Galetia 6:8 - Loina Tabu Auwauna NT

⁸ 'Eguma bubuna bwala 'enega 'iasowa, ma'etamo sesoi to'umalina 'iloba, ta 'eguma Yaluyaluwa Tabuna 'enega 'iasowa, ma'etamo yawasi ataya 'ida sesoni.

Galetia 6:8 Σταυροειδείς Αναφορές

Madiu 19:29

Be 'eguma yaisigedi 'omi 'imi anuwao nai tasimiyao nai nuumiyao nai tamamiyao be sinamiyao nai natumiyao nai 'imi tanowayao wapilisinedi, ma'etamo yage nidi wapilisinediya 'adi lopa'elu ma 'adi loeposeyana analedi wada lobadi, yawasimi ataya ma'iyana.

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Luke 18:30

tuta gete 'ena e'isa sinabwana waloba, ta wate tuta 'imeemai 'enaya yawasimi ataya wa'ewa.”

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Yoni 4:36

Yaisigedi taudi sisesoi, 'adi e'isa siloba, ta sesoi nina tomota yawasidi ataya manuna. 'Enega 'eguma yaisigedi taudi sidaunaya ta yaisigedi taudi sisesoni siegwausowala leleleya.

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Loma 6:13

Ta wate geya'abo 'ebweu welawela'ami watagwatagwale guinuwa to'umalina manudi, ta esi Yaubada 'ena wada tagwalemi manuna mwawasega 'igietoolo limemi, ga batuwa mayawasimi, be 'enega welawela'ami maibo'adi watagwaledi Yaubada 'ina guinuwa palupaluna manuna.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

Loma 8:11

Ta Yaubada Yaluyaluwanana 'enega Yesu mwawasega 'igietoolo limena, 'abo 'emiya 'imiyami, Yaubada 'iabe wate Yaluyaluwana nina 'enega oomi mwawamwawasidi 'ediya yawasi auwauna 'ida 'ebwa'emi.

Loma 8:13

'abona nai tamwamwawasa. Ta esi 'eguma bubuna tomotai taguitoyase be Yaubada Yaluyaluwana tamuliye, 'iabe Yaluyaluwanana 'enega 'ida bubuna tomotai nina taloemwawasi, be 'enega yawasida bobo'ana taloba,

1 Kolinita 15:42

'Ida toolo limana wate nadigega, bwalada daudaulidi sisa'usa'u 'ali'aliyedi, be ma'etamo 'eguma tatoolo limana bwalada geya'abo sidaudaula.

Galetia 6:7

Geya'abo tauyo 'ukabokaboeyo, manuna nigeya sawesawedaya be Yaubada takaboe. To'ase tai 'iasona, muliyega 'ida sesoni.

1 Timoti 1:16

Yaubada 'ina 'atenuwa'ole'ole 'eguya 'alena gete, 'aene Yesu Keliso 'abo'agu toto'umalina sinabwana manugu 'ie'alama'i'ita, be 'enega toto'umalina maibo'adi sida 'itagu be sida mwalatoni 'aene taudi wate, 'abo Keliso siemise, yawasidi ataya sida loba.

Taito 3:7

Ta taunamo 'ina obobomega 'i'awa palupaluyeda ga yawasida ataya 'ana nuwayaina 'i'ebwa'eda.

Yemesa 3:18

Ta wate taudi togienuwa siwalowa 'idi guinuwega bubuna bobo'ana sigiegie apwese.

2 Pita 2:12

Ona'ai'aila toto'umalina nidi 'atuwa yobai. Yobai 'adi lotoona namo simulimuliyedi, ta nigeya sida nuwanuwa palupalu, 'enega tomota yobai nidi sigiyaidi be siunudi. Toto'umalidi wate mwalatoi 'ai'aila nigeya sida mwalatonina ta esi si'awa'awa to'umaliye, 'enega taudi wate sida esilae, yobai nadigega,

2 Pita 2:19

'Adi tomuliyao nidi 'ediya sigwae, “'Eda gete 'ena wameemai, 'eda bobo'ana, ta nigeya 'ebweu wate 'etoboda 'imiyami.” Ta nigeya, ta taudi 'idi bubuna to'umalina 'enega taudimo siyonidi.

Yude 1:21

ta wate oboboma Yaubada 'enega wagiyai'i'isi, be wayamwayamwa be to tuta 'ena 'ida 'Inapwana Yesu Keliso 'ina 'atenuwa 'ole'oleyega yawasimi ataya 'ida 'ebwa'emi.

E'ita'ita 22:11

be 'enega taudi toto'umalidi tuwa to'umalina 'ediya 'ida miyaataya, ta 'abo taudi 'idi bubuna baibailidi tuwa baila 'ediya 'ida miyaataya, ta 'abo taudi sibubuna bobo'ana 'idi bubuna 'ida bobo'ana ataya, ta taudi 'esasedi 'esasa nina 'ena sida miyaataya.