E'ita'ita 20:12 - Loina Tabu Auwauna NT

¹² Ta tomwawasa maibo'adi ya'itedi, sinabwadi be gidalidi, 'ebemi esaesa nina matanaya sitootoolo, ta buki 'ineyasidi, ga 'ebweu wate buki 'ineyasina, tauna yawasida bukina, ga tomwawasao 'iloinedi, to'ase nadigega 'idi bubuna 'eto'etoladina buki nidi 'ediya 'imiyami.

E'ita'ita 20:12 Σταυροειδείς Αναφορές

Madiu 11:22

Ta esi 'omi nigeya 'ai'aila, 'enega bwa'omatana 'ana 'asiyata 'enaya Yaubada 'iabe me Taiya be me Saidoni 'i'atenuwa 'ole'oleyedi, ta 'omi geya'abo.

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

Luke 10:20

'Enega wate 'ediya 'igwae, “Ona'ai'aila, 'imi guinuwa yaluyaluwa to'umalidi 'ediya waiwaina ga manuna wagwausowala, ta nate nigeya yage sinabwana, ta esi 'imi 'ebe gwausowala sinabwana 'eguma 'ami esanao ni'atu galewaya si'etoladidi.”

Guinuwa 24:15

ta wate yaemisa 'aene Yaubada tokwaiyao 'igietoolo limedi, tobobo'adi be toto'umalidi, nadigega taudi wate 'idi emisa.

Loma 2:6

manuna tomota 'ebweuna 'ebweuna 'edaya 'ida e'isa tuga to'ase 'ida guinuwa nadigega.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

2 Kolinita 5:10

Manuna ma'etamo 'abo tuta nina Keliso 'ina 'ebemi esaesa 'ena 'imiyatowa sabi loineda, maibo'ada 'ada e'isa 'enega tada loba, nai bobo'ana nai to'umalina, nadigega 'ida guinuwao bada bale'uya.

Pilipai 4:3

Wate gosiya 'ai'ailigu, 'oyo toanugana, yasideyo be iine nidi 'ulemedi, manuna lowa taudi ma'egwao 'aguiguinuwa leleleya, tetela bobo'ana 'ana simana 'enaya, ta wate Kelemeniti be 'aidi wate 'agu tolemao ma'emao 'apaipaisewa, taudi 'adi esanao yawasi bukina solanaya 'eto'etoladina.

E'ita'ita 11:18

Taudi nigeya me Yudia sigamwasowala 'ai'aila, ta esi 'imu bwa'omatana 'ana tuta 'iapwesama be tomwawasao sitoolo be 'uloinedi, ta 'imu palopitao 'adi e'isa 'uda 'ebwa'edi, be 'imu tomota maibo'adi 'adi e'isa 'u'ebwa'edi, taudi sinasinabwadi be gidagidalidi 'ediya, manuna taudi sana 'amu to'amayabao. Ta esi bale'u 'ana togieto'umaliyao 'oyo 'uda gieto'umaliyedi.”

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

E'ita'ita 17:8

Yobai nina 'u'itena lowa mayawasina ta ni'atu 'imwawasa, be ma'etamo 'iapwesama gaula nina sinabwana 'enega be 'itatauya, be 'enega sigieto'umali 'ai'aili. Ta tomota me bale'u, yaisigedi taudi 'adi esana Yaubada nigeya 'i'eto'etoladidi yawasi bukina solanaya, tuta nina bale'u 'ana mweluluwa'unu 'enaya, taudi yobai nina 'etamo sida 'ita be nuwadi 'iowana, manuna lowa mayawasina ta gete tugai ni'atu 'imwawasa, ta ma'etamo 'iapwesa limanama.

E'ita'ita 19:5

'Enega 'ebemi esaesa nina 'enega 'ebweu 'enana 'imai ga 'igwae, “'Omi Yaubada 'ina toguinuwao be 'ana to'amayabao, gidalimi be sinabwami, wada lotuputupu 'enaya.”

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.

E'ita'ita 20:11

'Enega 'ebweu 'ebemi esaesa wakewakekena ta sinabwana, be 'ana tomiya nina, ya'itena. Ga matanega galewa be bale'u sisawala, be nigeya sawesawenaya taloba limadi.

E'ita'ita 20:13

Taudi ni'u 'adi to'enoyao simai, be tomwawasa yaluyaluwadi 'idi 'asa 'ana tomiyanao, be bale'u 'ana tomwawasao, maibo'adi simai, ga 'ebweuna 'ebweuna 'iloinedi, to'ase 'idi bubuna nadigega.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

E'ita'ita 21:27

Ta geya'abo sa'i yage baibailidi 'asa nina 'ena silugulugu, nai toguinuwa to'umalidi, nai toekabokaboyao. Nate namo taudi ni'atu 'adi esanao si'etoladidi Lami nina 'ina buki, nate yawasida bukina, 'enaya.

E'ita'ita 22:12

'Enega Yesu 'igwae, “'Iabe yawawa, be 'ami pali yame'edi be yada eguyai 'emiya, nadigega 'imi paisewa 'adi sinabwa,

E'ita'ita 3:5

“Nadigega tuga 'abo yaisigedi 'omi waewaiwai, 'omi wate 'ami 'oama wakewakekedi wada 'otedi, be geya'abo 'ami esana yawasi bukina 'enega yakweukweu yauledi, ta esi 'ami esanao yada 'inanedi Tamagu be 'ina aniloseyao 'ediya, 'aene 'omi 'igu boda.