E'ita'ita 17:8 - Loina Tabu Auwauna NT

⁸ Yobai nina 'u'itena lowa mayawasina ta ni'atu 'imwawasa, be ma'etamo 'iapwesama gaula nina sinabwana 'enega be 'itatauya, be 'enega sigieto'umali 'ai'aili. Ta tomota me bale'u, yaisigedi taudi 'adi esana Yaubada nigeya 'i'eto'etoladidi yawasi bukina solanaya, tuta nina bale'u 'ana mweluluwa'unu 'enaya, taudi yobai nina 'etamo sida 'ita be nuwadi 'iowana, manuna lowa mayawasina ta gete tugai ni'atu 'imwawasa, ta ma'etamo 'iapwesa limanama.

E'ita'ita 17:8 Σταυροειδείς Αναφορές

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Luke 10:20

'Enega wate 'ediya 'igwae, “Ona'ai'aila, 'imi guinuwa yaluyaluwa to'umalidi 'ediya waiwaina ga manuna wagwausowala, ta nate nigeya yage sinabwana, ta esi 'imi 'ebe gwausowala sinabwana 'eguma 'ami esanao ni'atu galewaya si'etoladidi.”

Luke 8:31

Ta yaluyaluwa nidi 'enadi Yesu 'enaya sisida waiwai sigwae, “Geya'abo 'uulaula mwa'utema gaula 'ebe esilae 'enaya,

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Guinuwa 15:18

Gete 'Inapwana 'ina ona, tauna lowaenei nuwanuwa gete 'igieapwesena.’ ”

Epeso 1:4

Manuna lowaenei 'etamo bale'u nigeya 'imwelumwelului, ta 'igimi esinuweda be 'aene taeboda 'ebweu Keliso ma'edai, be Yaubada nina matanaya adelida 'esaseda, ta nigeya 'ada 'ebe e'ewamo.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

1 Pita 1:20

Yaubada Keliso nina 'igimi esinuwena 'ina guinuwa gete manuna, ta muliyega bale'u 'imweluluina, ta ni'atu tuta 'ana 'ebe losalowa 'enaya Keliso nina 'iapwesama, 'abo'ada manuda.

E'ita'ita 11:7

'Enega tosimana 'eluwa nidi 'idi simana tomota 'ediya 'igumwalaya, ga yobai 'ebweu gaula nina sinabwana 'enega 'iapwesama, ga 'ilosaiya tosimana nidi 'ediya, ta 'iewaiwai ga 'iloemwawasidi.

E'ita'ita 17:11

Ta kiniyao nidi sebeni, 'ebweu wate kini ma'edi, 'idi boda solanaya, tauna yobai nina lowa mayawasina ta yawasina 'igumwala, be ma'etamo 'itatauya be 'aene sida gieto'umali 'ai'aili.

E'ita'ita 17:2

Ta bale'u 'ana kiniyao loelata 'ena siewaiwai tosogala nina ma'ediya, ga 'enega me bale'u yaudi loelata bubunina sinumena ga siekabaleya.”

E'ita'ita 20:10

'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.

E'ita'ita 20:12

Ta tomwawasa maibo'adi ya'itedi, sinabwadi be gidalidi, 'ebemi esaesa nina matanaya sitootoolo, ta buki 'ineyasidi, ga 'ebweu wate buki 'ineyasina, tauna yawasida bukina, ga tomwawasao 'iloinedi, to'ase nadigega 'idi bubuna 'eto'etoladina buki nidi 'ediya 'imiyami.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.

E'ita'ita 3:5

“Nadigega tuga 'abo yaisigedi 'omi waewaiwai, 'omi wate 'ami 'oama wakewakekedi wada 'otedi, be geya'abo 'ami esana yawasi bukina 'enega yakweukweu yauledi, ta esi 'ami esanao yada 'inanedi Tamagu be 'ina aniloseyao 'ediya, 'aene 'omi 'igu boda.