E'ita'ita 4:4 - Loina Tabu Auwauna NT

⁴ Ta 'ebemi esaesa wate 'adi yau tuweniti powa simiya sakowasiyena, ta 'ebemiya nidi 'ediya 'inapwanao site tuweniti powa simiyatowa ma 'adi 'oama wakewakekedi, ta wate ma 'adi peyaula esaesa goula debadiya.

E'ita'ita 4:4 Σταυροειδείς Αναφορές

Madiu 19:28

Ta Yesu 'ieonedi, “Ona'ai'aila, ma'etamo bale'u 'ana gieauwau 'enaya 'abo'agu Tomota Natuna 'igu 'ebemi esaesa 'ena yada miyatowa, ta wate 'omi 'igu tononoyao wate tuwelo 'imi 'ebemiya tuwelo 'ediya wate wamiyatowa be me Isileli 'idi susuyao tuwelo wada loinedi.

Luke 22:30

be 'enega 'omi 'igu 'ebeloina 'enaya ma'egwao tada 'e'ai be tanunuma, be wate 'ebemi esaesa 'ediya wamiyatowa be me Isileli 'idi susuyao tuwelo wada loinedi.”

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

E'ita'ita 11:16

Ta 'inapwanao nidi site tuweniti powa Yaubada matanaya simiyatowa 'idi 'ebemi esaesa 'ediya, taudi sibe'u sanamwa'uta ga 'enaya silotuputupu, sigwaegwae:

E'ita'ita 14:3

Ta tomotai nidi 'ebemi esaesa matanaya sitoolo, be wate yobai nidi ata, ta wate 'inapwanao nidi, matadiya sitoolo, ga wali auwauna siwaliyena. Ta wali nina nigeya 'ebweu yaita sawesawenaya be 'imwalatoni, nate namo taudi boda nidi wani analedi be potipowa tausani sawesawediya, taudi me bale'u, ta Yaubada 'igimwanedi ga 'i'etoseyedi.

E'ita'ita 19:14

Ta galewa 'ana tolosaiyao 'idi osi wate wakewakekedi sigeludi, ga simuliyena, ma 'adi 'oama wakewakekedi, ta 'esasedi.

E'ita'ita 19:4

'Enega 'inapwanao nidi site tuweniti powa be wate yobai nidi site ata sibe'u sanamwa'uta tauna Yaubada nina 'ebemi esaesa 'ena 'imiyatowa matanaya, ga 'ena sigwae, “Nadigega. 'Atupuyo!”

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.

E'ita'ita 20:4

Ta wate 'aina 'ebemi esaesa ya'itedi, ga 'ediya taudi Yaubada loina 'i'ebwa'ediya simiyatowa. Ta wate tomota nidi 'otodi si'upwedi, manuna taudi Yesu 'ana tosimanao ta Yaubada 'ina ona 'ana tosimanao, yaluyaluwadi ya'itedi, taudi nigeya yobai nina be 'ina tokwalui 'ediya sida bwagobwago, ta nigeya wate 'ana we'iwe'iyaya debadiya be nimadiya sisa'usa'udi. Taudi getedi mwawasega ni'atu sitoolo, ta Keliso ma'edi siloiloina yakwala tausani 'ediya,

E'ita'ita 3:18

'Enega yaemataluwemi be 'eguyega goula 'ai'aila wada gimwane be 'enega wada eesaesa, ta wate 'oama wakewakekedi wada gimwanedi be wada 'otedi ta geya'abo mabubugewami watautauya, ta wate mulamula wada gimwane be matamiya wada sa'udi be 'enega matami sida 'esasa.

E'ita'ita 4:10

Ta tuta yauyauna 'abo yobai getedi siwaliwali, 'inapwanao site tuweniti powa nidi sibe'ube'u sanamwa'uta Tauna miyamiya atayana 'ina 'ebemi esaesa matanaya, ta sibwagobwago 'enaya. Ta 'adi peyaula goula 'ebemi esaesa matanaya sisa'u ebusiyedi, ga sigwaegwae:

E'ita'ita 4:6

Ta 'ebemi esaesa nina matanaya 'ebweu yage 'inamanamala 'atuwa siwalowa bobo'ana ola debanaya, 'ana 'ita 'atuwa gelasi nadigega. Ta wate 'ebemi esaesa nina selabenaya yobai ata sitoolo sakowasiyena, ta bwaladi maibo'ana 'ediya matadi simiyamiya.

E'ita'ita 5:11

Ta wate aniloseyao yau wawasae ya'itedi, nigeya aisawa, 'ebemi esaesa nina be yobai nidi ta wate 'inapwanao nidi sitoolo sakowasiyedi,

E'ita'ita 5:14

'Enega yobai nidi site ata sigwae, “Nadigega,” ta wate 'inapwanao nidi sibe'u sanamwa'uta, ga sibwagobwago.

E'ita'ita 5:6

Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.

E'ita'ita 5:8

'Enega ni'atu pwepwai nina 'i'ewena, ga yobai nidi be wate 'inapwanao nidi lami nina 'enaya sibe'u sanamwa'uta ga 'ena sibwagobwago, ta 'ebweuna 'ebweuna 'ediya ma idi 'ebe gwanegwane siguiguinuwa, ta wate ma idi gaeba goula ta bobo'adi, ga gala'u maina bobo'ana gaeba nidi soladiya sigabuna, ta 'ana mwalatoi nate Yaubada 'ina tomotaiyao 'idi sidasida situ'etu'e 'enaya.

E'ita'ita 6:11

'Enega yaluyaluwa nidi 'adi 'oamao wakewakekedi 'i'ebwa'edi, ga 'ieonedi be tuta gidalina namo sida eyawai'ata, 'ana laba 'aidi wate gosediyao me bale'u sida loemwawasidi, nadigega tuga lowa taudi siloemwawasidi Yaubada 'ina guinuwa manuna, be 'enega 'abo 'adi sawasawa ni'atu sawesawenaya, 'enega Yaubada me bale'u nidi 'ida loinedi.

E'ita'ita 7:11

Ga aniloseyao nidi 'ebemi esaesa nina be wate 'inapwanao nidi be yobai nidi ata sitoolo sakowasiyedi, ga maibo'adi sibe'u sanamwa'uta ga Yaubada 'ena sibwagobwago,

E'ita'ita 7:9

Muliyega, yadunedune ga pwalu sinabwa wawasae ya'itedi, nigeya aisawa. Tomota nidi 'ebeloina 'ebweuna 'ebweuna 'ediyega, be susu 'ebweuna 'ebweuna 'ediyega be boda 'ebweuna 'ebweuna 'ediyega be 'enana 'ebweuna 'ebweuna 'ediyega, maibo'adi 'ebemi esaesa matanaya be wate Lami matanaya sitootoolo ma 'adi 'oama wakewakekedi, ta magimagi yawadi sigiyaidi,

E'ita'ita 9:7

Ta kipawa nidi 'adi 'ita 'atuwa osi ni'atu sigibubudi saiya manuna, ta debadiya 'atuwa peyaula esaesa sisa'udi, ta maninidi 'atuwa tomota maninidi,