E'ita'ita 6:11 - Loina Tabu Auwauna NT

¹¹ 'Enega yaluyaluwa nidi 'adi 'oamao wakewakekedi 'i'ebwa'edi, ga 'ieonedi be tuta gidalina namo sida eyawai'ata, 'ana laba 'aidi wate gosediyao me bale'u sida loemwawasidi, nadigega tuga lowa taudi siloemwawasidi Yaubada 'ina guinuwa manuna, be 'enega 'abo 'adi sawasawa ni'atu sawesawenaya, 'enega Yaubada me bale'u nidi 'ida loinedi.

E'ita'ita 6:11 Σταυροειδείς Αναφορές

Madiu 10:21

“Ta wate tuta simeemai 'ediya tomota 'idi susu solanaya losaiya 'ida apwesa manugu, nate tai tasina 'isipupuyei be siloemwawasi. Nadigega wate tamana natuna 'ida sipupuyei be siloemwawasi. Wate gogama sinadiyao be tamadiyao sida etalauwaledi be siloemwawasidi.

Luke 15:22

Ta esi tamanana 'ina 'ali'eiyao 'ibwauyedi ga 'ediya 'igwae, ‘Walomanini be 'oama bobo'ai'ailina wame'e be natugu wae'ote, ta wate nimapasapasa wame'e be nimanaya wasa'u, ta wate 'aelawa 'aenaya wasa'u,

Yoni 16:2

Manuna ma'etamo anuwa tapwaloloega sipa'imi, ta wate ma'etamo tuta 'imeemai be 'abo yaita 'ida loemwawasimi, tauna 'inuwanuwa 'aene gete Yaubada 'ina 'ebe gwausowala.

Guinuwa 20:24

“Ta nigeya sa'i yawasigu manuna yada nuwanuwa be yaegagalena. Nate namo 'igu 'eda, nai 'igu paisewa nina, 'Inapwana Yesu 'i'ebwa'eguya manuna yanuwanuwa be 'aene yada losaloni, nate 'ada oboboma Yaubada 'enega 'ana simana.

2 Tesalonaika 1:7

'Omi tomiyamwau yaeonami 'aene ma'etamo 'ida 'Inapwana Yesu galewega 'ida mwa'uta maninima, ma ina aniloseyao ta 'awe sabelulu wate 'ida me'e, be 'omi ta 'abo'ama 'ida 'ebe eyawai'ata 'ida 'ebwa'eda,

2 Timoti 4:7

Ni'atu Yaubada manuna yalosaiya, ta 'igu epili ni'atu yalosalonina, ta tuta maibo'ana ma igu emisa Keliso 'ena.

Ibeliu 11:40

manuna 'ebe gwausowala manuda Yaubada 'igimi simanena, be 'aene taudi ma'etamo ma'edao tada miya bobo'ana.

Ibeliu 12:23

ta wate wamai tomota nidi Yaubada 'i'awa natunedi ga 'adi esanao galewaya 'i'etoladidi 'ediya, ta wate tauna 'abo'ada be yage maibo'ana 'ada toloina, nate Yaubada 'ena, ta wate taudi yaluyaluwadi Yaubada 'igiepaepaluyedi 'ediya,

Ibeliu 4:10

'Enega 'eguma talobai, tauda 'ida paisewega taeyawai'ata, nadigega Yaubada lowa 'ina paisewega 'ieyawai'ata'esa.

E'ita'ita 10:6

ga 'isawa tamatamana Yaubada 'ana esanega, tauna miyamiya atayana, ta wate tauna galewa ta yage maibo'adi solanaya, ta wate bale'u ta yage maibo'adi solanaya, ta wate ola be yage maibo'adi solanaya, 'adi tomweluluwa. Ta anilose nina 'igwae, “Ni'atu tuta 'iapwesama,

E'ita'ita 13:15

'Enega sibubunaya ta yobai nina auwauna ma ina loina, 'enega tokwalui nina yawasina 'i'ebwa'ena ga sawesawenaya 'iona, 'enega 'iloina 'aene 'abo tomota nigeya 'ena sibwagobwago, mwawasa sida loba.

E'ita'ita 14:13

'Enega galewega 'enana yanonona 'igwae, “Gete 'u'etoladi 'aene taudi 'ida 'Inapwana 'ana toemisao, 'abo ma'etamo simwamwawasa, sida gwausowala tuga.” Ta Yaluyaluwa Tabuna wate 'igwae, “Ona'ai'aila, sida gwausowala, manuna sida eyawai'ata 'idi gwaunuwa 'enega, be 'ana e'isa sida loba.”

E'ita'ita 17:6

Ta waine nina ya'itena, ni'atu Yaubada 'ina tomotaiyao be Yesu 'ana tosimanao laladi 'inumena, ga 'enega 'iekabaleya, ga nuwagu 'iowana waine nina 'ana 'ita manuna.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.

E'ita'ita 7:9

Muliyega, yadunedune ga pwalu sinabwa wawasae ya'itedi, nigeya aisawa. Tomota nidi 'ebeloina 'ebweuna 'ebweuna 'ediyega, be susu 'ebweuna 'ebweuna 'ediyega be boda 'ebweuna 'ebweuna 'ediyega be 'enana 'ebweuna 'ebweuna 'ediyega, maibo'adi 'ebemi esaesa matanaya be wate Lami matanaya sitootoolo ma 'adi 'oama wakewakekedi, ta magimagi yawadi sigiyaidi,