E'ita'ita 9:17 - Loina Tabu Auwauna NT

¹⁷ Ta gete nadigega madawaliguna 'ena osi nidi ya'itedi, ta 'adi togeluyao nidi ma 'adi 'aubodaboda lumalumadiya sisa'udiya, 'aidi bweyabweyalidi ta 'aidi kalakalawidi ta 'aidi laulaudi. Ta osi nidi bulubuludi 'atuwa laiyoni bulubuludi, ta kaiwe sabelulu be 'asu be gulewa yaiyaidi 'awadiyega siapweapwesa.

E'ita'ita 9:17 Σταυροειδείς Αναφορές

E'ita'ita 11:5

Ta 'eguma yaita 'itoo be 'ietalauwala tosimana nidi 'ediya, 'awe sabelulu 'awadiyega 'iapwesa be 'adi talauwala nina 'igieto'umaliye, be gete 'enega 'adi talauwalao siloemwawasidi.

E'ita'ita 14:10

taudi Yaubada 'ina oine waiwaina 'enega sinunuma, ta oine nina nate Yaubada 'ina gamwasowala 'ai'aila ni'atu 'isiwena gamwasowala keigana 'enaya. Ta wate kaiwe yaiyai be gulewa yaiyaidi tomota nidi bwaladiya sida lotoona, Yaubada 'ina aniloseyao be Lami matadiya.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

E'ita'ita 20:10

'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.

E'ita'ita 21:20

'autui nugana 'ana iyala 'ebweu gulewa esaesa wakewakekena, 'eluwena 'ana iyala gulewa 'ana 'ita ni'u gaigai nadigega, 'etonina kalakalawina, eatana bweyabweyalina, enimana yomwayomwalina, bulabulana ta gaigaina, esikisina wate bweyabweyalina, esebenina laulauna, ta e'eitana kalakalawina, enaenina wate laulauna, esanauna kalakalawina, elebenina wate ni'u gaigai nadigega, ta etuwelona gaigaina, ginausa nadigega.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 9:18

Boda 'etoi nidi bale'uya 'ediyega, boda 'ebweu siloemwawasidi, gete yage 'etoi nidi 'ediyega, nate kaiwe sabelulu be 'asu be gulewa yaiyaidi, ta boda 'eluwa simiyami.

E'ita'ita 9:9

Ta lumalumadi si'aubodedi 'ana 'ita 'atuwa kainumu 'ediyega. Ta papediyao 'idi dudu 'atuwa osi ma idi wagalisilisi sipilipili saiya 'enaya.