Epeso 4:18 - Loina Tabu Auwauna NT

¹⁸ 'idi sinasinapu siguguyoi, ta nigeya Yaubada yawasina 'ediya 'imiyami, manuna 'idi debapa'ala 'enega ni'atu sieuwauwa.

Epeso 4:18 Σταυροειδείς Αναφορές

Madiu 13:15

Manuna tomota getedi 'idi nuwanuwao si'elokwani, ga tenadi 'itui, ta wate matadi 'ikebo. 'Abona nai matadiyega si'ita, ta tenadiyega sinono be sinuwa sabwalena, be 'eguya sida sanaila, be yagie bobo'anedi.’

Maki 3:5

Ta Yesu 'idune masimasiyedi ma ina gamwasowala ta ma ina nuwamwau 'idi debapa'ala manuna, ga tai nina 'ieonena, 'igwae, “Nimayo 'uyasitoto,” ga tai nimana 'iyasitotona ga 'ibobo'ana.

Yoni 12:40

“Yaubada ni'atu matadi 'igiekebodi, ta wate 'idi nuwanuwa 'igibodedi, be gote 'enega nigeya sawesawediya be matadiyega sida 'ita'ita, ta nigeya sawesawediya be 'idi nuwanuwa 'enega mwalatoi sida 'ewa'ewa, ta wate nigeya sawesawediya be sida sanailama be 'aene yada giebobo'anedi.”

Guinuwa 17:30

“Tuta nidi lowa tomota Yaubada siemwagemwageyena, 'enega nigeya 'ida gamwasowaledi, ta esi gete tuga sena maibo'adi tomotenidiyao 'iloineda be 'ida loegesi 'ediyega tada nuwa'ebuni,

Guinuwa 3:17

“Tasigwao, yamwalatonimi 'aene 'imi emwagemwageyega Yesu nina waloemwawasina, nadigega 'imi 'inapwanao.

Loma 1:28

Gote 'enega geya nuwadi Yaubada 'ana mwalatoi, 'enega Yaubada 'ediya 'itagwala be nuwanuwa to'umalidi 'iloemaedi, 'enega yage nidi nigeya 'ilobwelobwenedi ta tuwa tuga siguinuwedi.

Loma 11:25

Gosegwao, nuwanuwagu be 'ebweu yage kwaikwaiyina me Isileli manudi yada simana apwese 'emiya be 'aene geya'abo wanuwanuwatu'e, ta esi yage gete wada mwalamwalatoni 'aene ma'etamo me Isileli ma idi debapa'ala sida miyami 'ana laba 'omi nigeya me Yudia esiesinuwami maibo'ami 'etoseyana wa'ewa,

Loma 11:7

Gete 'alena 'enega me Isileli maibo'adi 'etoseyana nina si'ebesa yogenena, ta esi 'abo'ama pu'epu'emamo Yaubada 'ina bodao esiesinuwama 'etoseyana nina 'alobena, manuna me Isileli nidi maibo'adi debadeba pa'alidi, ga nigeya silobaloba.

Loma 2:19

'Enega taumi wa'awa tosinasinapuyemi 'aene tomata kebokeboyao 'adi toanuganao, ta taudi sena guguyoi 'ana tomiyanao wagiemaedanedi,

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.

2 Kolinita 3:14

Ona'ai'aila me Isileli nidi debadi 'ipa'ala, lowaenei ga batuwa, manuna 'etamo tuga gete 'abo loina kadekadelina 'ana sawa sinono, nuwadi sitala bodebodedi 'idi debapa'alega, be geya'abo sinuwanuwa sabwalena, ta Keliso namo sawesawenaya talabodaboda nidi 'i'ewayauledi.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Galetia 4:8

'Omi lowa Yaubada nigeya wamwalamwalatoni, ta 'imi 'ebe emisao bale'u gwegwenao 'ediya, taudi nadigega yaubada kabokabodi.

Epeso 2:1

Ta 'omi lowa 'atuwa mwawamwawasimi 'imi loegesiyao 'ediyega, ta Yaubada 'igietoolo limemi.

Epeso 2:12

Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

Kolose 1:21

'Omi wate lowa wamiya 'edasola ta 'imi nuwanuwa 'enega Yaubada waetalauwalena, ga wabubuna to'umalina,

1 Tesalonaika 4:5

ta geya'abo ma imi yalakwaiya, nadigega tomotai nidi Yaubada 'ana toemwagemwageyao.

Ibeliu 5:2

'Ida totaliyao nidi sida bubuna nuwana toemwagemwageyao be toloegesiyao 'ediya, manuna totaliyao tomota tuga, ma idi neneta.

Ibeliu 9:7

ta esi Sena Tabu Wawasae nina totaliya sinabwana namo 'ena 'ida lugu, ta yakwala 'ebweu solanaya ma'ebweuna namo. Ta tuta nina 'ilugulugu lala 'i'ewa ta lala nina 'iloseuseuli, be 'enega 'italitaliya Yaubada 'enaya 'ina bubuna to'umalidi manudi, ta wate tomota maibo'adi 'idi to'umalinao manudi.

Yemesa 4:4

'Omi toemisa kabokaboyao, wada mwalatoni 'aene 'abo bale'u bubunina waoboobobome, nate Yaubada waetalauwale, manuna 'abo yaita bale'u bubunina nuwanuwana, tauna Yaubada 'ana saiya.

1 Pita 1:14

Ta Yaubada 'ena wada ematamatana ta geya'abo 'imi yalakwaiyao siloiloinemi, nadigega lowa 'imi tuta emwagemwage 'enaya.

1 Yoni 2:11

Ta esi 'abo tasiyo 'uetalauwale, 'alena gete manuna 'oyo 'etamo guguyoi 'ina sena 'ena 'umiyami, ta wate guguyoi 'ena 'utautauya, be 'eda geya'abo 'u'ita'ita, manuna matayo guguyoi 'iumabodena.