E'ita'ita 2:9 - Loina Tabu Auwauna NT

⁹ “Ni'atu yamwalatonina 'imi 'elouyao, nate 'omi gomagomabesomi, ta esi wada nuwa'i'isi 'aene 'omi ma imi esaesa, ta wate ni'atu yamwalamwalatoni 'aene 'aidi Seitani 'ina bodao si'awa'awa to'umaliyemi, ta wate sigwae, ‘'Abo'ama me Yudia,’ ta nigeya. Taudi esiya tuga Seitani 'ina bodao.

E'ita'ita 2:9 Σταυροειδείς Αναφορές

Madiu 4:10

'Enega Yesu 'i'enapa'alina, 'igwae, “Seitani, 'upilisinegu! Buki Tabu solanaya loina 'imiyami 'aene, ‘'Imu 'Inapwana Yaubada namo 'ena 'uda bwagobwago be taunamo 'ina ona 'uda ematamatanedi.’”

Luke 12:21

Ta Yesu 'ina ona 'ana 'ebe losalowa 'ena 'igwae, “Ona'ai'aila, 'eguma yaita esaesa manuna 'ipaisewa be 'imiya esaesa gwegwe bale'uya 'ediyega ta nigeya galewa 'ana esaesa 'ediyega, tauna uwauwana!”

Luke 22:65

Ga wate 'aina ona to'umalidi 'ediyega sieliyena ga 'ana laba

Luke 4:18

“'Inapwana Yaluyaluwana 'eguya 'imiyami. Tauna 'iesinuwegu be togomabeso 'ediya tetela bobo'ana yaguguyae. Ta yoniyonidi wate 'ediya 'ietunegu be 'adi li'ama manuna yada simane. Ta tomatakebokebo wate 'idi 'esasa limana manuna yasimane. Ta wate 'ietunegu be tomiyamwau 'adi talauwalao nimadiyega ya'etoli'amidi.

Luke 6:20

'Enega Yesu 'ina tononoyao nidi 'iduneyedi ga 'ieonedi, 'igwae, “'Abo 'omi gomagomabesomi, wada gwausowala manuna Yaubada nimanaya wamiyami.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Guinuwa 26:11

Ta wate anuwa tapwalolo 'ediya yagiegie 'elouyadi ta yagewagewanedi be Yesu sida guitoyase, ta yagamwasowala 'ai'ailedi, ga yamutudi mali 'asao 'ediya.

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Loma 2:17

Ta 'omi? Taumi watupumi ga wagwae, “'Abo'ama me Yudia, Yaubada 'ina loina 'i'ebwa'ema Mosese 'enega.”

Loma 5:3

Ta wate tada gwausowala tuta 'elouya 'ediya, manuna 'elouya nidi 'ediya, 'eguma tae'alama'i'itana,

Loma 8:35

'Enega nigeya 'ebweu to yage sawesawenaya be Keliso 'ina oboboma 'edega 'iabodebodedi, nadigega taudi mwau nidi talobadi, 'elouya be, wasegigi be, botana be, egomabeso be, esilae be, mwawasa be,

Loma 9:6

Yaubada 'ina ona getedi geya'abo manudi tanuwanuwa 'aene ona 'eetete, ta esi ona getedi 'adi 'ai'aila siapwesa taudi me Isileli 'ai'aila 'ediya, taudi Yaubada 'ina bodao esiesinuwadimo, ta esi nigeya me Isileli maibo'adi 'ediya.

2 Kolinita 6:10

'Abo'ama ma ima nuwamwau ta esi 'atemaya 'agwaugwausowala. 'Abo'ama 'atuwa gomabeso ta esi esaesa 'aegueguyai tomota yaudi 'ediya. Nigeya wate 'ima gwegwemo, ta esiya yage maibo'ana 'emaya simiyami.

2 Kolinita 8:2

Taudi gomagomabesodi nadigega 'atuwa 'ebe toona silobena 'idi miya 'ana mwau 'enega, ta tuwa tuga ma idi gwausowala 'ebwayadaita bobo'ana wawasae sisa'una.

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

1 Tesalonaika 3:4

Manuna lowa 'abo'ama ma'emiyao tamiyami, ga 'agimisimana 'emiya 'aene miyamwau nidi 'emiya sida apwesa, ga gete tuga ni'atu siapweapwesa.

1 Timoti 1:13

Tuta lowa nigeya nadigega, manuna tuta nina 'ena Keliso ya'awa to'umaliyena ta 'ina bodao yaetalauwaledi, ta tuwa tuga Yaubada 'imwalatonina 'aene yage nidi to'umalidi yaguinuwedi taugu 'igu emwagemwageyega, ta wate nigeya yaemiemise, 'enega 'i'atenuwa 'ole'oleyegu,

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.

E'ita'ita 2:13

“Ni'atu yamwalamwalatoni sena nina 'ena wamiyami, nate Seitani 'ina 'ebeloina. Ta tuwa tuga waemisa 'ai'ailigu, manuna nigeya wada eyaseyaseyegu. Ta Seitani 'ina sena nina 'ena lowa 'ebweu 'agu tosimana 'ai'aila siloemwawasina, 'ana esana Anitipasa, ta tuga sa'i wagiyaigu pa'alina.

E'ita'ita 2:2

“Ni'atu yamwalatonimi, 'aene 'imi paisewa sinabwana 'enega, be 'imi e'alama'i'itana 'ediyega, waewaiwai, ta toto'umalidi geya nuwami, 'enega 'agu tosimana kabokaboyao watoodi ga 'idi kabo wagieapwesena.

E'ita'ita 2:24

“Ta 'omi Me Tayataila nimi, 'abo bubuna to'umalidi getedi nigeya wamulimuliyedi, nai Seitani 'ina e'itao ni'uni'udi nigeya wamwalamwalatonidi, geya'abo wate 'aa'aala mwauna ya'ebwa'ebwa'emi.

E'ita'ita 3:9

“Ta wada enono 'ai'aila taudi Seitani 'ina bodao manudi, manuna sikabo ga sigwae 'aene taudi me Yudia, ta nigeya sa'i. 'Enega 'etamo yaloinedi be simamai matamiya be 'emiya sida bwagobwago, be 'enega maibo'adi sida mwalatoni 'aene 'omi yaobobomemi.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.