'abo wanuwanuwatu'e, ta esi yage gete wada mwalamwalatoni 'aene ma'etamo me Isileli ma idi debapa'ala sida miyami 'ana laba 'omi nigeya me Yudia esiesinuwami maibo'ami 'etoseyana wa'ewa,

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.

2 Kolinita 3:14

Ona'ai'aila me Isileli nidi debadi 'ipa'ala, lowaenei ga batuwa, manuna 'etamo tuga gete 'abo loina kadekadelina 'ana sawa sinono, nuwadi sitala bodebodedi 'idi debapa'alega, be geya'abo sinuwanuwa sabwalena, ta Keliso namo sawesawenaya talabodaboda nidi 'i'ewayauledi.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

1 Timoti 1:13

Tuta lowa nigeya nadigega, manuna tuta nina 'ena Keliso ya'awa to'umaliyena ta 'ina bodao yaetalauwaledi, ta tuwa tuga Yaubada 'imwalatonina 'aene yage nidi to'umalidi yaguinuwedi taugu 'igu emwagemwageyega, ta wate nigeya yaemiemise, 'enega 'i'atenuwa 'ole'oleyegu,