E'ita'ita 22:5 - Loina Tabu Auwauna NT

⁵ Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.

E'ita'ita 22:5 Σταυροειδείς Αναφορές

Madiu 19:28

Ta Yesu 'ieonedi, “Ona'ai'aila, ma'etamo bale'u 'ana gieauwau 'enaya 'abo'agu Tomota Natuna 'igu 'ebemi esaesa 'ena yada miyatowa, ta wate 'omi 'igu tononoyao wate tuwelo 'imi 'ebemiya tuwelo 'ediya wate wamiyatowa be me Isileli 'idi susuyao tuwelo wada loinedi.

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Loma 5:17

Ona'ai'aila, tai 'ebweuna namo 'ina to'umalina 'enega mwawasa 'iapwesa ga tomota maibo'adi 'igie to'umaliyedi. Ta esi tai 'eluwena 'ina guinuwa waiwai wawasae, tauna Yesu Keliso, Yaubada 'ina oboboma 'i'ebwaya daitena tomota yaudi manudi, be 'enega yaisigedi sitagwaledi 'enaya 'i'awa bobo'anedi, be yawasidi bobo'ana 'enega siloba.

2 Timoti 2:12

'Eguma Keliso ma'edai 'ida miyamwau 'ediya tae'alama'i'ita, ma'etamo ma'edai tada loina. 'Eguma Keliso nina taeyaseyaseye ma'etamo 'ieyaseyaseyeda.

E'ita'ita 11:15

'Enega anilose esebenina 'ina yoguli 'imu'ena, ta galewega 'enadi sinabwana 'enega sigwaegwae, “To'etoseyana nina maTamana Yaubada ni'atu sietoloina bale'u 'ina 'ebeloinao maibo'adi 'ediya, ta geya'abo 'idi loina nina 'igumwagumwala.”

E'ita'ita 18:23

“'Enega mayale 'idi maedana 'enaya geya'abo siapweapwesa. Ta wate geya'abo toaiyao 'enadi 'asa nina 'enega sinoono. “Ona'ai'aila, bale'u maibo'ana 'enega 'asa nina 'ana toesaesao siloetana wawasae, ga 'idi nabwasuwa 'ediyega mali sena tomoteninao sikaboedi.

E'ita'ita 20:4

Ta wate 'aina 'ebemi esaesa ya'itedi, ga 'ediya taudi Yaubada loina 'i'ebwa'ediya simiyatowa. Ta wate tomota nidi 'otodi si'upwedi, manuna taudi Yesu 'ana tosimanao ta Yaubada 'ina ona 'ana tosimanao, yaluyaluwadi ya'itedi, taudi nigeya yobai nina be 'ina tokwalui 'ediya sida bwagobwago, ta nigeya wate 'ana we'iwe'iyaya debadiya be nimadiya sisa'usa'udi. Taudi getedi mwawasega ni'atu sitoolo, ta Keliso ma'edi siloiloina yakwala tausani 'ediya,

E'ita'ita 20:6

Ta taudi togimitoolo 'esasedi, 'enega ma idi gwausowala, ga mwawasa 'eluwena geya'abo silobaloba, ta taudi sa'i Yaubada be Keliso 'idi totaliyao, be Keliso ma'edi sida etoloina yakwala tausani 'ediya.

E'ita'ita 21:11

Ta Yaubada 'ina esaesa maedanina 'asa nina 'enaya 'isaesae, ta 'asa nina tuyayalina, 'atuwa nadigega gulewa esaesa, ta 'inamanamala 'atuwa gelasi.

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.