Guinuwa 12:19 - Loina Tabu Auwauna NT

¹⁹ Ta Elodi 'iloinedi be Pita nina sida 'ebesei, ta nigeya sida lobena, 'enega to'ita'i'itao 'idi etala 'iguinuwena, ga 'adi loemwawasa 'iloinena. 'Enega Elodi nina Yudia 'enega 'imwa'uta Sisalia, ga nada 'imiyami.

Guinuwa 12:19 Σταυροειδείς Αναφορές

Madiu 2:1

Tuta nina Yesu 'itubuwa Bedileema 'enaya, Elodi tauna 'iloiloina Yudia solanaya. Ta tuta nina 'enaya 'aidi tosinasinapuyao sena bomatuyega simai ga me Yelusalema 'ediya sienaida,

Madiu 2:13

Tuta muliyega 'ebweu anilose madawalega Yosepa 'enaya 'iapwesa ga 'iemataluwena, 'igwae, “'Utoolo be gwama masinana 'u'au'ewadi be wadedena sena Itipita 'ena be nada wamimi be 'ana laba yaemataluweyo, ta 'enega waila limanama. 'Imi dena gete 'alena, manuna Elodi 'iabe gwama nate 'i'ebese be 'aene 'iloemwawasi.”

Madiu 2:16

Ta tuta nina Elodi tosinasinapuyao 'iyamwa yogenediya, manuna nigeya siilailama. 'Idi kabo manuna 'igamwasowala sinabwana, 'enega 'ina loina 'isa'una be tolosaiyao 'ietunedi Bedileema be 'asanao 'ediya, be 'aene gogama me'olotodi taudi 'adi yakwala 'eluwa 'enega 'imwa'utama sida loemwawasidi. Gogama nidi gete nadigega 'adi loina Elodi 'isa'una, manuna tosinasinapuyao 'idi ona 'enega ni'atu 'isinapuna to tutaya gwama nina 'itutubuwa.

Guinuwa 12:18

Tomwa 'iulisina ga tolosaiyao nuwadi 'iowana, ta si'atesa'ala sinabwana Pita manuna, mwa'adega 'iapwesa'esa.

Guinuwa 12:4

'Enega Pita sigiyaina ga deliya sisa'u luguyena, ta Elodi 'ina tolosaiyao sikisitini 'iloinedi be silomata'i'ita 'ai'aili, ta Elodi 'inuwanuwa 'aene Ataona Sagalina mulinaya Pita nina 'ida sa'uapwese me Yudia 'ediya, be 'ina etala sida guinuwe.

Guinuwa 12:6

Ta Pita 'aina 'asiyata 'ediya deliya 'imiyami, be mali 'asiyata 'enaya Elodi Pita 'ida sa'uapwese, ta boiboiya Pita tolosaiyao gamwagamwanidiya 'i'eno'eno, ta 'ana 'ebeyona seni 'eluwa 'ediyega siyonina, ta wate deli 'awanaya tolosaiyao si'ita'i'isina.

Guinuwa 16:27

Ta deli 'ana to'ita'i'ita 'eno'enoega 'ilosuyaena, ga 'awa 'ege'egegedi ni'atu 'i'itedi, ga 'ina nuwena toluguyao nidi ni'atu sidena, 'enega 'ina sisisaiya 'i'ewena ta 'aene tauna 'ida loemwawasi.

Guinuwa 21:8

Ga tomwa 'iulisina ga 'atauya Sisalia, ta Pilipi, tauna tologuguya site sebeni 'ediyega, 'ina anuwaya 'alugu, ga ma'emai 'amiyamiyana.

Guinuwa 25:13

'Asiyata 'aina sigumwalaya, ga kini Agalipa mwanena Belinisi ma'iyana Sisalia 'ena siapwesa, sabi ona lokagutoki Pesito 'enaya.

Guinuwa 27:42

Ta 'enega tolosaiyao sinuwanuwa ga 'aene yoniyonidi sida loemwawasidi, 'abona nai 'aidi sida tube'oya'a dabalaya be sidedena.

Guinuwa 8:40

Ta Pilipi sa'i silobena 'asa Asota 'ena, ga 'enega 'itautauya, ta tetela bobo'ana 'iloguloguguya 'asa 'ebweuna 'ebweuna 'ediya, ga 'ana laba 'iapwesa Sisalia 'enaya.