E'ita'ita 21:15 - Loina Tabu Auwauna NT

¹⁵ Ta anilose nina ma'iyagu 'aonaona, nimanaya 'ebe 'etopwapwa goula, be 'enega 'asa nina namanamalina be 'ana 'awao be 'ana 'ali wate 'ida 'etopwapwadi.

E'ita'ita 21:15 Σταυροειδείς Αναφορές

E'ita'ita 21:12

Ta 'asa nina 'ana 'ali sinabwana ta kesolana, ta 'ana 'awa 'adi yau tuwelo, ta 'awa nidi 'adi to'ita'i'ita anilose tuwelo, ta wate 'awa nina 'ediya susu tuwelo nidi Isileli 'enega 'adi esanao si'etoladidi.

E'ita'ita 21:16

'Asa nina 'ana dudula be 'ana bababa sena ata nidi leleleya. 'Enega anilose nina 'ina 'ebe 'etopwapwa 'enega 'asa nina 'i'etopwapwena, ga 'ana dudula be 'ana bababa be 'ana kesola maibo'ana leleleya, nadigega pipitini analedi kilomita.

E'ita'ita 21:21

Ta 'asa nina 'ana 'awao tuwelo nidi paku sinabwadi tuwelo 'ediyega siguinuwedi, ga 'awa 'ebweuna paku 'ebweuna 'enega siguinuwena. Ta 'asa nina 'ana 'eda maibo'ana goula daisinamo, 'inamanamala 'atuwa gelasi.

E'ita'ita 21:25

Ta 'asa nina 'ana 'awao 'asiyataya nigeya sida gibodedi, manuna nigeya guguyoi nai boiboi.