Guinuwa 12:9 - Loina Tabu Auwauna NT

⁹ ga 'iapwesa ta Pita 'imuliyena ta 'inuwena 'aene 'imadamadawala, ta nigeya 'imwalamwalatoni 'aene anilose nina 'ina guinuwa yage 'ai'aila.

Guinuwa 12:9 Σταυροειδείς Αναφορές

Yoni 2:5

Ga Yesu sinana topaisewao 'ieonedi be 'aene Yesu 'ina ona sida ematamatane, 'igwae, “'Eguma to'ase nuwanuwana be waguinuwei, wada guinuwe tuga.”

Guinuwa 10:17

Ta Pita 'inuwanuwa edaedadama 'aene to'ase 'enomata'ita'ita gete ni'atu 'i'itena, ta tomota 'etoi nidi Konilio 'ietunedima siapwesa anuwaya, manuna ni'atu 'asaya simai ga Saimoni 'ina anuwa tomota 'ediya sienaida.

Guinuwa 10:3

Ta 'asiyata 'ebweu 'ena 'asuinuwanuwaya, Konilio nina 'ina 'enomata'ita'ita 'enega Yaubada 'ina anilose 'ebweu 'imeema 'enaya, ga 'i'ita 'ai'ailina, ta anilose nina 'igwae, “Konilio!”

Guinuwa 11:5

“Lowa 'abo'agu Yopa 'ena yamiyami ta yasidasida Yaubada 'ena, ga 'enomata'ita'ita, 'enega 'ebweu yage ya'itena 'atuwa kaleko sinabwana ta tupitupinao ata 'ediyega sietabetabe mwa'utenama 'eguya.

Guinuwa 12:8

Ga anilose nina 'ieonena, 'igwae, “'Amu 'oama 'u'ote be 'amu 'aelawa 'ulosipwa,” ga ona nina Pita 'iematamatanena. Ta anilose nina wate 'igwae, “'Amu tala'apwalega 'ubwabwasa be 'umuliyegu,”

Guinuwa 26:19

“Kini Agalipa, gete manuna e'ita nina galewega nigeya yaguiguitoyasa,

Guinuwa 9:10

Ta Damasiko 'enaya, Yesu 'ana tomuliya 'ebweu 'imiyami, 'ana esana Ananayasi, ta 'ina 'enomata'ite'itega Yaubada 'ieonena, 'igwae, “Ananayasi.” Ta Ananayasi nina 'igwae, “O, 'abo'agu 'Inapwana.”

Ibeliu 11:8

Ebelaamo wate 'ina emisega Yaubada 'ina bwau 'imuliyena be 'aene 'ina 'asa 'ida pilisine ta 'ina 'asa auwauna mali esenaya 'ida loba, 'enega 'itoolo ga 'itauya ta nigeya 'imwalamwalatoni to sena 'enaya 'itautauya.