Galetia 5:26 - Loina Tabu Auwauna NT

²⁶ Ta geya'abo tanuwanuwa tu'e, nai gosedao tae'oata'oatadi, nai tae'ipi'ipiyedi.

Galetia 5:26 Σταυροειδείς Αναφορές

Luke 14:10

'Enega 'abo sibwauyeyo be 'ululugu 'ediya, 'ebemiya tupiya 'uesinuwe be 'ena 'umiyatowa, be 'enega tuta nina 'abo tonisagali 'imama be 'i'itayo 'iabe 'emuya 'ida ona, 'igwae, ‘Gosiyagu, 'umiyalaga gamwagamwanaya,’ be 'enega 'ulalaga ma imu gwausowala, ta wate ma 'amu tupu tomota matadiya.

1 Kolinita 3:7

'Enega Yaubada taunamo tada tupu, ta 'abo'ama geya'abo. Manuna 'abo'ama toasowa be to'ita'i'ita.

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

Pilipai 4:15

'Omi me Pilipai ni'atu wamwalamwalatoni 'aene tetela bobo'ana 'ana simana'unu 'emiya 'enaya, tuta nina Masidonia yapilisinena, ga nigeya 'ebweu 'asa 'ana toekalesiyao 'idi 'ebwayadaita 'enega silemelemegu, 'adi lema 'eguyega 'ana e'isa manuna; ta 'omi namo me Pilipai walemegu.

Yemesa 4:16

Ta gete tuga ma imi gagasa waonalaga, ta wada nuwa'i'isi 'aene onalaga yage to'umalina.

1 Pita 5:5

'Enega 'omi wate tubu lagalagao 'inapwanao wada 'amayabedi, be maibo'ami wada nuwamwa'uta be 'ebweuna 'ebweuna 'emiya wada elemalema. Nadigega tuga Buki Tabu 'isimana, 'igwae, “Yaubada tonuwatu'e 'i'etobodedi, ta esi tonuwamwa'uta 'iobobomedi.”