Guinuwa 10:22 - Loina Tabu Auwauna NT

²² Ta sigwae, “Konilio 'ietunema, tauna 'ima tolosaiyao 'adi toanugana, ta tai palupaluna ta Yaubada 'ana to'amayaba, ta wate me Yudia maibo'adi si'awa tai bobo'anena, ga 'ana emataluwa 'inonona anilose 'enega, be 'aene 'oyo 'ibwauyeyo tauna 'ina anuwaya, be 'imu ona 'ida nono.”

Guinuwa 10:22 Σταυροειδείς Αναφορές

Madiu 1:19

'Enega Yosepa nina 'inuwamwau Meli 'ina 'euwana manuna. Ta Yosepa tai bobo'ana, 'enega geya nuwana be Meli 'igie omayamayae, ta nuwanuwa kwaiyega 'aene esi 'ida e'idi'idiye.

Madiu 2:12

Ta muliyega madawalega Yaubada 'iemataluwedi be 'aene geya'abo Elodi 'enaya siilaila, 'enega sitoolo ga mali 'edega sitauya 'idi 'asaya.

Maki 6:20

manuna Elodi 'iegagalena 'aene Yoni nina tai palupaluna ta Yaubada 'ina toguinuwa 'ebweu, 'enega Elodi Yoni 'i'amayabena ga tuta yauna Elodi nuwanuwana ga Yoni 'ina ona 'inonona ta manuna 'i'atesa'ala.

Maki 8:38

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu 'epata gete to'umalidi ta sogasogalidi matadiya, ma'etamo yada eyaseyaseyo, tuta nina Tamagu 'ina esaesa tuyatuyayalina 'enega yaila limanama, ta wate aneloseyao ma'egwao.

Luke 2:25

Ta gote tuta nina 'enaya Yelusalema 'enaya 'ebweu 'inapwana 'ana esana Simioni 'imiyami. Tauna tai bobo'ana, ta wate Yaubada 'i'amayabena sinabwana, ta ma ina 'alama'i'itana 'iyamwayamwa me Isileli 'adi To'etoseyana manuna. Tai nina Yaluyaluwa Tabuna 'ena 'imiyami.

Luke 23:50

'Ebweu tai 'ana esana Yosepa, Yudia taina, 'ina 'asa gidalina Alimatia, tauna tai bobo'ana ta ma 'ana emisa. Tai nina 'ebweu me Yudia 'idi toanugana, ta 'iyamwayamwa be to tuta Yaubada 'ida etoloina me Yudia 'ediya. Lowa tuta nina toanuganao nuwanuwadi be Yesu sida loemwawasi, ta Yosepa nina geya nuwana.

Luke 9:26

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu, ma'etamo yada eyaseyaseyeyo tuta nina 'abo ma 'agu tupu yailama, ta wate Tamagu be 'ina aniloseyao ma idi esaesa ma'egwao.

Yoni 13:20

“Ona'ai'aila, ma'etamo yaetunemi tomota 'ediya be 'abo yaita 'itagwala 'emiya, nate tauna ni'atu 'itagwala 'eguya, ta wate 'itagwala 'agu toetune nina 'enaya.”

Yoni 17:20

“Tamagu ye, nigeya 'aene taudimo manudi yasidasidawa, ta esi taudi wate ma'etamo 'idi onega sida emisegu manudi.

Yoni 17:8

Manuna ona nina 'u'ebwa'eguya ni'atu yae'itedi ta 'atediya sisa'una, 'enega simwalatoi 'ai'ailiguya 'aene 'oyo 'emuyega yamai, ta wate siemiseguya 'aene 'oyo 'uetuneguma.

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

Yoni 6:63

Ta Yaluyaluwa Tabuna tauna yawasimi 'ana to'ebwaya, ta bwalami nigeya sida lememi. 'Igu ona gete ni'atu ya'ebwa'emi, be 'enega ona nidi Yaluyaluwa Tabunega yawasimi sida 'ebwa'emi.

Yoni 6:68

'Enega Saimoni Pita Yesu 'ieonena, 'igwae, “'Inapwana, yaita 'ena 'atatauya? Manuna 'oyo tebweuyo yawasima ataya 'ana ona 'emuya 'imiyami.

Guinuwa 10:2

ta tauna tai bobo'ana ga ma ina susuyao Yaubada si'amayabena, ta tuta yauna togomabeso 'ilemelemedi ta 'isidasida Yaubada 'ena.

Guinuwa 10:21

'Enega Pita nina 'imwa'uta 'ediya ga 'igwae, “'Abo'agu Pita! To'ase manuna wamai?”

Guinuwa 10:30

'Enega Konilio 'igwae, “Gete manuna: 'Asiyata ata sigumwala 'ena 'asuinuwanuwaya, nadigega gete tuga sidasida 'ana tuta, 'enega 'igu anuwaya yasidasida Yaubada 'ena, ga 'ebweu tai ya'itena mataguya 'itootoolo ma 'ana 'oama 'esasena.

Guinuwa 10:33

'Enega yalomanini ga 'igu 'ali'eiyao nidi yaetunediwaya ga sibwauyemuma, ta 'utagwalemuya ga 'umai, ga kagutoki. 'Enega gete tuga maibo'ama Yaubada matanaya 'adeli egogonama, be to'ase 'Inapwana 'iloinemuya 'uda eonama, be 'ada nono.”

Guinuwa 10:6

Ta Pita nina 'ebweu wate Saimoni 'ina anuwa le'awaya 'enaya 'imiyami, ta Saimoni nina 'ina paisewa yobai bwaladiyega gwegwe 'iguiguinuwedi.”

Guinuwa 11:14

be tauna tetela 'ida eonami, be 'enega 'omi ma imu susuyao 'etoseyana wada loba.” ’

Guinuwa 22:12

Ta Damasiko 'ena 'ebweu tai 'ana esana Ananayasi 'imiyami, tauna Yaubada 'ana toemisa 'ai'aila, ta Mosese 'ina loina 'ana tomuliya, ta me Yudia sena nina 'ana tomiyanao si'awa bobo'anena.

Guinuwa 24:15

ta wate yaemisa 'aene Yaubada tokwaiyao 'igietoolo limedi, tobobo'adi be toto'umalidi, nadigega taudi wate 'idi emisa.

Guinuwa 6:3

'Enega 'omi 'emiyega tai sebeni waesinuwedi, yaisigedi ma 'adi 'amayaba, ta sinasinapudi, ta wate 'abo Yaluyaluwa Tabuna 'ina waiwai 'ediya, be paisewa gete masula 'ana eguyai manuna, 'ada 'ebwa'edi.

Loma 1:17

Ona'ai'aila, tetela gete 'ie'iteda 'aene 'ida emisa namo 'enega Yaubada 'ida 'awa palupaluyeda. Manuna Buki Tabu wate 'ina simana nadigega, 'igwae, “Topalupaluyao 'idi emisega yawasidi sida loba.”

2 Kolinita 5:18

Oboboma gete Yaubada 'enega, tauna Yaubada nina Keliso 'ina guinuwega 'i'au'eweda tauna 'enaya, ga ma'edai taegosigosiyana limana, ta wate 'ida guinuwa 'i'ebwa'eda be tomota tada me'edi egosigosiyana nina 'enaya.

1 Timoti 3:7

Toanuganao nidi 'ilobwenedi be ma 'adi 'awabobo'ana taudi nigeya totapwalolo matadiya, manuna 'eguma tomota toanuganao si'awa to'umaliyedi 'idi bubuna manuna, nate 'atuwa Seitani 'ina sikwa 'ena si'ona'ona.

Ibeliu 10:38

'Enega yaisigedi topalupaludi 'idi emisega yawasidi bobo'ana sida loba, ta 'abo 'idi 'atesa'alega sisanaila, Yaubada geya nuwana tomotai nidi.

Ibeliu 11:2

Tubudao lowaenei tanuwa'i'isidi taudi 'idi emisa 'enega Yaubada 'i'awa bobo'anedi.

Ibeliu 12:23

ta wate wamai tomota nidi Yaubada 'i'awa natunedi ga 'adi esanao galewaya 'i'etoladidi 'ediya, ta wate tauna 'abo'ada be yage maibo'ana 'ada toloina, nate Yaubada 'ena, ta wate taudi yaluyaluwadi Yaubada 'igiepaepaluyedi 'ediya,

2 Pita 3:2

ta Yaubada 'ina palopitao 'idi onao nuganuganidi wada nuwa'i'isidi, ta wate 'ida 'Inapwana, nate 'ada To'etoseyana, 'ina loina 'ana tosimanao loina nidi si'ebwa'emiya wate wada nuwa'i'isidi.

3 Yoni 1:12

Ta Dimitilo sa'i tai bobo'ana. Tomota yauyaudi 'idi simana nadigega, manuna taudi e'ita 'ai'aila 'ana tomuliyao sisimana 'aene Dimitilo tai bobo'ana, ta 'abo'agu wate 'igu simana nadigega, be 'igu simana wamwalamwalatoni 'aene ona'ai'aila.

E'ita'ita 14:10

taudi Yaubada 'ina oine waiwaina 'enega sinunuma, ta oine nina nate Yaubada 'ina gamwasowala 'ai'aila ni'atu 'isiwena gamwasowala keigana 'enaya. Ta wate kaiwe yaiyai be gulewa yaiyaidi tomota nidi bwaladiya sida lotoona, Yaubada 'ina aniloseyao be Lami matadiya.