Galetia 2:14 - Loina Tabu Auwauna NT

¹⁴ 'Enega 'abo'agu yamwalatonina 'aene Keliso tetelina palupaluna geya'abo simulimuliya 'ai'aili, ta maibo'adi matadiya Pita yaenaidena, yagwae, “Gosiyagu, 'oyo goma Yudiayo, ta 'aina tuta me Yudia 'ida bubuna wapilipilisine be mali sena bubunidi 'uetoetotowanedi, 'enega mwa'adega be taudi mali sena nina tomotenidi 'ugie sanaila 'esedima be Yudia bubunina simuliye?”

Galetia 2:14 Σταυροειδείς Αναφορές

Guinuwa 10:28

ga 'ieonedi, “'Omi 'abo'ama me Yudia 'ama loina wamwalamwalatoni 'aene nigeya sawesawemaya be 'omi nigeya me Yudia 'ayausimi, nai ma'emao taegosigosiyana, ta sa'i Yaubada ni'atu 'enomata'ite'itega 'ie'itegu be geya'abo 'ebweu tomota ya'awa'awa to'umaliyei.

Guinuwa 15:1

'Enega 'aidi tomota Yudia 'enega siebusima, ga sie'ie'ita toekalesiyao me Anitioki 'ediya, sigwaegwae, “Mosese lowaenei 'iloinema bwalama 'ana daba manuna. 'Enega 'eguma 'omi daba nina nigeya wa'ewa'ewa, geya'abo 'etoseyana walobaloba.”

Guinuwa 15:24

Lowa alemi 'anononaya 'aene 'aidi tomota 'emega siwai, ga mali tetela 'enega sigie kwanimi, nate taudimo 'idi nuwenuwega, ta nigeya 'ima emataluwa 'ediya 'enega.

Guinuwa 15:5

Ta 'aina Yesu 'ana toemisao Palisi bodadi 'ediyega sitoolo, ga sigwae, “'Eguma 'asa apwesa 'adi tomiyanao siemiemisa, 'ilobwenedi be daba si'ewa be wate tada loinedi be Mosese 'ina loinao sida muliyedi bemi, be muliyega siekalesiya 'ai'aila.”

Loma 14:14

Ta ona'ai'aila, 'ida 'Inapwana Yesu ni'atu 'igienuwa sabwalenigu ga yamwalatonina 'aene nigeya 'ebweu masula 'eto'etobodana 'imiyami, ta esi 'abo 'ebweu tomota 'inuwena 'aene 'aina masula 'eto'etobodadi, 'etoboda nidi tauna tuga manuna.

Galetia 1:18

'Enega yakwala 'etoi mulinaya yalaga Yelusalema ga Pita yayausina, ta nada ma'iyagu 'asiyata pipitini 'amiyami.

Galetia 1:6

'Ebe nuwaowana gete 'eguya, manuna lowa Yaubada 'iesinuwemi be 'aene oboboma Keliso 'enega waloba, 'enega tetelina waemisena, ta walomanini gete tuga ga waguitoyasena, ta mali tetela waemisena.

Galetia 2:3

Ta Taito 'i'oayabuma ga 'atu'e Yelusalema, tauna goma Gilisi 'ebweu, ta esi toanuganao nidi nigeya Taito nina siloiloine be 'aene bwalana silodalodaba 'ana we'iwe'iyaya nadigega taudi.

Galetia 2:5

'Enega 'idi loina maibo'ana 'aguitoyasena, ta nigeya 'ebweu to'ase 'ena 'atagwatagwala. Geya'abo 'ida tetela 'ai'aila manumi sisa'usa'u gelasa.

Galetia 2:7

Ona'ai'aila, toanuganao nidi Yaubada 'ina egueguyai si'italobena 'aene 'abo'agu tetela bobo'ana yaloguloguguyae taudi nigeya me Yudia 'ediya, ta Pita esiya me Yudia dimo 'ediya.

Galetia 2:9

'Enega toanuganao nidi, Yemesa be Pita be Yoni, Yaubada 'ina oboboma 'eguya si'italobena, 'enega sitagwala Banaba be 'abo'agu 'emaya, ga ma'emao 'aenimalotuna. Ona'ai'aila, toekalesiyao nidi sitetoi getedi sieesedi 'adi toanuganao, ta sitetoi nidi sitagwala 'emaya be 'aene 'abo'agu be Banaba 'atatauya taudi nigeya me Yudia 'ediya, ta taudi sitatauya me Yudia namo 'ediya.

Galetia 6:12

Me Yudia 'idi lodaba 'ana to'ewao geya nuwadi 'igu loguguya nina gete: 'ada giepaepalu taloba Keliso 'ina mwawasa namo 'enega, ta nigeya lodaba 'enega. 'Enega si'i'imimi be 'idi lodaba nina wa'ewa, be 'adi boda 'ida sinabwa, ta wate etalauwala Keliso 'ina mwawasa kelose 'enaya manuna 'igugumwala.

Kolose 1:5

manuna wanuwanuwayaina 'aene 'imi 'ebe gwausowala ma'etamo galewaya waloba, nadigega lowa tetela bobo'ai'ailina wanonona.

1 Timoti 5:20

Ta 'eguma toanugana 'ina to'umalina wa'italoba, 'uda 'enapa'ali tomota yaudi matadiya, be 'enega taudi wate loegesi nina geya'abo 'ena silugulugu.

Ibeliu 12:13

be 'imi 'eda wada giepaepaluyedi, be 'abo tolopegoi sitautauya, geya'abo 'ena sibe'ube'u ta esi 'idi lopegoi nidi sida bobo'ana be taudi wate sida ewaiwai.

Ibeliu 9:10

'eguma loinao nidi tomota simulimuliyedi masula be bwasi be mali esiwe be mali esiwe manudi. Manuna lowa loina nina kadekadelina Yaubada 'isa'una ga 'imiyami 'ana laba Keliso 'iapwesa be loina 'isa'u gelase.