Guinuwa 13:23 - Loina Tabu Auwauna NT

²³ Ta Debida nina 'ina susu 'ediyega, Yaubada me Isileli 'ada To'etoseyana Yesu 'igieapwesena, nadigega lowaenei 'igimi simanena.

Guinuwa 13:23 Σταυροειδείς Αναφορές

Madiu 1:1

'Etoladi gete To'etoseyana Yesu gimi tubunao manudi. Yesu tubuna auwauna Debida, ta gimi tubuna Ebelaamo.

Madiu 1:21

Be ma'etamo natuna me'olotona 'ienatune, be 'ana esana 'ueese Yesu, manuna tauna 'ina tomotaiyao 'idi loegesiyao 'ediyega 'ida 'etoseyedi.”

Madiu 21:9

Ta 'aina boda Yesu sianuganena, ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki Debida tubuna ye, 'Inapwana 'ana esanega 'umai sabi 'etoseyema, 'enega tauna Toloetana sana 'atuputupu.”

Madiu 22:42

Ta sigwae, “Debida.”

Luke 1:69

'Enega tauna Yaubada 'ina 'ali'ei Debida 'ina susuyega 'ida To'etoseyana nina 'igieapwesena 'edaya.

Yoni 4:42

ga waine nina sieonena, sigwae, “Ni'atu 'a'awa 'ai'ailemu, nigeya 'aene 'imu ona namo manuna, ta esi 'abo'ama taumamo 'ina ona 'anonona, ga 'enega 'amwalatoi 'ai'ailina 'aene tauna To'etoseyana nina me bale'u maibo'ada manuda.”

Guinuwa 13:32

Ta 'abo'ama wate tetela bobo'ana gete 'a'ebwa'emi, lowa Yaubada 'iona upaupaena tubudao 'ediya,

Guinuwa 2:30

Ta Debida nina palopita 'ebweu, ga Yaubada 'ina onaupaupa waiwaina 'enaya 'inuwa'i'isina 'aene ma'etamo Debida tubuna 'ebweuna Debida nina 'ina 'ebeloina 'ida 'ewa Yaubada 'enega.

Guinuwa 3:26

Ta Yaubada 'ina 'ali'ei Yesu mwawasega 'igietoolo limena, ga 'omi me Yudia 'emiya 'igimi etunenama, be 'ina oboboma 'emiya nate 'aene 'imi loegesiyao 'ediyega wada nuwa'ebuni, ta mali bodao muliyega.”

Guinuwa 4:12

Ta nigeya 'ebweu yaita sawesawenaya be 'i'etoseyeda. Nate namo Yesu. Ta nigeya 'ebweu wate esana bale'uya 'imiyami be 'enega 'etoseyana tada loba.”

Loma 1:3

Tetela nina Yaubada natuna Yesu Keliso manuna. Tauna 'ietomotai Debida 'ina susu 'enega,

Loma 11:26

be 'enega me Isileli maibo'adi 'etoseyana siloba. Manuna Buki Tabu 'ena 'isimana 'igwae, “To'etoseyana nina goma Sayoni 'ida apwesa be Yekobe 'ina susuyao 'idi to'umalina 'ediyega 'ida 'ewayaule.

Taito 1:4

Taito 'oyo ya'awanatu 'ai'ailemu 'ida emisa 'ebweuna 'enega. Tamada Yaubada be 'ada To'etoseyana Yesu Keliso 'idi obobomega sida lemeyo, be 'uda miya guguya.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

2 Pita 1:11

be 'enega muliyega ma imi gwausowala walulugu 'ida 'Inapwana ta 'ada To'etoseyana Yesu Keliso 'ina 'ebeloina 'enaya, be nada wamiya ataya.

2 Pita 2:20

Taudi lowa 'ida 'Inapwana ta 'ada To'etoseyana Yesu Keliso tetelina siemisena ga bubuna bale'u sipilisinena, ta 'eguma siila limana bubuna kadekadelidi 'ediya ma'etamo sineeneta, ta 'enega taudi sito'umali 'ai'aila.

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

2 Pita 3:2

ta Yaubada 'ina palopitao 'idi onao nuganuganidi wada nuwa'i'isidi, ta wate 'ida 'Inapwana, nate 'ada To'etoseyana, 'ina loina 'ana tosimanao loina nidi si'ebwa'emiya wate wada nuwa'i'isidi.

1 Yoni 4:14

Ta 'abo'ama matamega Yaubada Natuna 'a'itena, ga manuna 'asimasimana 'aene Tamana bale'uya 'ietunenama 'aene 'ada To'etoseyana.

Yude 1:25

Yaubada namo 'ada To'etoseyana, nate 'ida 'Inapwana Yesu Keliso 'ina guinuwa 'enega, 'enega tada tupuna 'ina loina palupaluna ta waiwaina lowaenei ga batuwa be tuta simeemai 'ediya. Eimeni. 'Abo'agu Yude.

E'ita'ita 22:16

“'Abo'agu Yesu, ta 'igu anilose ni'atu yaetunenawa 'emiya, be yage getedi 'ida simanedi toekalesiyao 'emiya. 'Abo'agu Debida 'ina susuyega, ta 'abo'agu wate 'ubwana nina tuyayaligu.”