Galetia 3:26 - Loina Tabu Auwauna NT

²⁶ ta esi 'ida emisega Yaubada maibo'ada 'i'awa natuneda, Yesu Keliso ma'edai.

Galetia 3:26 Σταυροειδείς Αναφορές

Yoni 1:7

Tauna tomota 'ediya 'imai be 'aene tomota 'ediya maedana manuna 'ida simana be 'enega tomota sida nono be 'idi emisa sida sa'u maedana nina 'enaya.

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

Loma 8:19

manuna Yaubada 'ina mwelumweluluwao maibo'adi siyamwayamwa be nuwanuwadi sinabwana be 'aene natunao nida 'ida gieapweseda be sida 'itada.

2 Kolinita 1:1

Kagutoki me Kolinita 'omi Yaubada 'ina toekalesiyao, be 'omi wate Yaubada 'ana toemisao sena Akaya maibo'ana solanaya, 'imi leta gete tasidai Timoti 'ilemegu ga 'a'etoladinawa, 'abo'agu Paulo 'eguyega, manuna Yaubada 'ina esinuwega yaetosimana Yesu Keliso manuna.

2 Kolinita 6:18

ta 'eguya wada 'awatamana, be 'omi natugwao me'olotomi ta natugwao mewainemi.’ Gete Yaubada Toewaiwai sana 'ina ona.”

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Galetia 4:14

Ta nigeya wae'idi'idiyegu oogu 'ina neneta manuna, ta esi watagwalemi 'eguya, ga wa'au'eweguya 'atuwa nadigega Yaubada 'ina anilose 'ebweu, nai Yesu Keliso.

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

Epeso 1:5

Ta 'enega Yaubada nuwanuwana ga 'ina obobomega 'iesinuweda be Yesu Keliso 'enega 'i'awa natuneda,

Epeso 5:1

Yaubada 'ina obobomega ni'atu 'i'awa natunemi, 'enega tauna 'ina bubuna wada etotowanei,

Pilipai 1:1

'Abo'agu ta Timoti ma'iyagu 'aguiguinuwa To'etoseyana Yesu manuna, 'imi leta 'a'etoladinawa 'omi me Pilipai Yesu Keliso 'ina toekalesiyao, be wate 'imi toanuganao be 'imi dikoniyao ma'emiyao.

Pilipai 1:8

Yaubada wate 'imwalatonigu 'aene Yesu Keliso 'ina obobomega nuwanuwagu 'omi,

Pilipai 2:15

be 'aene 'omi Yaubada natunao bobo'ami ta 'esasemi, ta nigeya 'ebweu wate 'imi to'umalinamo, be me bale'u 'idi mayale 'omi. Manuna taudi 'idi bubuna guguyoi ta taudi adelidi toto'umalidi.

Kolose 1:4

manuna tetelimi 'anononaya, 'aene Yesu Keliso waemisena, ta toekalesiyao yauyaudi waobobomedi,

Kolose 2:6

Ni'atu 'ida 'Inapwana Yesu Keliso 'ena wa'atetagwala, 'enega 'ilobwenemi be tauna 'ina waiwaiyega wada tautauya,

Pilimoni 1:1

Kagutoki tasigu Pilimoni, 'oyo Yesu Keliso 'ina toguinuwa 'ebweu nadigega 'abo'agu. Ta 'abo'agu ni'atu deliya sisa'ugu, Yesu Keliso 'ina guinuwa manuna. Ta gete tugai Timoti 'ilemegu be 'imu leta gete 'a'eto'etoladinawa.

E'ita'ita 21:7

Ta 'abo yaita 'iewaiwai Seitani 'ena, 'ebe gwausowala yada tagwala 'enaya be 'ida 'awatamanegu, be tauna yada 'awanatune.