Galetia 4:4 - Loina Tabu Auwauna NT

^4-5 ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.

Galetia 4:4 Σταυροειδείς Αναφορές

Madiu 1:23

“Gomagweine nuwenuwebolana 'ida 'euwana be natuna me'olotona 'ienatune, ta 'ana esana sida eese Imanueli.” (Ta esana nina 'ana gibui “Yaubada ma'edai.”)

Madiu 3:15

Ta Yesu Yoni 'ina ona 'ie'isena, 'igwae, “Nigeya. Esi gete nadigega. 'Oyo 'uda giebapitaisoegu. Manuna gete 'enega loina maibo'adi bobo'adi tada muliyedi.”

Madiu 5:17

Geya'abo wanuwanuwa 'aene 'abo'agu yamai be Mosese 'ina loinao nai palopitao 'idi e'itao ya'ewa yauledi. Ta esi yamai be 'aene loina nidi yagieapwesa 'ai'ailidi.

Maki 1:15

'igwae, “Tuta ni'atu 'iapwesama be Yaubada 'ida etoloina 'edaya. 'Enega 'imi guinuwa to'umalidi 'ediyega wada nuwa'ebuni be Tetela bobo'ana wada emise.”

Luke 1:31

be 'enega 'iabe 'u'euwana be natuyo me'olotona 'uenatune, be 'ana esana 'uda eese Yesu.

Luke 1:35

Ta anilose nina 'igwae, “Yaluyaluwa Tabuna 'iabe 'emuya 'imwa'utama be Yaubada 'ida giewaiwaiyeyo be natuyo 'uenatune gwama 'esasena, tauna 'iabe sieese Yaubada Natuna.

Luke 2:7

'enega gwama nina 'oama 'ediyega 'iwaduna ga yobai 'idi 'ebe 'e'ai 'enaya 'isa'una. Manuna anuwa 'owaga ni'atu 'imaa, 'enega nigeya 'ebweu wate mwatui manudi be 'ena silulugu.

Luke 20:44

“Debida nina 'ina 'Inapwana Keliso, 'enega mwa'adega sana ga Debida 'ina susuyega muliyega Keliso 'iapwesama?”

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 10:36

'Enega to'ase 'alena tuta nina yagwae, 'aene 'abo'agu Yaubada natuna, ga 'igu ona nina manuna wanuwena 'aene ona oopa'ala? Ta 'abo'agu 'iesinuwegu ta 'ietuneguma ga bale'uya yamai be 'ina guinuwa yada guinuwei.

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Yoni 6:38

Manuna 'abo'agu galewega yamai nigeya 'igu nuwena taugu sabi guinuwena, ta esi tauna 'ietuneguma 'ina nuwena.

Yoni 8:42

'Enega Yesu 'ediya 'igwae, “'Eguma Yaubada tauna tama 'ai'ailimi wada obobomegu, manuna 'abo'agu Yaubada 'ietuneguma, ga sena gete 'ena yamai. 'Abo'agu nigeya taugu 'igu nuwenuwega yameemai, ta esi tauna 'ietuneguma 'ina nuwanuwa 'enega.

Guinuwa 1:7

Ta Yesu 'igwae, “Tamagu tauna 'iloiloina, ta nigeya sawesawenaya be 'omi wamwalatoni to tuta 'ina loinao nidi 'ida guinuwedi.

Loma 1:3

Tetela nina Yaubada natuna Yesu Keliso manuna. Tauna 'ietomotai Debida 'ina susu 'enega,

Loma 15:8

Ta wada nuwa'i'isi 'aene Keliso wate me Yudia 'ediya 'ietoguinuwa, be 'enega Yaubada 'ina onaupaupa nina gimi 'inapwanao 'ediya 'ana 'ai'aila 'ida apwesa,

Loma 5:6

Manuna Keliso 'ina tuta 'ilobena ga 'imwawasa, ta esi 'abo'ada 'etamo 'ida nenetao simiyami, ga Keliso nina 'imwawasa 'ida to'umalinao manudi.

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

Epeso 1:10

ta 'ina loina nina gete 'aene tuta 'ana 'ebe losalowa 'enaya Keliso yage maibo'adi 'ida egogonedi be sida e'ebweu, nate yage galewaya be wate yage bale'uya yauyaudi 'isa'u egogonedi matanaya.

Kolose 2:14

ta 'ida lowaga 'ana loina mwauna 'i'upwa yaulena, ga 'ana kelose 'ena 'itutu epa'iyena.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Ibeliu 2:14

Ona'ai'aila, Yesu 'ina gogamao 'abo'ada tomota maesiyoda be malalada, 'enega Yesu wate 'ietomotai ga tomota oona 'i'ewena ga 'imwawasa, be 'aene 'ina mwawasega Seitani 'iloesawali, be Seitani 'ina loina mwawasa manuna wate 'iloesawali.

Ibeliu 9:10

'eguma loinao nidi tomota simulimuliyedi masula be bwasi be mali esiwe be mali esiwe manudi. Manuna lowa loina nina kadekadelina Yaubada 'isa'una ga 'imiyami 'ana laba Keliso 'iapwesa be loina 'isa'u gelase.

1 Yoni 4:14

Ta 'abo'ama matamega Yaubada Natuna 'a'itena, ga manuna 'asimasimana 'aene Tamana bale'uya 'ietunenama 'aene 'ada To'etoseyana.

1 Yoni 4:2

Ta esi Yaubada Yaluyaluwana wada mwalatoni 'aene 'eguma Yesu Keliso ta'awa'ai'aile 'aene 'ietomotai bale'uya, 'ida ona nidi nate Yaubada Yaluyaluwana 'enega.