Galetia 2:9 - Loina Tabu Auwauna NT

⁹ 'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.

Galetia 2:9 Σταυροειδείς Αναφορές

Madiu 16:18

Ta wate yaeonayo 'aene 'amu esana Pita, ta 'oyo gulewa, be 'emuya 'igu ekalesiya yada 'abi, be 'enega geya'abo bubuna to'umalina 'iewaiwai 'igu ekalesiya nina 'ena.

Luke 22:8

'Enega Yesu 'ina tononoyao Yoni ta Pita 'adi emataluwa 'i'ebwa'edi, 'igwae, “Watatauya be Ataona masulina manuda wagibubu.”

Yoni 1:42

Ga Saimoni 'i'au'ewena ga Yesu 'ena 'ime'ena. Gote 'ena Yesu Saimoni 'i'itena ga 'ieonena, 'igwae, “'Oyo 'amu esana Saimoni, Yoni natuna, ta 'amu esana auwauna yada bwauye Pita, 'ana gibui Gulewa.”

Guinuwa 12:17

Ta Pita nimanega 'i'etobodedi be sida 'alaenono, ta 'iemwasala 'Inapwana deliyega 'i'au'ewenama manuna, 'enega 'igwae, “Tetela gete wasimana Yemesa be gosedao wate 'ediya.” 'Enega 'ipilisinedi ga 'itauya mali esenaya.

Guinuwa 15:13

Ta muliyega Yemesa 'itoolo ga 'igwae, “Tasigwao, 'igu ona gete wada nono.

Guinuwa 15:7

Ga tupwana siegewagewana 'amana, 'enega Pita 'itoolo ga 'igwae, “Tasigwao, wamwalamwalatoni 'aene tuta lowa Yaubada 'edega 'abo'agu 'iesinuwegu, ga 'awaguyega taudi nigeya me Yudia tetela bobo'ana sinonona, ga siemisena.

Guinuwa 4:36

Toesaesa 'ebweuna 'ediyega, 'ana esana Yosepa, ta 'ana esana auwauna tosimanao nidi si'ebwa'ena Banaba, nate 'ana mwalatoi “Togie'atepatu,” tauna goma Saipilosi, ta Libai 'ina susu 'ebweu,

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 12:3

'Abo'agu Yaubada 'enega 'atenuwa'ole'ole yalobena, 'enega 'ilobwenegu wate yada loguguya 'emiya be 'aene geya'abo wanuwanuwatu'e, ta esi ma imi mwalatoi wada nuwanuwa 'ai'aila, manuna 'ida emisa maibo'ana talobena Yaubada 'ina eguyai 'enega.

Loma 15:15

Ta ma igu 'atepatu 'imi leta gete ya'etoladinawa be 'enega 'aina yage wada nuwa'i'isidi, manuna 'igu paisewa gete Yaubada 'i'ebwa'egu,

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

2 Kolinita 11:5

'Imi tologuguyao auwaudi 'omi wanuwena 'aene siloetana sinegu, ta esi nigeya sawesawediya.

2 Kolinita 12:11

Ona'ai'aila, 'omi 'imi bubuna manuna ni'atu yaonaona 'atuwa uwauwagu, ta esi 'ilobwenemi be wa'awa bobo'anegu, manuna 'imi tologuguya auwaudi wa'awa bobo'anedi, ta 'abo'agu wa'awa yage besobesoegu, ta taudi nigeya sida bobo'ana sinegu.

2 Kolinita 8:4

ta sisidasida waiwai 'emaya be 'abo kapekapeyana sida 'ebwayadaita Yelusalema 'ana toekalesiyao 'adi lema manuna.

Galetia 1:16

ta tauna 'ina nuwenuwega Natuna 'eguya 'ie'itaena, be yada etosimana manuna, sena apwesa 'ediya. 'Enega nigeya yatautauya tomota 'ediya sabi enaida tetela gete manuna.

Galetia 1:18

'Enega yakwala 'etoi mulinaya yalaga Yelusalema ga Pita yayausina, ta nada ma'iyagu 'asiyata pipitini 'amiyami.

Galetia 2:1

'Enega yakwala potini sigumwala, Banaba ma'iyagu 'atu'e limana Yelusalema, ga wate Taito ya'au'ewena, ga ma'emai 'atu'e.

Galetia 2:2

Ta 'igu tauya 'alena manuna Yaubada 'ie'itegu 'aene 'ilobwenegu be yada tu'e Yelusalema, 'enega yatauya toekalesiyao 'idi toanuganao 'ediya, ga taumamo 'a'awa'awagwae, ga tetela nina yaloguloguguya taudi nigeya me Yudia 'ediya yasimana apwesa toanuganao nidi 'ediya, manuna geya nuwagu be yaloguguya besobeso, 'enega toanuganao nidi sitagwala 'igu loguguya nina 'enaya.

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

Epeso 2:20

'Omi wate si'abimi, 'enega 'abo'ada 'atuwa anuwa, ta Yesu Keliso tauna 'ida 'autui, be tauna 'ena 'ola sinabwadi nate Yesu 'ana tosimanao be palopitao,

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

E'ita'ita 3:12

“Ta 'abo yaita 'omi 'iewaiwai, yada loina be 'ida e'ola Yaubada 'ina Anuwa Tabu manuna, be geya'abo wate 'ipilipilisine, ta 'emiya Yaubada 'ana esana yada 'etoladi, ta wate Yaubada 'ina 'asa 'ana esana yada 'etoladi, nate Yelusalema auwauna, tauna 'etamo galewega 'ida mwa'utama 'igu Yaubada 'enega. Ta wate 'emiya 'agu esana auwauna yada 'etoladi.