E'ita'ita 4:8 - Loina Tabu Auwauna NT

⁸ Ta 'ebweuna 'ebweuna papediyao 'adi yau sikisi, ta papediyao nidi maibo'adi matadi wate yauna 'atamanega ta solanega. Ta tuta maibo'ana, 'asiyata be boiboi 'ediya, siwaliwali, sigwaegwae: “Tabu, tabu, tabu, 'Inapwana Yaubada, Toewaiwai sana. Tauna tuta lowa, ta batuwa ta tuta simeemai 'ediya 'imiyami.”

E'ita'ita 4:8 Σταυροειδείς Αναφορές

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

2 Kolinita 6:18

ta 'eguya wada 'awatamana, be 'omi natugwao me'olotomi ta natugwao mewainemi.’ Gete Yaubada Toewaiwai sana 'ina ona.”

1 Tesalonaika 2:9

Gosemao, wanuwa'i'isi lowa 'ima paisewa 'emiya, 'asiyata be boiboi 'ediya 'apaipaisewa sinabwana, ga 'enega taumamo 'ae'enima, ta wate Yaubada tetelina 'asimanena 'emiya, manuna geya nuwama 'ami mwau 'asa'u 'ama 'ita'i'ita manuna.

1 Timoti 4:16

Timoti, 'u'ita'i'isiyo, tuta maibo'ana 'ena 'uda guinuwa bobo'ana, be 'uda e'ita 'ai'aila, be 'enega Yaubada 'oyo ta ma imu toenonoyao, 'i'etoseyemi.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

Ibeliu 13:8

Yesu Keliso 'ina bubuna 'enega lowaenei ga batuwa be tuta 'imeemai 'ediya nigeya 'ida giedumedumena.

E'ita'ita 1:4

'Abo'agu Yoni 'imi leta ya'etoladinawa ekalesiyao 'ami yau sebeni Esia solanaya. Oboboma be nuwasiwalowa 'emiya, Yaubada 'enega, be yaluyaluwa sebeni 'ediyega, ta Yesu Keliso 'enega. Tauna Yaubada nina lowaenei ga batuwa ta tuta simeemai 'ediya 'imiyami, ta yaluyaluwa nidi sebeni taudi Yaubada 'ina 'ebemi esaesa matanaya simiyami.

E'ita'ita 1:8

'Ida 'Inapwana 'igwae, “'Abo'agu 'ebe e'ale be 'ebe losalowa.” Tauna Yaubada nina Toewaiwai sana, ta lowaenei ga batuwa ta tuta simeemai 'ediya 'imiyami.

E'ita'ita 11:17

“'Ima 'Inapwana Yaubada Toewaiwai sayo, 'oyo 'umiyami batuwa, be tuta lowa 'ediya 'umiyami, 'alokagutoki 'emuya, manuna 'imu waiwai sinabwana 'ugieapwesena, 'enega 'ue'ale be 'uda loina.

E'ita'ita 14:11

Ta kaiwe nina 'asuna 'itu'etu'e ataya, ta nigeya 'ina 'ebe gumwalamo. Ta tomota nidi taudi yobai nina ma ina tokwalui 'adi tobwagobwagoyao, ta 'ana esana dayadayagina 'ana to'ewao, taudi 'idi 'elouya nigeya 'ida gumwala 'asiyata nai boiboi 'ediya.”

E'ita'ita 14:3

Ta tomotai nidi 'ebemi esaesa matanaya sitoolo, be wate yobai nidi ata, ta wate 'inapwanao nidi, matadiya sitoolo, ga wali auwauna siwaliyena. Ta wali nina nigeya 'ebweu yaita sawesawenaya be 'imwalatoni, nate namo taudi boda nidi wani analedi be potipowa tausani sawesawediya, taudi me bale'u, ta Yaubada 'igimwanedi ga 'i'etoseyedi.

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 15:7

'Enega yobai nidi ata 'ediyega 'ebweuna yobai keiga goula sebeni 'i'ewedi, ga anilose nidi sebeni 'i'ebwa'edi, ta keiga nidi soladiya Yaubada miyamiya atayana 'ina gamwasowala 'enega 'iloemaedi.

E'ita'ita 16:14

Yaluyaluwa 'etoi nidi nate Taumudumudulele na 'ali'eiyao, taudi 'ebe nuwaowanao siguinuwedi, ga taudi getedi sitauya ga kiniyao bale'u maibo'ana 'enaya, 'aene 'idi bodao sida egogonedima be taudimo 'ediya sida losaiya, nate Yaubada Toewaiwai sana 'ina 'asiyata 'ebe losalowa 'enaya.

E'ita'ita 16:7

Ta 'enana 'ebweuna wate yanonona 'ebe taliya 'enega, 'igwae, “'Inapwana ye, 'oyo Yaubada Toewaiwai sayo, 'imu loina gete bobo'adi ta palupaludi.”

E'ita'ita 19:15

Ta 'idi toanugana nina 'awanega sisisaiya mamatana 'iapweapwesa, tauna 'etamo sisisaiya nina 'enega sena yauyaudi 'iewaiwai sinedi be 'ediya 'ida loina pa'ala, be wate oine 'ebeida 'ena 'ida idadi, nate Yaubada Toewaiwai sana 'ina gamwasowala sinabwana.

E'ita'ita 19:4

'Enega 'inapwanao nidi site tuweniti powa be wate yobai nidi site ata sibe'u sanamwa'uta tauna Yaubada nina 'ebemi esaesa 'ena 'imiyatowa matanaya, ga 'ena sigwae, “Nadigega. 'Atupuyo!”

E'ita'ita 21:22

'Asa nina 'enaya nigeya Anuwa Tabu ya'ita'ita, manuna 'Inapwana Yaubada Toewaiwai sana be Lami taudi Anuwa Tabu nidi tuga.

E'ita'ita 3:7

Anilose nina totapwaloloyao Piladelipia 'ena 'i'ita'ita'i'isidi 'ina leta 'uda 'etoladi Me Piladelipia nidi manudi, be 'uda gwae: Ale gete 'imai tauna 'esasena ta palupaluna 'enega, ta wate tauna Debida 'ina 'ebe gigege nimanaya 'igiyagiyai, ta 'abo 'awa 'igigege nigeya 'ebweu yaita sawesawenaya be 'igibode, ta wate 'abo 'igibode geya'abo 'ebweu yaita 'igigegigege.

E'ita'ita 4:4

Ta 'ebemi esaesa wate 'adi yau tuweniti powa simiya sakowasiyena, ta 'ebemiya nidi 'ediya 'inapwanao site tuweniti powa simiyatowa ma 'adi 'oama wakewakekedi, ta wate ma 'adi peyaula esaesa goula debadiya.

E'ita'ita 4:6

Ta 'ebemi esaesa nina matanaya 'ebweu yage 'inamanamala 'atuwa siwalowa bobo'ana ola debanaya, 'ana 'ita 'atuwa gelasi nadigega. Ta wate 'ebemi esaesa nina selabenaya yobai ata sitoolo sakowasiyena, ta bwaladi maibo'ana 'ediya matadi simiyamiya.

E'ita'ita 4:9

Tomiya ataya nina 'ina 'ebemi esaesa 'enaya 'imiyatowa, ta tuta yauyauna yobai nidi getedi siwaliwali tuputupu ta si'awa'awa esaesa, ta wate silokalokagutoki 'enaya.

E'ita'ita 5:6

Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.

E'ita'ita 6:1

'Enega lami nina ya'itena losipwa 'ebweu 'ili'amina, ga yobai nidi 'ediyega 'ebweu 'enana nadigega wepalala yanonona, 'igwae, “'Umai.”

E'ita'ita 6:6

Ga 'ebweu 'atuwa 'enana yobai nidi ata gamwagamwanidiyega yanonona, 'igwae, “Witi 'ana 'etopwapwa 'ebweuna 'ana maisa 'ebweuna kina, ta wate ba'ali 'ana 'etopwapwa 'etoi 'ana maisa 'ebweu kina, ta esi olibe bunamina be oine geya'abo wagitogitoodi.”

E'ita'ita 7:11

Ga aniloseyao nidi 'ebemi esaesa nina be wate 'inapwanao nidi be yobai nidi ata sitoolo sakowasiyedi, ga maibo'adi sibe'u sanamwa'uta ga Yaubada 'ena sibwagobwago,

E'ita'ita 7:15

Nate 'alena 'enega Yaubada 'ina 'ebemi esaesa matanaya simiyami, ta 'asiyata be boiboi 'ediya 'ina guinuwao siguiguinuwedi 'ina Anuwa Tabu solanaya. Ta wate Yaubada nina 'ina 'ebemi esaesa 'ena 'imiyatowa, tauna 'ida 'ita'i'isidi,