Guinuwa 13:16 - Loina Tabu Auwauna NT

¹⁶ 'Enega Paulo 'itoolo ga nimana 'igilagasina, ta 'igwae, “Tasigwao me Isileli, be 'omi mali esenega Yaubada 'ana to'amayabao, 'igu ona gete wada nono.

Guinuwa 13:16 Σταυροειδείς Αναφορές

Madiu 11:15

'Enega 'abo yaita matenana ona getedi 'ida nonodi.

Luke 1:22

'Enega Sakalaya 'iapwesa, ta nigeya kapekapeyana be 'iona 'ediya, manuna meyana 'imwau. Gete 'enega simwalatonina 'aene ni'atu Anuwa Tabu solanaya we'iwe'iyaya 'i'itena. Ta nigeya sawesawenaya be 'iona 'ediya, ta tuga nimanega 'ienimasusumo.

Luke 1:50

Tauna 'ana to'amayabao 'epata 'ebweuna 'ebweuna 'ediyega 'i'atenuwa 'ole'oleyedi.

Luke 23:40

Ta toto'umalina 'eluwena gosiyanana 'i'ena pa'alina, 'igwae, “Mwa'adega Yaubada nigeya 'umatamataute? Ta 'unono tatetoi 'ada loina 'ebweuna tuga si'ebwa'eda,

Guinuwa 10:2

ta tauna tai bobo'ana ga ma ina susuyao Yaubada si'amayabena, ta tuta yauna togomabeso 'ilemelemedi ta 'isidasida Yaubada 'ena.

Guinuwa 10:35

ta esi mali sena be mali sena tomoteninao, 'eguma si'amayabena be sibubuna palupalu, 'igwausowala manudi.

Guinuwa 12:17

Ta Pita nimanega 'i'etobodedi be sida 'alaenono, ta 'iemwasala 'Inapwana deliyega 'i'au'ewenama manuna, 'enega 'igwae, “Tetela gete wasimana Yemesa be gosedao wate 'ediya.” 'Enega 'ipilisinedi ga 'itauya mali esenaya.

Guinuwa 13:26

“Tasigwao, 'omi Ebelaamo 'ina susuyao, be wate 'omi mali senega Yaubada 'ana to'amayabao, wanono 'aene 'etoseyana tetelina gete 'edaya ni'atu 'imai.

Guinuwa 13:46

'Enega Paulo be Banaba ma idi 'atepatu siona apwesa me Yudia nidi 'ediya, sigwae, “'Ilobwenena be Yaubada 'ina ona 'agimisimana 'emiya, ta gete tuga waguitoyasena, nai 'omi taumi waloinemi 'aene nigeya sawesawemiya be yawasimi ataya wada loba, 'enega 'aguitoyasemi, be mali bodao 'ediya 'ada loguguya, taudi nigeya me Yudia 'ediya.

Guinuwa 19:33

Ta me Yudia 'ebweu tai Alekisana silo'ae etuetunena be 'ida laga nuganaya be 'ida ona. 'Enega 'itoolo nuganaya, ga 'aidi tomota 'idi nuwanuwao sibwau apwesena 'enaya, 'enega nimanega 'ieonedi 'aene galala sida losa'u, be me Yudia 'idi ona 'ida simana apwese.

Guinuwa 2:14

Ta Pita gosenao site ilebeni ma'enao sitoolo, ga Pita 'ie'ale ga 'ediya 'iloguguya, 'igwae, “'Omi me Yudia be Yelusalema 'ana tomiyanao maibo'ami 'igu ona wada nono, be wada nuwasabwalena,

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Guinuwa 21:40

Ta 'enega 'itagwalena, ga Paulo waisanaya 'itoolo, ga nimana 'igilagasina be sida 'alaenono, ta 'enega maibo'adi simiya 'alaenono, ga Paulo 'ena Ibeliuyega 'ieonedi, 'igwae,

Guinuwa 22:22

Paulo 'ina ona maibo'ana gete sinono 'ai'ailina, ga 'ana laba taudi nigeya me Yudia manudi 'iona, ta 'enega silolagata ga 'enadi sinabwanega sibwaubwau, “Tai gete 'ilobwenena bale'uyega tada 'ewayaule, be geya'abo 'ida miyami.”

Guinuwa 3:12

Ta Pita 'i'itedi, 'enega boda 'ieonedi, 'igwae, “Me Isileli 'omi, to'ase manuna wanuwa owana ta waduneduneyema? Nigeya 'aene tauma 'ima waiwaiyega nai 'ima bubuna 'esasena 'enega, tai gete 'agiebobo'anena ga 'itautauya,

E'ita'ita 2:11

“'Enega 'abo yaita 'omi matenana, Yaluyaluwa Tabuna 'ina ona toekalesiyao 'ediya 'ida nono. Ta wate 'abo 'omi yaisigedi Seitani waewaiwai sinena, geya'abo sa'i mwawasa 'eluwena 'igiegie to'umaliyemi.”

E'ita'ita 2:17

“'Enega 'abo 'omi yaita matenana, Yaluyaluwa Tabuna 'ina ona toekalesiyao 'ediya 'ida nono. “Ta 'abo yaisigedi 'omi Seitani waewaiwai sinena, masula kwaikwaiyina yada 'ebwa'emi. Ta wate 'ebweuna 'ebweuna 'enaya yada eguyai gulewa wakewakekedi, ta gulewa nidi 'ediya 'ami esanao auwaudi simiyami, nate nigeya 'ebweu yaita sawesawenaya be 'imwalatonidi, nate namo taudi to'ewa nidi simwalamwalatoni.”

E'ita'ita 2:29

“'Enega 'abo 'omi yaita matenana, Yaluyaluwa Tabuna 'ina ona ekalesiyao 'ediya 'ida nono.”

E'ita'ita 2:7

“'Enega 'abo yaita 'omi matenana 'ida nono Yaluyaluwa Tabuna 'ina ona toekalesiyao 'ediya. “Ta 'abo 'omi yaita 'iewaiwai, 'enaya yawasida 'ana kaiwe uwana yatagwale be 'ida 'ani, kaiwe nina 'itootoolo Yaubada 'ina bagulaya.”