Guinuwa 11:18 - Loina Tabu Auwauna NT

¹⁸ Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 11:18 Σταυροειδείς Αναφορές

Madiu 9:8

Ta boda nidi guinuwa gete si'itena ga ma idi 'amayaba Yaubada situpuna, manuna sana tauna Yesu 'ana Togiewaiwai.

Guinuwa 11:1

Ta Yesu 'ana tosimanao, ta wate toekalesiyao, taudi Yudia 'ana tomiyanao, ni'atu tetela sinonona 'aene 'aidi tomota taudi nigeya me Yudia ni'atu Yaubada 'ina ona siemisena.

Guinuwa 14:27

'Enega tuta nina Anitioki 'ena siluguya, toekalesiyao sibwau egogonedima, ga yage yauyauna Yaubada 'iguinuwenaya manudi, 'idi sakowasi nina solanaya siemwasalidi, nate emisa 'ana 'awa 'igigegena taudi nigeya me Yudia manudi, be taudi wate sida lugu.

Guinuwa 15:3

'Enega toekalesiyao silokaiyoniyedi ga sena Pinisia ta Samelia siataonedi, ga 'idi sakowasi nina 'ena 'asa apwesa tomoteninao 'idi sanaila Yaubada 'ena sisimanena, ta Yesu 'ana toemisao 'asa 'ebweuna 'ebweuna 'ediya, simana gete sinonona, ga 'enega sigwausowala sinabwana.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Guinuwa 21:20

Ta maibo'adi sinonona ga Yaubada situpuna, ta sieonena, sigwae, “Tasimai, 'u'ita tausani yauna ni'atu Yesu 'ena siemisa, ta yaudi toemisa nidi me Yudia, ga Mosese 'ina loina simulimuliye,

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Guinuwa 3:26

Ta Yaubada 'ina 'ali'ei Yesu mwawasega 'igietoolo limena, ga 'omi me Yudia 'emiya 'igimi etunenama, be 'ina oboboma 'emiya nate 'aene 'imi loegesiyao 'ediyega wada nuwa'ebuni, ta mali bodao muliyega.”

Guinuwa 5:31

ga 'igilagasina tauna 'atainaya 'aene tauna To'etoseyana be Toanugana, be wate tauna togienuwa'ebuni me Isileli manuda, be 'enega 'ida to'umalinao 'inuwataudi.

Loma 9:30

Gete 'enega tamwalamwalatoni 'aene taudi nigeya me Yudia nigeya sitootoo be 'aene Yaubada 'ida 'awapalupaluyedi, ta esi 'idi emisa tuga 'enega 'awapalupalu silobena.

2 Kolinita 3:18

'enega nigeya 'ebweu talabodaboda maninidaya 'imiyami, ta 'Inapwana 'ina esaesa maemaedanina 'ena tadunedune, ta tupwana be tupwana 'isa'usa'u gelaseda tauna 'ana 'ita maemaedanina nadigega. Guinuwa gete 'Inapwana 'enega, tauna yaluyaluwa tuga.

2 Kolinita 7:10

Ona'ai'aila, nuwamwau Yaubada 'enega yage bobo'ana, ta 'igienuwa 'ebunida, be 'enega 'etoseyana taloba. 'Enega geya'abo nuwamwau nina taguiguitoyasei. Ta esi mali nuwamwau bale'u 'enega ma'etamo 'iloemwawasida.

Galetia 1:24

'Enega toekalesiyao nidi Yaubada situpuna 'igu nuwa'ebuni manuna.