E'ita'ita 3:7 - Loina Tabu Auwauna NT

⁷ Anilose nina totapwaloloyao Piladelipia 'ena 'i'ita'ita'i'isidi 'ina leta 'uda 'etoladi Me Piladelipia nidi manudi, be 'uda gwae: Ale gete 'imai tauna 'esasena ta palupaluna 'enega, ta wate tauna Debida 'ina 'ebe gigege nimanaya 'igiyagiyai, ta 'abo 'awa 'igigege nigeya 'ebweu yaita sawesawenaya be 'igibode, ta wate 'abo 'igibode geya'abo 'ebweu yaita 'igigegigege.

E'ita'ita 3:7 Σταυροειδείς Αναφορές

Madiu 16:19

Ta wate 'ebeloina galewaya 'ana 'ebe gigege ya'ebwa'eyo, be to'ase bale'uya 'ugibode, galewaya wate sigibode, ta wate 'abo to'ase bale'uya 'ugigege, galewaya wate sigigege.”

Madiu 24:35

Ma'etamo galewa ta bale'u sisasawala, ta 'igu onao geya'abo sa'i sisawasawala.

Maki 1:24

'igwae, “Yesu, 'oyo goma Nasaleta, to'ase 'alena ga 'umai 'emaya? Nuwanuwayo be 'aene 'uda pe'uma, aga? Ta 'oyo sa'i ni'atu yamwalatonimu, 'oyo tuga Yaubada Natuna.”

Luke 1:32

Tauna ma'etamo 'ietoewaiwai be tomota sida bwauye tauna Toloetana sana Natuna, be 'Inapwana Yaubada loina waiwaina 'ida 'ebwa'e, nadigega tubuna Debida 'ina loina,

Luke 4:34

“Ya! Yesu, 'oyo goma Nasaleta, to'ase 'alena ga 'umai 'emaya? Nuwanuwayo be 'aene 'uda pe'uma, aga? Ta 'oyo sa'i ni'atu yamwalatonimu, 'oyo tuga Yaubada Natuna.”

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Guinuwa 3:14

Ona'ai'aila, Yesu tauna tai palupaluna ta 'esasena, ta wae'idi'idiyena, ga tomota 'adi toloemwawasa 'ebweu nuwanuwami, ga manuna Pailato 'ena wasidena.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

E'ita'ita 1:11

“Yage nidi ma'etamo 'u'itadi manudi 'uda 'etoladidi, be 'enega buki nina 'uda etune Ekalesiyao sebeni 'ediya, nate Epeso be Simulina be Peligamo be Tayataila be Salidisa be Piladelipia be Laodisia wate 'enaya.”

E'ita'ita 1:18

mayawasigu yamiyami. Ta lowa yamwawasa, ta 'u'ita 'abo'agu yamiyami, ta geya'abo yagumwagumwala. 'Abo'agu wate nimaguya Mwawasa be tomwawasa yaluyaluwadi 'idi sena 'adi 'ebe gigege yagiyaidi.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 16:7

Ta 'enana 'ebweuna wate yanonona 'ebe taliya 'enega, 'igwae, “'Inapwana ye, 'oyo Yaubada Toewaiwai sayo, 'imu loina gete bobo'adi ta palupaludi.”

E'ita'ita 19:11

Ta galewa ya'itena 'i'egegena, ta 'enaya osi wakewakekena, ta 'ana togelu nina sieesena Togwaunuwa palupaluna. Ga 'ina loina palupaluna 'enega 'ibwa'omatana, ta wate 'ilosalosaiya.

E'ita'ita 19:2

Ta 'ina loina maibo'ana palupaluna ta bobo'ana, manuna tosogala diidiga nina 'ina sogalega bale'u maibo'ana 'igie to'umaliyenaya, ni'atu 'ana e'isa 'ilobena. Ta wate 'asa nina 'ena Yaubada 'ina tomotaiyao siloemwawasidi, 'enega 'igieto'umaliyena.”

E'ita'ita 2:1

Anilose nina totapwaloloyao Epeso 'ena 'i'ita'ita'i'isidi 'ina leta 'uda 'etoladi me Epeso nidi manudi, be 'uda gwae: Ale gete 'imai tauna kwadima nidi sebeni nima 'atainega 'igiyaidi, ta mayale goula sebeni nidi gamwagamwanidiya 'itautauya 'enega. Tauna gete 'ina simana 'emiya, 'igwae:

E'ita'ita 21:5

'Enega 'ebemi esaesa 'ana tomiya nina 'igwae, “Yage yaudi yada gieauwaudi”, ga wate 'igwae, “Ona getedi 'u'etoladidi, manuna ona 'ai'aila ta palupaluna.”

E'ita'ita 3:14

Anilose nina totapwaloloyao Laodisia 'ena 'i'ita'ita'i'isidi, 'ina leta 'uda 'etoladi Me Laodisia nidi manudi, be 'uda gwae: Ale gete 'imai Topalupaluna 'enega, tauna Tosimana 'ai'aila, ta wate tauna Yaubada 'ina mweluluwa 'aledi, 'ina simana 'emiya 'igwae:

E'ita'ita 4:8

Ta 'ebweuna 'ebweuna papediyao 'adi yau sikisi, ta papediyao nidi maibo'adi matadi wate yauna 'atamanega ta solanega. Ta tuta maibo'ana, 'asiyata be boiboi 'ediya, siwaliwali, sigwaegwae: “Tabu, tabu, tabu, 'Inapwana Yaubada, Toewaiwai sana. Tauna tuta lowa, ta batuwa ta tuta simeemai 'ediya 'imiyami.”

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

E'ita'ita 6:10

Ta yaluyaluwa nidi 'enadi sinabwanega sibwaubwau, sigwae, “'Inapwana Toewaiwai sayo, 'oyo 'esaseyo ta palupaluyo, to tuta 'ena be 'enega 'ama toloemwawasao bale'uya 'uda loinedi 'idi to'umalinao manudi?”