E'ita'ita 4:11 - Loina Tabu Auwauna NT

¹¹ “'Oyo 'ima 'Inapwana ta 'ima Yaubada, 'ilobwenema be 'atupuyo ta 'a'amayabeyo, manuna 'oyo 'imu waiwaiyega yage yauyauna 'umweluluidi. Tauyo 'imu nuwenuwega 'umweluluidi, ga batuwa mayawasidi.”

E'ita'ita 4:11 Σταυροειδείς Αναφορές

Guinuwa 14:15

“Gosemao, geya'abo 'abo'ama 'emaya watalitaliya. 'Abo'ama tomota tuga nadigega 'omi, ga tetela bobo'ana gete 'ame'ena 'emiya, be 'aene 'imi 'ebe emisa besobeso wada guitoyasedi be wada sanaila Yaubada mayawasina 'ena, tauna galewa be bale'u be bwagabwaga be wate yage maibo'adi soladiya 'adi tomweluluwa.

Guinuwa 17:24

Tauna bale'u maibo'ana ta yage yauyaudi 'enaya simiyami 'adi tomweluluwa, ta galewa be bale'u 'adi 'Inapwana. 'Enega nigeya anuwao tomota nimadiyega si'abi'abidi soladiya Yaubada nina 'ida miyami.

Loma 11:36

Manuna tauna yage maibo'ana 'adi tobubu, ga tauna wate 'ina waiwaiyega yage maibo'ana tauna manuna 'ibubudi. 'Enega Yaubada nina tada tupu atae. Eimeni.

Epeso 3:9

be wate tomota maibo'adi sida mwalatoni 'aene Yaubada tauna yage maibo'adi 'adi tomweluluwa, ta tuta dudulana 'ediya 'ina nuwanuwa 'ikwaiyena, ga ni'atu 'igieapwesena,

Ibeliu 1:10

Ta 'ebweu wate 'ina ona natunana 'ena 'igwae, “'Inapwana ye, tuta nugana 'ena bale'u 'umweluluina ta nimamuyega galewa 'uguinuwena.

Ibeliu 1:2

Ta 'ebe losalowa 'abo'ada 'ida tutaya, 'ina onao 'isimanedi 'edaya, natuna 'enega. Yaubada natunana 'iesinuwena, be yage maibo'adi 'ediya 'ietoloina, ta lowaenei natunana ma'iyana yage maibo'ana simweluluidi.

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

E'ita'ita 10:6

ga 'isawa tamatamana Yaubada 'ana esanega, tauna miyamiya atayana, ta wate tauna galewa ta yage maibo'adi solanaya, ta wate bale'u ta yage maibo'adi solanaya, ta wate ola be yage maibo'adi solanaya, 'adi tomweluluwa. Ta anilose nina 'igwae, “Ni'atu tuta 'iapwesama,

E'ita'ita 14:7

Ta anilose nina 'enana sinabwanega 'igwae, “Yaubada 'ena wada 'amayaba be wada lotuputupu, manuna 'ina tuta bwa'omatana ni'atu 'iapwesama, 'enega tauna galewa be bale'u be ola ta wate bwasi daudaudi 'adi tomweluluwa matanaya wa'aetulasa be wabwagobwago.”

E'ita'ita 19:1

Ga muliyega galala sinabwana galewega yanonona 'atuwa pwalu sinabwana 'enadi, sigwaegwae, “Yaubada tada tupui, tauna To'etoseyana ta Toesaesa ta Toewaiwai sana.

E'ita'ita 5:12

ta wate 'enadi sinabwana yanonona sigwaegwae, “Tauna lami nina siloemwawasina, sawesawenaya be loina be esaesa be mwalatoi be waiwai be 'amayaba be tupu ta wate 'awabobo'ana 'ida lobadi.”

E'ita'ita 5:2

Ta wate 'ebweu anilose waiwaina ya'itena, ta 'enana sinabwanega 'ibwaubwau, 'igwae, “Yaita sawesawenaya be losipwa nidi 'ida li'amidi be pwepwai 'ineyasi?”

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.