E'ita'ita 21:23 - Loina Tabu Auwauna NT

²³ Sinala be nawalae nigeya sida sae 'asa nina 'enaya, manuna Yaubada 'ina esaesaega 'ituyayalina maibo'ana, ta wate Lami 'iemayale 'asa nina 'enaya.

E'ita'ita 21:23 Σταυροειδείς Αναφορές

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

Maki 8:38

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu 'epata gete to'umalidi ta sogasogalidi matadiya, ma'etamo yada eyaseyaseyo, tuta nina Tamagu 'ina esaesa tuyatuyayalina 'enega yaila limanama, ta wate aneloseyao ma'egwao.

Luke 2:32

ta tauna taudi nigeya me Yudia 'adi togiemaedana, ta 'abo'ama 'imu tomotaiyao me Isileli 'ima 'ebe tupu.”

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 1:4

Tauna yawasi 'ai'aila, ta yawasi nina 'enega maedana 'ime'ena tomota yauyauda 'edaya.

Yoni 1:9

Ta maedana nina maedana 'ai'aila ga me bale'u maibo'ada 'ituyayalida.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Yoni 5:23

'Enega maibo'ami wada 'amayabegu tuga nadigega 'imi 'amayaba Tamagu 'ena. Ta 'eguma yaisigedi taudi nigeya si'ama'amayabegu, taudi wate Tamagu tauna 'ietuneguma, nigeya si'ama'amayabe.

Guinuwa 22:11

Ta maedana 'ina waiwaiyega matagu 'igie to'umaliyena, ga nigeya sawesawenaya be ya'i'ita, 'enega taudi ma'egwao siginimegu, ga 'atauya Damasiko 'enaya.

E'ita'ita 14:4

Ta taudi tai nidi getedi nigeya siloeloegesi iine ma'ediyao, manuna taudi nuwenuwe boladi tuga, ta esi Lami simuliya 'ai'ailina, 'abo mwa'o nai 'itatauya. Taudi ni'atu Yaubada 'igimi sa'ugagidi tomota 'ediyega, nate Yaubada be Lami 'idi gimisesoi.

E'ita'ita 18:1

Ta wate 'ebweu anilose ya'itena galewega 'imwa'umwa'utama, tauna ma ina loina sinabwana, ta wate 'ina maedanega bale'u maibo'ana 'ituyayalina,

E'ita'ita 21:11

Ta Yaubada 'ina esaesa maedanina 'asa nina 'enaya 'isaesae, ta 'asa nina tuyayalina, 'atuwa nadigega gulewa esaesa, ta 'inamanamala 'atuwa gelasi.

E'ita'ita 21:25

Ta 'asa nina 'ana 'awao 'asiyataya nigeya sida gibodedi, manuna nigeya guguyoi nai boiboi.

E'ita'ita 22:5

Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.

E'ita'ita 5:6

Ta wate 'ebemi esaesa nina selabenaya 'ebweu lami ya'itena, yobai ata gamwagamwanidiya 'itootoolo ta 'inapwanao wate gamwagamwanidiya, ta lami nina 'ana 'ita 'atuwa tauna siloemwawasina, ta kunanao sebeni ta matanao wate sebeni, taudi matanao nidi nate Yaubada yaluyaluwanao taudi 'ietunedi bale'u maibo'ana 'enaya.

E'ita'ita 7:17

Manuna Lami nina, tauna 'ebemi esaesa solanaya 'imiyami, tauna 'adi to'ita'i'ita, be 'enega 'ida anuganedi bwasi bobo'adi 'ediya, yawasidi manuna, ta Yaubada tauna mataseludi 'ida lo'i'ilidi.”