E'ita'ita 5:12 - Loina Tabu Auwauna NT

¹² ta wate 'enadi sinabwana yanonona sigwaegwae, “Tauna lami nina siloemwawasina, sawesawenaya be loina be esaesa be mwalatoi be waiwai be 'amayaba be tupu ta wate 'awabobo'ana 'ida lobadi.”

E'ita'ita 5:12 Σταυροειδείς Αναφορές

Madiu 28:18

'Enega Yesu 'imai 'ediya ta 'ieonedi, 'igwae, “Tamagu loina maibo'ana galewaya ta bale'uya ni'atu 'i'ebwa'egu.

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Yoni 17:2

Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya.

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 19:1

Ga muliyega galala sinabwana galewega yanonona 'atuwa pwalu sinabwana 'enadi, sigwaegwae, “Yaubada tada tupui, tauna To'etoseyana ta Toesaesa ta Toewaiwai sana.

E'ita'ita 4:11

“'Oyo 'ima 'Inapwana ta 'ima Yaubada, 'ilobwenema be 'atupuyo ta 'a'amayabeyo, manuna 'oyo 'imu waiwaiyega yage yauyauna 'umweluluidi. Tauyo 'imu nuwenuwega 'umweluluidi, ga batuwa mayawasidi.”

E'ita'ita 5:13

Ta wate mwelumweluluwao 'ebweuna 'ebweuna galewaya be bale'uya be bale'u 'ubuninaya be olaya, ta wate mwelumweluluwao sena maibo'adi 'ediyega, yanonodi siwaliwali, sigwaegwae: “Tauna 'ebemi esaesa 'ena 'imiyatowa, be wate lami nina 'ediya, tada tuputupu be tada 'amayabedi be ta'awa 'ese'esedi, ta wate ta'awa toewaiwaiyedi, tuta maibo'ana 'ediya.”

E'ita'ita 5:6

Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.

E'ita'ita 5:8

'Enega ni'atu pwepwai nina 'i'ewena, ga yobai nidi be wate 'inapwanao nidi lami nina 'enaya sibe'u sanamwa'uta ga 'ena sibwagobwago, ta 'ebweuna 'ebweuna 'ediya ma idi 'ebe gwanegwane siguiguinuwa, ta wate ma idi gaeba goula ta bobo'adi, ga gala'u maina bobo'ana gaeba nidi soladiya sigabuna, ta 'ana mwalatoi nate Yaubada 'ina tomotaiyao 'idi sidasida situ'etu'e 'enaya.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

E'ita'ita 6:1

'Enega lami nina ya'itena losipwa 'ebweu 'ili'amina, ga yobai nidi 'ediyega 'ebweu 'enana nadigega wepalala yanonona, 'igwae, “'Umai.”

E'ita'ita 7:12

sigwaegwae, “Ona'ai'aila, 'ida Yaubada nina 'ena tada lotuputupu, be 'awa esaesa be mwalatoi be lokagutoki be 'amayaba be waiwai sida miyaataya 'enaya.”