Epeso 3:12 - Loina Tabu Auwauna NT

¹² be 'abo Keliso nina taemise ta'atepatu, be sawesawenaya talulugu Yaubada tauna matanaya, be tasidasida 'enaya.

Epeso 3:12 Σταυροειδείς Αναφορές

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Loma 3:22

'aene Yaubada maibo'ada 'ida 'awa palupaluyeda Yesu Keliso 'ana emisa 'enega, be geya'abo 'ebweu wate weyala 'ida miyami 'abo'ada me Yudia be taudi nigeya me Yudia gamwagamwanidaya.

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

2 Kolinita 3:4

Gete manuna Keliso 'ina lemega 'a'atepatu Yaubada matanaya.

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Ibeliu 10:35

'Enega 'imi emisa nina wagiepa'ali be geya'abo waguiguitoyase, manuna ma'etamo 'imi emisa nina 'ana pali bobo'ana wawasae waloba.

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.

1 Yoni 3:21

Gosegwao, 'eguma nigeya 'ida 'ebe 'atesa'alamo, kapekapeyana be ta'atepatu Yaubada matanaya,