E'ita'ita 20:4 - Loina Tabu Auwauna NT

⁴ Ta wate 'aina 'ebemi esaesa ya'itedi, ga 'ediya taudi Yaubada loina 'i'ebwa'ediya simiyatowa. Ta wate tomota nidi 'otodi si'upwedi, manuna taudi Yesu 'ana tosimanao ta Yaubada 'ina ona 'ana tosimanao, yaluyaluwadi ya'itedi, taudi nigeya yobai nina be 'ina tokwalui 'ediya sida bwagobwago, ta nigeya wate 'ana we'iwe'iyaya debadiya be nimadiya sisa'usa'udi. Taudi getedi mwawasega ni'atu sitoolo, ta Keliso ma'edi siloiloina yakwala tausani 'ediya,

E'ita'ita 20:4 Σταυροειδείς Αναφορές

Madiu 19:28

Ta Yesu 'ieonedi, “Ona'ai'aila, ma'etamo bale'u 'ana gieauwau 'enaya 'abo'agu Tomota Natuna 'igu 'ebemi esaesa 'ena yada miyatowa, ta wate 'omi 'igu tononoyao wate tuwelo 'imi 'ebemiya tuwelo 'ediya wate wamiyatowa be me Isileli 'idi susuyao tuwelo wada loinedi.

Madiu 24:10

be mwau nidi manudi 'etamo yaumi waneeneta be taumimo gosemiyao wasipupuyedi nai waetalauwalaedi.

Maki 6:16

Elodi wate ni'atu tetela 'inonona ga 'igwae, “Nai tauna Yoni togiebapitaiso. Lowa yaloemwawasina ta sa'i 'itoolo limanaya.”

Maki 6:27

'Enega deli 'ana to'ita'i'ita 'ebweu 'iloinena be 'aene 'ida tauya be Yoni bulubuluna 'ida me'e. Ga 'enega to'ita'i'ita nina deliya 'itauya ga Yoni 'otona 'i'upwena,

Maki 9:11

Ga Yesu 'ena sienaida wate, sigwae, “To'ase manuna loina 'ana toe'itao siona 'aene Ilaitiya 'igimi nuganama be muliyega To'etoseyana nina 'imama?”

Luke 1:17

Ta tauna 'iabe ma ina waiwai ta ma ina 'atepatu, be Yaubada manuna 'ida etosimana, ta 'ina waiwai nadigega lowa palopita Ilaitiya 'ina waiwai. Be 'enega guguya 'enega tama 'ida giesana iledi be natudiyao sida nuwa'i'isi limedi. Be wate taudi tole'oa loina 'ida giesana iledima 'eda palupaluna 'enaya, be 'enega 'Inapwana 'ina tomotaiyao 'ida gibubudi 'ina mai manuna.”

Luke 14:14

be 'enega 'awabobo'ana 'ai'aila 'uloba, manuna gete taudi nigeya sawesawediya be 'imu oboboma nina sie'isa. Ta esi Yaubada 'enega 'amu e'isa 'uda loba, tuta nina 'abo tobobo'adi mwawasega 'igietoolodi.”

Luke 22:30

be 'enega 'omi 'igu 'ebeloina 'enaya ma'egwao tada 'e'ai be tanunuma, be wate 'ebemi esaesa 'ediya wamiyatowa be me Isileli 'idi susuyao tuwelo wada loinedi.”

Yoni 14:19

“Ta tuta gidalina namo 'ena be yapilisinemi, be geya'abo me bale'u si'ita'itagu, ta 'omi ma'etamo wada 'itagu mayawasigu yamiyami, 'enega 'omi wate nadigega mayawasimi wamimi.

Loma 11:15

Ta ona'ai'aila, Yaubada me Yudia 'iguitoyasedi be 'aene 'omi nigeya me Yudia Yaubada 'iegosigosiyanemi, be 'enega to tuta 'ena 'abo me Yudia nidi sisanaila, yage bobo'ana 'ida apwesa, be 'ana 'ita 'atuwa nadigega taudi mwawasega sitoolo limana.

Loma 8:17

Be 'enega oboboma nidi natuna Yesu Keliso manuna 'isa'u bubuna, 'iabe Yesu ma'edai oboboma nina leleleya taloba Yaubada 'enega. Manuna 'abo Keliso ma'edai 'elouya taloba, ma'etamo wate ma'eda 'ida esaesa talobai.

2 Timoti 2:12

'Eguma Keliso ma'edai 'ida miyamwau 'ediya tae'alama'i'ita, ma'etamo ma'edai tada loina. 'Eguma Keliso nina taeyaseyaseye ma'etamo 'ieyaseyaseyeda.

E'ita'ita 1:2

'Enega Yoni yage nidi ni'atu 'i'itedi maibo'adi, ga 'isimana apwesena, nate Yaubada 'ina ona, ta wate Yesu Keliso tetelina.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.

E'ita'ita 11:11

Ta 'asiyata 'etoi be tupwana sigumwala, ga Yaubada yawasina 'ediya 'i'ebwaya, ga sitoolo, 'enega tomota yaudi si'itedi, ta simatauta sinabwana.

E'ita'ita 11:15

'Enega anilose esebenina 'ina yoguli 'imu'ena, ta galewega 'enadi sinabwana 'enega sigwaegwae, “To'etoseyana nina maTamana Yaubada ni'atu sietoloina bale'u 'ina 'ebeloinao maibo'adi 'ediya, ta geya'abo 'idi loina nina 'igumwagumwala.”

E'ita'ita 11:3

Ta tosimana 'eluwa yaetunedi, ma 'adi 'oama 'atuwa nadigega kwabulao 'adi 'oama, be Yaubada 'ina ona sida simane 'asiyata tuwelo analedi be sikisiti nidi soladiya.”

E'ita'ita 11:7

'Enega tosimana 'eluwa nidi 'idi simana tomota 'ediya 'igumwalaya, ga yobai 'ebweu gaula nina sinabwana 'enega 'iapwesama, ga 'ilosaiya tosimana nidi 'ediya, ta 'iewaiwai ga 'iloemwawasidi.

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.

E'ita'ita 14:11

Ta kaiwe nina 'asuna 'itu'etu'e ataya, ta nigeya 'ina 'ebe gumwalamo. Ta tomota nidi taudi yobai nina ma ina tokwalui 'adi tobwagobwagoyao, ta 'ana esana dayadayagina 'ana to'ewao, taudi 'idi 'elouya nigeya 'ida gumwala 'asiyata nai boiboi 'ediya.”

E'ita'ita 15:2

Ta wate ya'itena 'atuwa ola 'ina siwalowa ta wate sabesabeluluna, ta ola nina tupitupinaya boda sitootoolo, taudi ni'atu siewaiwai yobai to'umalina be 'ina tokwalui be wate 'ana esana 'ana numela 'ediyega. Ta boda nidi nimadiya 'ebe gwanegwaneyao Yaubada 'enega,

E'ita'ita 17:8

Yobai nina 'u'itena lowa mayawasina ta ni'atu 'imwawasa, be ma'etamo 'iapwesama gaula nina sinabwana 'enega be 'itatauya, be 'enega sigieto'umali 'ai'aili. Ta tomota me bale'u, yaisigedi taudi 'adi esana Yaubada nigeya 'i'eto'etoladidi yawasi bukina solanaya, tuta nina bale'u 'ana mweluluwa'unu 'enaya, taudi yobai nina 'etamo sida 'ita be nuwadi 'iowana, manuna lowa mayawasina ta gete tugai ni'atu 'imwawasa, ta ma'etamo 'iapwesa limanama.

E'ita'ita 2:26

“Ta wate 'abo yaisigedi 'omi Seitani waewaiwai sinena, be 'igu guinuwa nina tuga waguiguinuwei be 'ana laba 'ebe losalowa 'ena, loina yada 'ebwa'emi be sena yauyaudi wada loinedi. Nadigega tuga Tamagu loina 'i'ebwa'eguya. Ta 'imi loina nina waiwaina 'enega wada loina tomota 'ediya, 'atuwa nadigega kainumuyega 'ulena ta'aupisalidi.

E'ita'ita 20:6

Ta taudi togimitoolo 'esasedi, 'enega ma idi gwausowala, ga mwawasa 'eluwena geya'abo silobaloba, ta taudi sa'i Yaubada be Keliso 'idi totaliyao, be Keliso ma'edi sida etoloina yakwala tausani 'ediya.

E'ita'ita 22:5

Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.

E'ita'ita 4:4

Ta 'ebemi esaesa wate 'adi yau tuweniti powa simiya sakowasiyena, ta 'ebemiya nidi 'ediya 'inapwanao site tuweniti powa simiyatowa ma 'adi 'oama wakewakekedi, ta wate ma 'adi peyaula esaesa goula debadiya.

E'ita'ita 6:9

'Enega wate lami nina losipwa enimana 'ili'amina, ga Yaubada 'ina 'ebe taliya 'ubuninaya 'ana tosimanao yaluyaluwadi ya'itedi, taudi lowa bale'uya Yaubada 'ina ona 'ana tosimanao bobo'adi, ta gete manuna tomota sietalauwaledi ga siloemwawasidi.

E'ita'ita 7:3

'igwae, “Geya'abo bale'u nai ola nai kaiweyao wagiegie to'umaliyedi 'ana laba 'ida Yaubada 'ina toguinuwao 'adi we'iwe'iyaya 'ada sa'u debadiya.”