E'ita'ita 9:20 - Loina Tabu Auwauna NT

²⁰ Ta tomota nidi maibo'adi, taudi nigeya siesiesilae yage nidi to'umalidi 'ediyega, nigeya sinuwanuwa'ebuni be 'aene 'idi 'ebe emisa kabokaboyao sida guitoyasedi, ta esi sigiyai pa'alidi ga sibwagobwago 'ediya. Yage nidi nadigega Taumudumudulele be welabanao, be wate yage nidi taudimo nimadiyega siguinuwedi, nadigega tokwaluiyao nate goula be siliba be kopa be gulewa be kaiwe be. 'Ebe emisa nidi getedi nigeya sawesawediya be sidudune nai sienono nai silopili dadana.

E'ita'ita 9:20 Σταυροειδείς Αναφορές

Madiu 21:32

Manuna lowa Yoni 'eda palupaluna 'ie'itemi ta 'omi nigeya waemiemise, ta esi takisi 'ana to'ewao siemisena. Ta matamiyega wate wa'itena sinuwanuwa 'ebuni, ta 'omi sa'i nigeya wada nuwa'ebuni nai wada emisena, aga?”

Guinuwa 17:29

“'Enega geya'abo tanuwena 'aene Tamadai nina 'atuwa tokwalui, nate tomota 'idi nuwenuwega be goula nai siliba nai gulewa 'ediyega sibubuna.

Guinuwa 19:26

ta Paulo sa'i ni'atu tomota yaudi 'i'i'imidi ga 'igienuwa 'ebuniyedi, ta 'ionaona 'aene yaubadao tomota nimadiyega si'abidi nigeya Yaubada 'ai'ailao, ta gete nigeya Epeso namo 'enaya, ta sa'i sena yaudi Esia soladiya wate, ga 'omi ni'atu wanonona ta wa'itena Paulo nina 'ina guinuwa, aga?

Guinuwa 7:41

'Enega 'idi 'ebe bwagobwago tokwalui bulumakau sibubuna, ga 'enaya sitaliya, ta manuna sigwausowala sinabwana.

2 Kolinita 12:21

'Igu 'atesa'ala nina 'aene 'abo yawai limana 'emiya be 'ebe omayamaya Yaubada 'i'ebwa'egu matamiya, be taudi lowa siloegesi, ta 'idi bubuna baibailidi be loelata be sogala 'ediyega nigeya sinuwanuwa 'ebuni, taudi sida gienuwa mwaugu be manudi yada dedoi.

1 Timoti 4:1

Yaluyaluwa Tabuna ni'atu 'isimana apwesa 'aene ma'etamo tuta 'ana 'ebe losalowa 'enaya 'aina tomota tapwalolo sida guitoyase, be yaluyaluwa to'umalidi be Taumudumudulele 'idi e'ita kabokaboyao sinonodi.

E'ita'ita 15:1

'Enega 'ebweu wate 'ebe nuwaowana sinabwana galewaya ya'itena, nate anilose sebeni, ma idi edeedede to'umalidi 'adi yau sebeni. Ta mwau nidi sebeni nate Yaubada 'ina gamwasowala 'ana 'ebe losalowa.

E'ita'ita 16:8

'Enega anilose eatana 'ina keiga 'i'ewena ga sinala 'ena 'isiwena, ga sinala 'ina waiwai 'iloeposeyanena ga sawesawenaya be tomota 'i'alasidi.

E'ita'ita 9:19

Manuna osi nidi 'idi waiwai 'awadiya be yuyudiya simiyami, ta yuyudi nidi 'atuwa mwata ma'awadi, ta 'ediyega tomota sigie'elouyaedi.

E'ita'ita 9:21

Ta wate tomotai nidi getedi nigeya sinuwanuwa'ebuni loemwawasa be nabwasuwa be loelata be 'ipwala 'ediyega, ta sa'i debadi 'ipa'ala.