E'ita'ita 6:4 - Loina Tabu Auwauna NT

⁴ 'Enega 'ebweu osi bweyabweyalina 'iapwesama, ta 'ana togelu nina waiwai si'ebwa'ena be saiya 'ida me'e bale'uya, be 'enega tomota maibo'adi taudimo sida losaiya be sida eunuunuwedi, ta wate sisisaiya sinabwana si'ebwa'ena.

E'ita'ita 6:4 Σταυροειδείς Αναφορές

Madiu 10:34

“Geya'abo wanuwena 'aene 'igu mai bale'uya 'enega nuwasiwalowa waloba. Nigeya sa'i, ta losaiya esiya.

Madiu 24:6

Wate ale 'etamo wanonodi saiyao selabemiya ta 'edasolaya manudi, ta geya'abo wa'ate'ate sa'ala, manuna yage getedi sida apwesa nugana ta esi bale'u 'ana 'ebe losalowa 'ana tuta ma'etamo.

Yoni 19:11

Ta Yesu 'igwae, “Nigeya 'ebweu wate 'imu loina 'eguya 'imiyami 'abo nigeya Yaubada 'emuya 'itagwatagwala. Ta 'uda mwalatoni 'aene tai nina 'itagwalegu 'imu loina 'enaya, tauna 'ina to'umalina sinabwa wawasae, ta 'oyo tupwana.”

E'ita'ita 12:3

Wate 'ebweu 'ebe nuwaowana galewaya 'iapwesa, nate yobai bweyabweyalina ta sinabwana, ta bulubulunao 'adi yau sebeni be kunanao 'adi yau sanau, ta bulubulunao 'ediya peyaula esaesa simiyami.

E'ita'ita 13:10

manuna “'Abo yaita sigiyai, sida giyai tuga, ta wate yaita 'abo sisisaiya 'enega siloemwawasi, sida loemwawasa tuga.” Ona gete 'enega Yaubada 'ina tomotaiyao sida toolopa'ala be sida etapewa waiwai.

E'ita'ita 17:3

Ga Yaluyaluwa Tabuna 'enega yalotoogu 'atuwa anilose nina 'i'au'ewegu sena mwatui daitaya, ga waine 'ebweuna ya'itena yobai bweyabweyalina 'igeluna, ta yobai nina bwalana maibo'ana 'enaya esana to'umalidi si'etoladidi, ta bulubuluna 'adi yau sebeni, be kunanao 'adi yau sanau.

E'ita'ita 17:6

Ta waine nina ya'itena, ni'atu Yaubada 'ina tomotaiyao be Yesu 'ana tosimanao laladi 'inumena, ga 'enega 'iekabaleya, ga nuwagu 'iowana waine nina 'ana 'ita manuna.