E'ita'ita 5:5 - Loina Tabu Auwauna NT

⁵ 'Enega 'inapwanao nidi 'ediyega 'ebweuna 'eguya 'igwae, “Geya'abo 'udeedoi, manuna laiyoni nina Yudia 'enega, tauna Debida 'ina susuyega ni'atu 'iewaiwai, ga tauna sawesawenaya be losipwa sebeni nidi 'ili'amidi be pwepwai nina 'ida neyasi.”

E'ita'ita 5:5 Σταυροειδείς Αναφορές

Luke 23:28

Ta Yesu 'isanaila ga iine nidi 'ieonedi, “'Omi Yelusalema iinediyao, geya'abo manugu wadedo, ta 'omi taumi manumi be natumiyao manudi wada dedoi,

Luke 7:13

Gote 'ena Yesu kwabula nina 'i'itena ga 'i'atenuwa 'ole'oleyena ga 'ieonena, “Geya'abo 'udedo.”

Luke 8:52

Ta boda anuwaya 'etamo tuga sidedoi ta wate si'ewabamu gwama manuna. 'Enega Yesu 'i'etobodedi, 'igwae, “Tuwa! Dedoi walosa'u. Manuna gwama nigeya 'imwawamwawasa, ta esi 'i'eno mwataya tuga.”

Yoni 20:13

'Enega siteluwa nidi Meli sieonena, sigwae, “To'ase manuna 'udedoi?” Ga 'ieonedi, “'Igu 'Inapwana 'ali'aliyega si'ewa apwesena ga nigeya yamwalamwalatoni mane 'ena sisa'una.”

Loma 1:3

Tetela nina Yaubada natuna Yesu Keliso manuna. Tauna 'ietomotai Debida 'ina susu 'enega,

Loma 15:12

Wate nadigega Aisea 'ina buki 'ena 'igwae, “'Iabe Desi 'ina boda 'enega 'ebweu tai 'imama be sena maibo'ana 'ediya 'ietoloina, be taudi nigeya me Yudia sida emise 'aene tauna 'ida 'etoseyedi.”

Ibeliu 7:14

ta esi Yuda 'ina susu 'enega 'imai, taudi nigeya esinuwa silobaloba Mosese 'enega be sietotaliya.

E'ita'ita 1:1

Buki gete 'enaya Yesu Keliso 'ina e'ita tetelina, Yaubada 'i'ebwa'ena be 'aene Yesu 'ida e'itae 'ina toguinuwao 'ediya be sida mwalatoni to'ase 'iabe 'iapwesama. Gete e'ita nina Yesu Keliso 'ina anilose 'ietunena, be 'ina 'ali'ei Yoni 'enaya 'ida simana.

E'ita'ita 22:16

“'Abo'agu Yesu, ta 'igu anilose ni'atu yaetunenawa 'emiya, be yage getedi 'ida simanedi toekalesiyao 'emiya. 'Abo'agu Debida 'ina susuyega, ta 'abo'agu wate 'ubwana nina tuyayaligu.”

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.

E'ita'ita 4:10

Ta tuta yauyauna 'abo yobai getedi siwaliwali, 'inapwanao site tuweniti powa nidi sibe'ube'u sanamwa'uta Tauna miyamiya atayana 'ina 'ebemi esaesa matanaya, ta sibwagobwago 'enaya. Ta 'adi peyaula goula 'ebemi esaesa matanaya sisa'u ebusiyedi, ga sigwaegwae:

E'ita'ita 4:4

Ta 'ebemi esaesa wate 'adi yau tuweniti powa simiya sakowasiyena, ta 'ebemiya nidi 'ediya 'inapwanao site tuweniti powa simiyatowa ma 'adi 'oama wakewakekedi, ta wate ma 'adi peyaula esaesa goula debadiya.

E'ita'ita 5:4

Ga yanuwamwau 'ai'aila ga yadedoi, manuna nigeya 'ebweu yaita silobaloba 'ana lobwene be buki nina 'igigege be solana 'ida 'ita.

E'ita'ita 6:1

'Enega lami nina ya'itena losipwa 'ebweu 'ili'amina, ga yobai nidi 'ediyega 'ebweu 'enana nadigega wepalala yanonona, 'igwae, “'Umai.”

E'ita'ita 7:13

'Enega 'inapwanao nidi 'ediyega 'ebweuna 'ienaida 'eguya, 'igwae, “Yaisigedi getedi ma 'adi 'oama wakewakekedi? Ta mane 'enega simai?”