Epeso 2:12 - Loina Tabu Auwauna NT

¹² Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

Epeso 2:12 Σταυροειδείς Αναφορές

Luke 1:72

ta wate lowa 'ionaupaupa be 'aene gimi tubudao 'i'atenuwa 'ole'oleyedi, ta 'ina onaupaupa nina geya'abo 'inuwanuwa pupulei.

Yoni 10:16

'Aina wate 'igu sipiyao simiyami, nate taudi gete tuga nigeya 'igu 'ali 'ena simiyami, taudi sipi nidi yatootoodi be 'eguya yame'edi be 'enega 'enagu sinono ta simama 'eguya, be magosediyao sida eboda 'ebweuna, ta 'adi to'ita'i'ita 'ebweuna tuga.

Yoni 15:5

“Ta 'abo'agu kaiwe nigu ta 'omi naligwao, 'enega 'eguma yaita 'eguya 'imiyami be 'abo'agu 'ena yamiyami, 'ida uwa bobo'ana. Manuna 'eguma 'abo'agu nigeya, geya'abo to'ase 'ebweu bobo'ana waguiguinuwe.

Yoni 4:22

ta 'uda mwalatoni 'aene me Samelia 'omi nigeya wamwalamwalatoni yaita 'ena wabwagobwago, ta 'abo'ama me Yudia 'amwalamwalatoni yaita 'ena 'abwagobwago manuna 'etoseyana 'emega 'iapwesama.

Guinuwa 2:39

Manuna Yaubada 'ina onaupaupa nina 'aene 'omi manumi, be natumiyao wate manudi, be taudi 'edasolaya simiyami manudi, yaisigedi taudi Yaubada 'ibwauyedi 'ena.”

Guinuwa 28:20

Ta esi taudi 'idi e'ewa 'eguya manuna yabwauyemima be ta'awagwae. Ona'ai'aila, 'abo'ada me Isileli taemiemisa 'aene 'ada 'etoseyana Yaubada 'enega 'ida apwesa, ga emisa gete manuna deliya sisa'u luguyegu.”

Guinuwa 3:25

Ta 'omi palopitao nidi tubumiyao. Ta wate onaoboboma nina Yaubada tubudai Ebelaamo 'i'ebwa'ena, 'igwae, ‘'Oyo 'imu susuyega ma'etamo 'ebeloinao maibo'adi bale'uya 'idi 'ebe gwausowala.’ 'Enega onaoboboma nina 'omi wate manumi.

Loma 9:8

Ona gete 'ana mwalatoi ni'atu 'ie'ita 'ai'ailida 'aene Yaubada natunao nigeya Ebelaamo 'ina susu 'enega, ta esi taudi Yaubada 'iona upaupaedi.

Galetia 4:8

'Omi lowa Yaubada nigeya wamwalamwalatoni, ta 'imi 'ebe emisao bale'u gwegwenao 'ediya, taudi nadigega yaubada kabokabodi.

Epeso 2:19

'Omi lowa 'owagao be to'u'umalao, ta ni'atu waetoni'asa Yaubada 'ina bodao ma'emiyao, ga waeboda 'ebweu Yaubada 'ina susu 'enaya.

Epeso 4:18

'idi sinasinapu siguguyoi, ta nigeya Yaubada yawasina 'ediya 'imiyami, manuna 'idi debapa'ala 'enega ni'atu sieuwauwa.

Kolose 1:21

'Omi wate lowa wamiya 'edasola ta 'imi nuwanuwa 'enega Yaubada waetalauwalena, ga wabubuna to'umalina,

Kolose 1:27

Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Kolose 1:5

manuna wanuwanuwayaina 'aene 'imi 'ebe gwausowala ma'etamo galewaya waloba, nadigega lowa tetela bobo'ai'ailina wanonona.

1 Tesalonaika 4:13

Gosemao geya'abo waemwagemwage tokwaiyao manudi, be 'enega 'abo yaita tasidai 'ikwakwaiya, geya'abo wanuwanuwa mwau, 'atuwa taudi nigeya 'idi emisamo toololimana manuna.

1 Tesalonaika 4:5

ta geya'abo ma imi yalakwaiya, nadigega tomotai nidi Yaubada 'ana toemwagemwageyao.

2 Tesalonaika 2:16

Tamada Yaubada 'ioboboma 'ai'ailida, 'enega tuta yauna 'igiegwausowalida, manuna tanuwayaina yage nidi ma'etamo manuda 'ida guinuwedi.

1 Timoti 1:1

Kagutoki Timoti. 'Imu leta gete 'eguyega 'iweewa. 'Ada To'etoseyana nina Yaubada be Yesu Keliso 'idi loinega, Keliso manuna yaetosimana, manuna Keliso 'ena taemiemisa 'ada 'etoseyana manuna.

Ibeliu 11:34

'awe sabesabelulu sinabwadi sikweudi, be wate saiya 'enega si'etoseyedi, manuna 'idi tuta sineneta 'ena ta tuga siewaiwai, ta wate saiya 'enaya siewaiwai wawasae, be 'adi tolosaiyao yau wawasae sipa'ipa'i lelewanedi.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.

Ibeliu 8:6

Ta gete tuga Keliso 'ina guinuwa, guinuwa kadekadelidi 'ibobo'ana sinedi, nadigega wate 'ina loina gimi loina 'ibobo'ana sinena, manuna 'ina loina nina onaupaupa auwauna 'enega 'iapwesama. Ta onaupaupa nina gimi onaupaupa 'ibobo'ana sinena.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

1 Yoni 3:3

'Ida emisa yage gete manuna 'enega 'ida bubuna tagie'esasedi, nadigega Keliso.