Galetia 3:12 - Loina Tabu Auwauna NT

¹² Ta esi Mosese 'ina loina 'ana 'eda dumadumana, ta emisa 'ana 'eda dumadumana. Loina 'ana 'eda Buki Tabu 'ena gete nadigega si'etoladina, 'igwae, “'Eguma yaita loina maibo'ana 'iematamatanedi, yawasi bobo'ana 'ida loba.”

Galetia 3:12 Σταυροειδείς Αναφορές

Madiu 19:17

Ta Yesu 'igwae, “To'ase manuna guinuwa bobo'adi manuna 'uenaida 'eguya? Manuna 'ebweuna namo tobobo'ana 'imiyami, 'enega 'abo nuwanuwayo be yawasiyo ataya 'uloba 'ilobweneyo be tauna 'ina loinao 'umuliyedi.”

Loma 11:6

'Etoseyana gete 'alobena nigeya 'aene 'ima guinuwao 'ediyega, ta esi Yaubada 'ina oboboma 'enega, manuna 'abo oboboma ma 'ana e'isa nate nigeya oboboma 'ai'aila.

Loma 4:14

Ona'ai'aila, Yaubada 'ina oboboma 'edaya nigeya 'aene loina 'ana ematamatana 'enega, ta esi 'ina onaupaupa 'edaya 'ana emisa manuna. 'Enega 'abo taona 'aene Yaubada 'iobobomeda loina 'ana ematamatana 'enega, nate ni'atu emisa tasinalina, ta wate Yaubada 'ina onaupaupa taeyage besobesoena.

Loma 4:16

Gete 'enega tada mwalatoni 'aene emisa namo 'enega onaupaupa bobo'ana taloba, nate Yaubada 'ina oboboma tuga, ta nigeya 'ida guinuwa 'ana e'isa 'enega. Ta onaupaupa nina Ebelaamo tubunao maibo'ada ni'atu talobena, ta nigeya 'aene loina 'adi toematamatanao dimo, ta esi taudi 'idi emisa nadigega Ebelaamo 'ina emisa leleleya talobaloba, manuna Ebelaamo nina tauna tuga nadigega maibo'ada tamada.

Loma 7:10

ga 'enega loina nina 'iloemwawasigu, manuna loina bobo'ana, yawasida manuna, ta esi 'abo'agu loina nina nigeya yamulimuliya 'ai'aili.