Epeso 2:10 - Loina Tabu Auwauna NT

¹⁰ Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

Epeso 2:10 Σταυροειδείς Αναφορές

Madiu 5:16

'Omi wate nadigega, 'ilobwenemi be 'imi maedana wada giesae tomota 'ediya, be 'enega 'imi guinuwa bobo'ana sida 'ita, ta Tamami galewaya sida tupui.

Yoni 3:21

Ta 'eguma yaisigedi taudi 'idi bubuna palupaluna maedana 'ena sida apwesa be 'enega maedana 'ida gieapwesedi 'aene taudi 'idi guinuwa bobo'ana Yaubada 'enega.”

Guinuwa 9:31

Gote 'ena toekalesiyao me Yudia be me Galili be me Samelia senadiyao 'ediya simiya gwausowala, ta sipa'ala, ta ma idi 'amayaba 'Inapwana 'ena, ta Yaluyaluwa Tabuna 'ina 'ita'i'ita 'enega 'adi boda 'isinabwa.

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

Loma 8:29

'Enega yaisigedi 'abo'ada 'ibwauyeda ni'atu 'iona upaupaeda be 'aene natunao, 'abo'ada tuga nadigega Natunana, 'enega tauna 'ada tomatuwa, ta 'abo'ada 'ana pwedeuyao.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

2 Kolinita 5:5

Gete maibo'ana Yaubada 'igibubuna be 'i'ebwa'eda ta we'iwe'iyaya 'i'ebwa'eda be 'enega 'ana 'ai'aila tamwalamwalatoni, nate Yaluyaluwa Tabuna.

2 Kolinita 9:8

Ta Yaubada nina sawesawenaya be oboboma maibo'ana 'ida 'etosiwa 'emiya, be tuta yauyauna yage maibo'ana sawesawemiya ma 'ana tupwa sinabwana 'ebwayadaita manudi.

Galetia 6:15

Ona'ai'aila, lodaba nigeya yage sinabwana, ta wate 'eguma nigeya taguiguinuwe nate nigeya yage sinabwana. Yage sinabwana 'ebweuna namo, 'eguma Yaubada yaluyaluwana 'igie auwauda.

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

Epeso 1:4

Manuna lowaenei 'etamo bale'u nigeya 'imwelumwelului, ta 'igimi esinuweda be 'aene taeboda 'ebweu Keliso ma'edai, be Yaubada nina matanaya adelida 'esaseda, ta nigeya 'ada 'ebe e'ewamo.

Epeso 2:13

Lowa wamiya 'edasolaya, ta gete tuga Keliso lalanega 'i'au'ewemi selabenaya.

Epeso 2:15

Tauna oona 'ana loemwawasa 'enega Mosese 'ina 'etobodao maibo'adi 'ikweudi, ga tauna 'iegogoneda be taeboda 'ebweuna tauna ma'edai, ta nigeya nadigega lowa boda 'eluwa simiyami, ta gete tuga tamiya siwalowa,

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

Epeso 2:6

ta wate Keliso ma'edai, 'igilagasida, ga 'ebemiya galewaya Yesu Keliso 'enega 'i'ebwa'eda, tauna Yaubada nina ma'edai.

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

Epeso 4:24

be 'enega bubuna auwauna wa'ewa, Yaubada 'ina bubuna nadigega, manuna tauna 'atedaya bubuna bobo'ana ta 'esasena 'isa'una.

Pilipai 1:6

Wate ma igu emisa 'aene Yaubada 'ina guinuwa bobo'adi ni'atu 'emiya 'ie'alena be tauna 'ida losaloni, ma'etamo Yesu Keliso 'ina 'asiyata sinabwana 'enaya.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

Kolose 3:10

ta bubuna auwauna walobena, manuna Tomweluluwa nina tuta maibo'ana 'igiegie auwaumi, be 'aene tauna wada mwalamwalatoni be 'ina bubuna wada etotowane.

2 Tesalonaika 2:17

Tauna Yaubada be 'ida 'Inapwana Yesu Keliso sida giegwausowalimi, ta sida giewaiwaiyemi, be wada gwaunuwa 'imi paisewa 'ediya, ta tuta maibo'ana 'imi onao sida bobo'ana.

1 Timoti 5:10

ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

1 Timoti 5:25

Nadigega wate guinuwa bobo'ana 'aidi miyamiya apwesadi, ta 'aidi ma'etamo be sida loapwesedi, manuna nigeya sawesawenaya simiya kwaiya.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

2 Timoti 2:21

Ta 'enega nadigega 'abo yaita 'ina bubuna to'umalina 'ediyega tauna 'igie'esasa lima, tauna 'ida egaeba bobo'ana, be 'ina 'inapwana 'ida aseye 'ina guinuwa bobo'adi manudi.

2 Timoti 3:17

Yaubada 'ina guinuwao manudi. Manuna Buki Tabu 'ina onao 'ediyega Yaubada 'igibubuda, be sawesawedaya 'ina guinuwao yaudi bobo'adi taguinuwedi.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Taito 2:7

Ta 'oyo 'imu bubuna maibo'ana 'ediyega tomota 'ue'itadi be taudi wate sida bubuna bobo'ana, ta ona 'ai'ailega 'ue'ita, be 'enega 'imu bubuna 'imu e'ita 'ilobwene,

Taito 3:1

Wate 'uemataluwedi be 'aene 'asa 'ana toloinao 'idi loina 'ediya sida tagwaledi, be siematamatanedi, be guinuwa bobo'adi sida guinuwedi.

Taito 3:14

Ta 'ida bodao maibo'adi 'ue'itadi be sida gwaunuwa, 'enega sawesawediya tomiyamwau silemedi, ta geya'abo simiyamiya daidaita.

Taito 3:8

Ona gete maibo'adi ona 'ai'aila, 'enega 'uewaiwai 'adi loguguya 'ena, be 'enega taudi Yaubada 'ana toemisao ona nidi sida muliyedi be guinuwa bobo'adi sida guinuwedi. Gete yage bobo'ana ta tomota 'adi 'ebe lema.

Ibeliu 10:24

'Ilobweneda wate be tauda tada elemalema be tada eobooboboma 'ai'aila be wate paisewa bobo'adi tada guinuwedi.

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

1 Yoni 2:6

'Enega 'eguma yaita 'oyo 'ugwae, “'Abo'agu Yaubada gosiyagu ta ma'iyagu 'amiyami,” 'ilobwene 'ai'ailiyo be 'uda bubuna nadigega Yesu 'ina bubuna.