Epeso 2:16 - Loina Tabu Auwauna NT

¹⁶ ta wate 'ida weyala 'ediyega 'ili'amida ga 'ime'eda Yaubada 'enaya be tauna ma'edai taegosigosiyana limana, be gete 'ina guinuwa, tauna oona 'ebweuna namo kelose 'enaya situtu epa'iyena, ga 'enega etalauwala nidi sigumwala.

Epeso 2:16 Σταυροειδείς Αναφορές

Loma 5:10

Ona'ai'aila, lowa Yaubada taetalauwalena ta gete tuga Natuna 'ina mwawasa 'enega ni'atu ma'eda tae'ebweu, be Natunana yawasina manuna 'i'etoseye 'ai'ailida.

Loma 6:6

Ta wada nuwa'i'isi 'aene 'ida bubuna kadekadelina ni'atu kelose 'enaya 'iloemwawasina, be 'aene tauda 'ida loina 'igugumwala, be 'enega geya'abo wate bubuna to'umalina 'ina loina 'ena tamiyami,

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Loma 8:7

Ta 'abo bubuna tomota tamuliye, nate ni'atu Yaubada taetaetalauwale, 'enega nigeya sawesawedaya be Yaubada 'ina loina tamuliye,

1 Kolinita 10:17

Beledi nina 'ebweuna 'enega maibo'ada ta'e'ai, 'enega Keliso oona 'enaya taeboda 'ebweuna.

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

Epeso 2:15

Tauna oona 'ana loemwawasa 'enega Mosese 'ina 'etobodao maibo'adi 'ikweudi, ga tauna 'iegogoneda be taeboda 'ebweuna tauna ma'edai, ta nigeya nadigega lowa boda 'eluwa simiyami, ta gete tuga tamiya siwalowa,

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Epeso 4:4

Ona'ai'aila ooda 'ebweuna, ga 'ida nuwayaina wate 'ebweuna namo tuga, ga manuna 'ibwauyedama 'omi ta 'abo'ama, ta Yaluyaluwa Tabuna wate 'ebweuna,

Kolose 2:14

ta 'ida lowaga 'ana loina mwauna 'i'upwa yaulena, ga 'ana kelose 'ena 'itutu epa'iyena.

Kolose 3:15

Be wate Keliso 'ina nuwasiwalowa 'atemi 'ida loinedi. Gete manuna Yaubada maibo'ada 'ibwauyeda ga taeboda 'ebweuna, be manuna tada lokagutoki Yaubada 'ena.