Galetia 4:17 - Loina Tabu Auwauna NT

¹⁷ 'Imi esa'ugelasa 'alena 'imi toe'itao auwaudi ni'atu sietaetapewa manumi, ta esi sikabokaboemi. Taudi nuwanuwadi be 'igu loina waguitoyase be 'idi loinega nuwami sida 'ewa.

Galetia 4:17 Σταυροειδείς Αναφορές

Madiu 23:15

“'Omi loina 'ana toe'itao be Palisiyao nuwa'ole'olemi sa'i, manuna 'ebweu wate gete 'imi loegesi. Tuta yauna wa'ada'adau sakowasi 'asa yaudi 'ediya be 'aene 'ami tomuliya 'ebweu wada loba, be muliyega tomotai nina wae'ita be nadigega 'omi waguiguinuwa Seitani 'enaya, tauna nadigega 'ida guinuwa, ta 'ida guinuwa wawasae.

Loma 10:2

Yamwalatonidi 'aene Yaubada manuna sietapewa sinabwana, ta esi nigeya 'ana 'eda 'ai'aila 'enega sitautauya.

Loma 16:18

'Abo yaisigedi taudi 'idi guinuwa gete nadigega, taudi nigeya 'ida 'Inapwana Keliso manuna sida guinuwa, ta esi taudimo 'idi nuwanuwao tuga siguiguinuwedi, manuna 'idi ona dibidibi 'ediyega tomota taudi nigeya pa'alidi sikabokaboedi, ta silisilisi iledi.

1 Kolinita 11:2

Kagutoki gosegwao, manuna e'itao nidi ya'ebwa'emi ni'atu wanuwa'i'isidi ta wagiyaidi.

1 Kolinita 4:18

Ta esi 'aidi 'emiyega sinuwena 'aene 'abo'agu geya'abo yaweewa, 'enega sinuwanuwatu'e be sigagasa.

1 Kolinita 4:8

'Ana 'ita nigeya bobo'ana manuna waonaona 'aene ni'atu waewaiwai, ga yage maibo'ana sawesawemiya, 'enega waelisowema. Ona'ai'aila, nuwanuwagu be wada ewaiwai be tapwalolo 'enega wada eesaesa, be 'enega 'omi be 'abo'ama tada eleleleya.

2 Kolinita 11:3

Ta esi ya'atesa'ala manumi 'abona nai 'imi nuwanuwa sikwakwani be 'imi 'atetagwala Keliso 'ena wapilisine, nadigega lowa mwata Ibe 'ikaboena 'ina ona dibidibi 'enega, ga Ibe nina 'ineneta.

Galetia 4:16

'Ana 'ita ni'atu waetalauwalegu manuna simana 'ai'aila ya'ebwa'emi.

Galetia 4:18

'Igu loina gete 'eguma 'abo'agu ma'emiya tamiyami, nai 'eguma 'emiyega yamiya 'edasola, loina 'ebweuna tuga, nate 'ilobwenemi be waetapewa guinuwa bobo'ana manuna.

Pilipai 2:21

ta 'agu tolemao yaudi taudimo manudi sinuwanuwa, ta nigeya Yesu Keliso 'ina guinuwa manuna sida nuwanuwa.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

2 Pita 2:3

Ta toto'umalina nidi gwegwe 'ana toyala diidigao, 'enega 'idi ona dibidibiyega ma'etamo sikaboemi be 'imi gwegwe si'ewadi. Lowaenei 'adi e'isa Yaubada 'isa'una ga 'iyamwayamwa, ta nigeya 'ida sa'ugelasa.