Galetia 6:14 - Loina Tabu Auwauna NT

¹⁴ Ta 'abo'agu esi geya'abo yaonaona tu'e. Nate namo 'ida 'Inapwana Yesu Keliso 'ana kelose manuna yada onalaga, manuna Keliso 'ana kelose 'enega bubuna bale'u 'iloemwawasina ga 'ina loina 'eguya 'igumwala, ta wate taudi bubuna bale'u 'ana tomuliyao siguitoyasegu 'atuwa tomwawasa 'abo'agu.

Galetia 6:14 Σταυροειδείς Αναφορές

Luke 20:16

“Ona'ai'aila 'inapwana nina 'imama be toguinuwa nidi 'iloemwawasidi, be 'enega bagula nina mali to'ita'i'itao 'i'ebwa'edi.” 'Inapwanao nidi Yesu 'ina ona gete nadigega sinonona ga sigwae, “Ona'ai'aila, 'abo'ada geya'abo wate nadigega!”

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 6:2

Nigeya sa'i! Manuna bubuna to'umalina ni'atu 'edega 'igumwala, 'enega nigeya sawesawenaya be 'edaya wate 'ida miyami.

Loma 6:6

Ta wada nuwa'i'isi 'aene 'ida bubuna kadekadelina ni'atu kelose 'enaya 'iloemwawasina, be 'aene tauda 'ida loina 'igugumwala, be 'enega geya'abo wate bubuna to'umalina 'ina loina 'ena tamiyami,

1 Kolinita 1:23

ta 'abo'ada esiya tetela nina taloguloguguyae, Keliso 'ina mwawasa kelose 'enaya namo manuna, ga 'enega me Yudia siguitoyasena, ta wate mali bodao tetela nina si'awa yage besobesoena.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

1 Kolinita 2:2

ta esi nuwanuwagu be Yesu Keliso namo manuna yada loguguya 'emiya, tauna siloemwawasina kelose 'enaya.

1 Kolinita 3:21

'Enega geya'abo waonaona gagasa 'imi toanuganao nidi bale'uya manudi, manuna Keliso yage maibo'adi ni'atu 'i'ebwa'emi,

2 Kolinita 11:12

Wate 'igu guinuwa manumi ma'etamo tuga yada guiguinuwa, be 'enega yada gielosa'udi taudi toona gagasa sigwae 'aene 'idi guinuwa 'emiya nadigega 'abo'agu 'igu guinuwa.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Galetia 2:17

Maibo'ama me Yudia nuwanuwama be Keliso 'ina guinuwa 'enega Yaubada 'i'awa palupaluyema. Ta 'abo 'aina tuta 'aneneta nai 'aloegesi, mwa'adega gete, sana Keliso 'igiegie loegesiyema? Nigeya.

Galetia 2:19

Manuna Mosese 'ina loina nina ni'atu 'iloemwawasigu, ga muliyega 'ina waiwai 'eguyega 'igumwala, be 'aene yawasi 'ai'aila yaloba Yaubada manuna.

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

Galetia 3:21

Geya'abo wanuwanuwa 'aene Mosese 'ina loina Yaubada 'ina onaupaupa 'ietalauwalena? Manuna nigeya 'ebweu wate loina sawesawenaya be yawasida 'i'ebwa'eda, nai 'ida bubuna 'ida giepaepaluyedi. Nigeya.

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Pilipai 3:18

Ta sa'i tomota yaudi 'idi bubuna 'enega Keliso sietalauwalena, tauna manuda 'imwawasa kelose 'enaya. Talauwalao nidi lowa yasimanedi 'emiya, gete tuga wate ma igu dedoi yalolima, to'umalina nidi 'emiya yasimanedi.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

Kolose 2:20

Lowa wamwawasa Keliso ma'emiya 'enega bubuna bale'u 'ina loina 'emiya ni'atu 'ilosa'u, ta to'ase manuna 'etamo waguiguinuwa 'atuwa me bale'u 'idi guinuwa nadigega?