E'ita'ita 2:21 - Loina Tabu Auwauna NT

²¹ Ta ni'atu waine nina 'ina tuta ya'ebwa'ena be 'aene 'ina to'umalina nidi 'ediyega 'ida nuwa'ebuni, ta sa'i geya nuwana be 'ina loyawe nina 'ida guitoyase.

E'ita'ita 2:21 Σταυροειδείς Αναφορές

Loma 9:22

Yaubada wate nadigega 'ina guinuwa tauna 'iloina, manuna tuta yauna toto'umalidi 'ediya 'ie'alama'i'itana sinabwana, be 'enega 'idi to'umalinao geya'abo 'ida e'ie'isadi, ta sa'i nigeya sida ematamatana, 'enega 'inuwena 'aene 'ilobwenena be 'ida loinedi, be 'enega 'ina gamwasowala be 'ina waiwai sida 'ita.

1 Pita 3:20

Yaluyaluwa nidi tomota yaluyaluwadi, taudi lowaenei Noa 'ina tutaya Yaubada manudi 'ie'alama'i'itana be 'aene 'ena sida emisa, ta nigeya. 'Enega maibo'adi muluwa 'enega sidalala, ta pu'epu'edimo bwasiyega 'i'etoseyedi, nadigega nima ta 'etoi, waga nina Noa 'i'abinaya 'enega.

2 Pita 3:15

Ta wanuwa'i'isi 'aene 'ida 'Inapwana 'ina e'alama'i'ita 'alena 'aene nuwanuwana be 'ada 'etoseyana tada loba. Yage gete manuna gosiya 'ai'ailida Paulo ni'atu 'emiya 'i'etoladiwa. Ta 'ina mwalatoi Yaubada 'enega 'imai.

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.

E'ita'ita 16:11

Ta Yaubada galewaya si'awa to'umaliyena, bonu nidi uyauyadi manudi, ta nigeya sa'i sida nuwa'ebuni 'idi guinuwa to'umalidi 'ediyega.

E'ita'ita 16:9

Ga ni'atu yaiyai nina sinabwana tomota 'i'alasidi, 'enega Yaubada si'awa to'umaliyena, manuna tauna 'ina loinega ga mwau nidi siapwesama. Ta tuwa tuga, nigeya sinuwanuwa 'ebuni be 'aene Yaubada sida tupu.