Epeso 2:13 - Loina Tabu Auwauna NT

¹³ Lowa wamiya 'edasolaya, ta gete tuga Keliso lalanega 'i'au'ewemi selabenaya.

Epeso 2:13 Σταυροειδείς Αναφορές

Yoni 10:16

'Aina wate 'igu sipiyao simiyami, nate taudi gete tuga nigeya 'igu 'ali 'ena simiyami, taudi sipi nidi yatootoodi be 'eguya yame'edi be 'enega 'enagu sinono ta simama 'eguya, be magosediyao sida eboda 'ebweuna, ta 'adi to'ita'i'ita 'ebweuna tuga.

Guinuwa 15:14

Saimoni 'edaya 'isimanaya 'aene Yaubada ni'atu 'ie'ale, ga taudi nigeya me Yudia 'ediyega 'aina 'ina tomotaiyao 'iesinuwedi.

Guinuwa 2:39

Manuna Yaubada 'ina onaupaupa nina 'aene 'omi manumi, be natumiyao wate manudi, be taudi 'edasolaya simiyami manudi, yaisigedi taudi Yaubada 'ibwauyedi 'ena.”

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

1 Kolinita 6:11

Manuna 'aimi lowa wabubuna nadigega, ta esi gete tuga Yaubada ni'atu 'i'utumi ga wa'esasemi, manuna 'ida 'Inapwana Yesu Keliso 'ana esanega, ta Yaluyaluwa Tabuna 'ina guinuwega, ni'atu 'igiepaepalumi.

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Epeso 2:10

Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

Epeso 2:12

Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

Epeso 2:6

ta wate Keliso ma'edai, 'igilagasida, ga 'ebemiya galewaya Yesu Keliso 'enega 'i'ebwa'eda, tauna Yaubada nina ma'edai.

Ibeliu 9:18

Nadigega wate gimi loina Mosese 'enega, nugana 'aidi yobai siloemwawasidi, ga laladiyega buki be tomota maibo'adi Mosese 'iloseuseulidi, ga 'enega muliyega loina nina 'iewaiwai.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.