Epeso 3:2 - Loina Tabu Auwauna NT

² Nai lowa 'igu guinuwa tetelina wanonona, ta 'igu guinuwa nina Yaubada 'i'ebwa'egu, be 'aene tauna 'ina oboboma 'enega 'omi 'ami lema wada loba.

Epeso 3:2 Σταυροειδείς Αναφορές

Guinuwa 13:2

Taudi sitapwatapwalolo ma idi 'ebotana Yaubada 'ena ga Yaluyaluwa Tabu 'ieonedi, 'igwae, “Nuwanuwagu Banaba be Saulo 'igu guinuwa 'ebweuna manuna, 'enega wada tagwaledi guinuwa nina 'ena.”

Guinuwa 13:46

'Enega Paulo be Banaba ma idi 'atepatu siona apwesa me Yudia nidi 'ediya, sigwae, “'Ilobwenena be Yaubada 'ina ona 'agimisimana 'emiya, ta gete tuga waguitoyasena, nai 'omi taumi waloinemi 'aene nigeya sawesawemiya be yawasimi ataya wada loba, 'enega 'aguitoyasemi, be mali bodao 'ediya 'ada loguguya, taudi nigeya me Yudia 'ediya.

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 11:13

'Igu ona gete 'omi nigeya me Yudia manumi. Manuna 'abo'agu Yesu Keliso 'ebweu 'ana tosimana sena apwesa 'ediya ta 'igu paisewa gete manuna yaonatu'e,

Loma 12:3

'Abo'agu Yaubada 'enega 'atenuwa'ole'ole yalobena, 'enega 'ilobwenegu wate yada loguguya 'emiya be 'aene geya'abo wanuwanuwatu'e, ta esi ma imi mwalatoi wada nuwanuwa 'ai'aila, manuna 'ida emisa maibo'ana talobena Yaubada 'ina eguyai 'enega.

1 Kolinita 4:1

Ta esi 'abo'ama Keliso 'ina toguinuwao, manuna tetela nina Yaubada 'enega lowa kwaikwaiyina ta gete tuga ni'atu 'asimasimane 'emiya.

Galetia 1:13

Ta 'igu bubuna lowa, tuta nina me Yudia 'idi boda solanaya yamiyami, wanonona, 'aene Yaubada 'ina toekalesiyao yagie'elouya wawasaedi ta nuwanuwagu be yamutudi.

Epeso 1:10

ta 'ina loina nina gete 'aene tuta 'ana 'ebe losalowa 'enaya Keliso yage maibo'adi 'ida egogonedi be sida e'ebweu, nate yage galewaya be wate yage bale'uya yauyaudi 'isa'u egogonedi matanaya.

Epeso 3:7

Ta Yaubada 'ina waiwaiyega be 'ina obobomega paisewa gete 'i'ebwa'egu, be 'aene tetela bobo'ana Keliso manuna yada simasimana apwese.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,

Epeso 4:21

manuna lowa e'ita 'ai'aila Yesu manuna wanonona Keliso nina 'enega.

Epeso 4:7

Ta Keliso 'ina esaesa 'enega 'ada egueguyai 'i'ebwa'eda.

Kolose 1:4

manuna tetelimi 'anononaya, 'aene Yesu Keliso waemisena, ta toekalesiyao yauyaudi waobobomedi,

Kolose 1:6

Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.

1 Timoti 1:4

ta wate geya'abo siemwaemwasala be si'ina'inana gimi 'epata tomota 'adi esanao, 'abona nai egewagewana 'emiya 'iapwesa, manuna memebala nidi tomota 'idi emisa Yaubada 'ena geya'abo silemelemedi.”

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

2 Timoti 1:11

Ta Yaubada 'igu paisewa 'i'ebwa'eguya be 'aene tetelina bobo'ana yasimasimane be yae'ie'ita taudi nigeya me Yudia 'ediya.