E'ita'ita 9:11 - Loina Tabu Auwauna NT

¹¹ Ta wate ma idi toloina, tauna anilose nina gaula nina 'ana to'ita'i'ita, 'ana esana Ibeliu 'enadiyega sigwae, “Abadoni,” ta 'ena Gilisi sigwae “Apoloni,” ta 'adi gibui nate “Toepe'u.”

E'ita'ita 9:11 Σταυροειδείς Αναφορές

Luke 8:31

Ta yaluyaluwa nidi 'enadi Yesu 'enaya sisida waiwai sigwae, “Geya'abo 'uulaula mwa'utema gaula 'ebe esilae 'enaya,

Yoni 12:31

Tuta gete ni'atu 'imai saba be toto'umalidi bale'uya simiyami Yaubada 'ida loinedi, ta wate bale'u gete 'ana toloina to'umalina 'ida ula apwese.

Yoni 14:30

“Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

Yoni 16:11

Ta wate tauna bwa'omatana 'ida e'itami 'aene ni'atu bwa'omatana 'imai saba bale'uya, manuna bale'u 'ana toloina nina 'ina guinuwa to'umalina 'enega 'ana bwa'omatana 'ilobena.

Yoni 5:2

Ta Yelusalema 'ena nate sipi 'idi 'awa selabenaya 'ebweu bwasi ni'uni'una 'imiyami. Bwasi nina me Yudia 'enadiyega sieesena Beteseida. Ta sena nina 'ena anuwa 'ebe eyawai'ata nima simiyami bwasi tupitupinaya.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

1 Yoni 4:4

Natugwao, 'omi Yaubada 'enega watubuwama, 'enega mali yaluyaluwa nidi ni'atu waewaiwai sinedi, manuna Yaluyaluwa nina 'edaya 'imiyami Toewaiwai sana, ta yaluyaluwa nina me bale'u 'ediya 'imiyami 'ina waiwai nigeya sinabwana.

1 Yoni 5:19

Ta wate 'abo'ada tamwalamwalatoni 'aene Yaubada 'ienatuneda, ta sa'i bale'u bubunina 'ana tomuliyao yauyaudi toto'umalina nina 'ina bodao.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 16:16

'Enega yaluyaluwa nidi kiniyao ma idi bodao siegogonedima 'ebweu esena, 'ena Ibeliuyega sigwae “Amagedoni”, 'enaya.